مواقف العيد ...

[FATA--JALAJEL]

السلام عليكم ورحمة الله وبركاته


كيف حالكم



كل عام وأنتم بخير



عيدكم مبارك وعساكم من عوادهـ



جبت الموضوع هذا علشان نشوف المواقف الطريفة إللي صارت لكم في يوم العيد


أرجوا من الكل الدخول وذكر موقف



أرجوا التفاعل



ولكم خالص تحياتي وتقديري

[( عابرة سبيل )]

/
\




كل عام وانت والجميع بـ خيرات
ومسرات

:
:



موضوع رايق ... وممتع

:
:


شكرا لـــك اخي الكريم
( فتى جلاجل )

:
:


لي عوده هنا بإذن الله

[عبدالله المهيدب]

اليوم مجتمعين في المجلس ويدخل احد الأطفال ويناظرني وشكله مستغرب قلت له تعال يابابا جاء وسلم على وقال لي انت عندنا في البيت قلت له انا عندكم قال ايه عندنا في التلفزيون تقول ماااايحالف

قلت له وشفت الصغير اللي يقول مايحالف قال ايه قلت رح شفه داخل راح يركض يدوره

[Sub_Zero]

اخوكم جــاه صاروخ قبل كم سنه دخل علي في السياره


ما ادري شلون و كيف دخل ؟؟


المهم الشماغ خرب و كرسي السياره بعد



وما زالت اثار ذلك الصاروخ في نفسي حتى الآن


:)



من خاف من علتن تستلته :)

[زهرة]

المواقف!!



كل عيد لازم ناكل موقف محرج


لكن هالسنة موقف لانحسد عليه:(



مجتمعين كلنا الحريم وقالوا لنا فلان بيسلم على خالاتي وهذا الفلان يصير اخوي وتوه جاي من الرياض


واطمر بروح اسلم عليه انا وخواتي يوم طلعت ويصير ولد خالتي مع اخوي واقف ^x

[أبو زياد]

الله يعطيك العافيه أخوي: فتى جلاجل على الموضوع الرائع والموقف أن ثوبي أحترق من الطرطعان والله يعين وتقبل مروري يالغالي..

[عبدالله الفـارس]

أبو عبدالمحسن


أجل ما يخاااااالف هع هع

زهرة

ههههههههههههههه

موقف بالفعل لا تحسدون عليه


حمد

:(

موقف أليم


يعطيك العافية يا فتى جلاجل

ولا يحضرني أي موقف الآن :))

[مشــاعر]

http://7bna.com/up/uploads/94868c0643.gif
.
.
والله الموقف اللي صار لنا ,, ان اختي صار لهم حادث عند الاشاره وهم جايين لعيدنا ,,

وانواع المشاكل والحوسه ,,


.
.
.

http://7bna.com/up/uploads/c61afae108.gif

[FATA--JALAJEL]

دمعة ألم : مشكورة على المرور والرد .


الأستاذ /عبدالله المهيدب : مشكور على الموقف الجميل ومشكور على المرور والرد .



الأخ / حمداتوا << يدلعه هع هع :) / حياك الله ومشكور على الموقف ومشكور على المرور والرد .



Sub_Zero / المفروض عطيتنا موقف صار لك على العموم مشكور على المرور والرد .



زهرة / مرة ثانية لا تستعجلين هع هع :)) . مشكورة على المرور والرد .



أبو زياد / هلا بك . هذا درس لك علشان مرة ثانية تتنتبه من الطرطعان . مشكور على المرور والرد .



عاشق ديرته / مشكور على التعليق . ومشكور على المرور والرد .



مشــاعر / يا ساتر . ما يشوفون شر إن شاء الله . مشكورة على المرور والرد .

[مقبل المقبل]

الحمد لله العيد هذا حباااااااااايب :)

بس قبل العام كنت بأسافر للقصيم بعد ما تعيدنا بالرياض

أخوي (أبو الوليد النشمي ) :)

أخذ موتري وراح لمشوار

دق علي بعد خمس دقايق

وقال يخلف الله على الموتر ههههههه

كان يمشي بتقاطع ودخل عليه واحد مخالف وشال الواجهية عليه

طبعا الخطأ على هذاك 100%

والسيارة ما تمشي

صار العيد عيدين :)

سحبت السيارة دخلتها للبيت وركبت مع ولد عمي (القصيم ما تفوّت :) )

.................................................. .................

وقبلها بعيد الضحية

طلعت بعد صلاة الفجر وكنت (لابس بدلة) ورحت أجيب الضحايا من استراحاتنا

المهم كنت ما شي ومعي 6 خرفان

بعد الإستراحة فيه إشارة (ديكور) هههههه ما أحد يوقف عندها

وقفت وناظرت يمين ويسار ما فيه أحد

وقلت اليوم عيد

مشيت

آخر الشارع ورحت يمين

وشوي يوقفني واحد من الدوريات مستلم بالعيد ونفسيته دمااااااااااااااااااااااااار :)

قال لي (إثباتك)

قلت والله طالع من البيت ببدلة عشان أجيب الضحايا وأرجع

وإثباتي بالبيت

قال وقف السيارة واركب :68:

هههههههه قلت : الله يهديك تحب تمزح

قال إنسى :-iu

وأنت أصلا سارق الذبايح :lipssealed:

المهم

قلت له رقم إثباتي ***********

ارسله للعمليات ويعلمونك من راعيه

قال مستحييييييل

دقيت على الوالد

قال بأرسل لك إثباتك ولا يطري لك تركب معه ولو يصير ما يصير asb:


كفو وراي ظهر:flex:

المهم حاول يركبني بسرعة قبل ما يجي الإثبات

وتم الرفض التام بأسلوب حضاري :47:

وبعد كذا جدع استمارة السيارة علي وقال سامحتك :a (4): ههههههه

جزاه الله خير :)

وهذ شوية خنبقة وسواليف حبيت أشارككم فيها

تحياتيِ

[FATA--JALAJEL]

أخوي مقبل المقبل


لا مهيب خنبقة إلا موقف منتاز



يارجال أنت أحسن من غيرك هع هع :)



مشكور على المرور والرد

[أنس بن عبد الله]

انا موقف واحد تقريبا حصل لي بالعيد

ولا ينسى ولن انساااه ابدا

ولكن مقدر أشرحه لكم

:)

[طالبة المعالي]

وعليكم السلام ورحمة الله وبركاته ..


وكل عام وأنتم بخير وصحة وعافية .. موضوع جميل ومواقف للأعضاء أروع .. بالنسبة لي المواقف كثيرة .. لكن


سأكتفي بموقف واحد .. حتى لانطيل عليكم .. وهو موقف لازال عالقا بذهني .. ويربطني بذكريات حزينة ومؤلمة ..


ففي ذات عيد .. وبعد صلاة الفجر بالتحديد .. الكل هنا سعيد ومبتهج .. التهنئة والحب والسعادة والضحكات .. متبادلة


بين الجميع .. لكن أتى قضاء الله ولاراد لقضائه ..


وفجعنا بخبر وفاة أبناء عمتي الثلاثة .. في حادث سير .. وهو في طريقهم الى الرياض .. عائدين من مكة بعد أن أتموا


اعتكافهم طيلة أيام العشر بالحرم المكي ..


فلكم أن تتصورا حالنا .. انقلبت اعيادنا الى بكاء .. وأفرحنا الى أحزان .. اسأل الله أن يغفر لهم ويرحمهم وجميع


أموات المسلمين .. وهم ولله الحمد شباب أتقياء نحسبهم كذلك والله حسيبهم .. نور الطاعة يشع من محياهم .. يحبهم من


عرفهم ومن لايعرفهم الكل افتقدهم الكبار الصغار .. حتى ممرات المستشفيات افتقدتهم .. فقد كانوا بين كل فترة وفترة


يزورون المرضى ويرقونهم .. وبالأعياد يهدونهم .. وللأيتام كان لهم نصيب منهم ..


هذا والله ماخفف مصابنا .. أن ماتوا وهم على هذه الحال ..

[شوشة منفوشة]

فتى جلاجل ،،،، والله أنك رايح فيها !!!!


ألحين ورى ما تعطينا موقف صار لك بالعيد ؟؟؟؟؟؟


بس أنحن نقص عليك،،،،!!!


شوووووووووووووووووو هيدا ؟؟؟




(((((( طبعا أنا يا شوشة موقف صار لي ))))))


سنه من السنوات طلعنا من البيت ووصلنا مكان الإجتماع في العيد وتفاجئنا !!!!!!!!!!!!!!!!!!!!!!!!!!!!




؟؟؟؟؟؟؟؟؟؟؟؟؟؟؟؟





؟؟؟؟



بي





؟؟




أن






؟؟




أبحرق أعصابكم







؟؟؟





>>> >>>عجلي بس لا بنعله













أبد كنت أبقول لكم ( (نسينا العيديات بالبيت )) والله قهههههههههههههههههههههر يوم نسيناهن ..





وشئ ثاني ودي أقوله لكم محيررررررررني !!!




وهو أني أستغرب ؟؟؟؟ ليش الناس يحطون على ها الصبحيه رز ،،، ولحم،،، ومرقوق ،،، وجريشه ؟؟؟؟؟


ليييييش ما يحطون أيييي شيء ثاني ؟؟




ولا وش رايك ؟؟؟

[FATA--JALAJEL]

نصراوي سديراوي / براحتك . مشكور على المرور والرد .



هند السبيعي / أجبر الله عزائنا وعزاكم لله ما أخذ وله ما أعطى وكل شي عنده لأجل مسمى

غفر الله لهم ورحمهم وأسكنهم فسيح جناته وألهم أهلهم الصبر والسلوان

مشكورة على المرور والرد .




حمد / مشكور على المرور والرد .



شوشة منفوشة / بالنسبة للموقف فالحمد لله ما يحضرني شي لكن لو تذكرت شي أجدعه لكم هنا
مشكورة على المرور والرد .

[شوشة منفوشة]

وشئ ثاني ودي أقوله لكم محيررررررررني !!!




وهو أني أستغرب ؟؟؟؟ ليش الناس يحطون على ها الصبحيه رز ،،، ولحم،،، ومرقوق ،،، وجريشه ؟؟؟؟؟


ليييييش ما يحطون أيييي شيء ثاني ؟؟







لووووووووووووووووووووو سمحت أين الإجابة عن السؤال ؟؟؟؟؟؟؟؟؟؟؟؟؟؟؟




ترى عقابك عشان ما جوبتا !!!!!!!!! أممممممممممم ؟؟؟؟




تعصد جريش >> خخخخخ



أو تصلح لنا مرقوق >>> خخخخ



ولا تنسى حط مع المرقوق لحم وخضرة >>> طرار ويتشرط يا سلام ...

[FATA--JALAJEL]

والله بالنسبه لسؤالك فإجابته إن الناس تعودوا عليه


وإلا وش تبينهم يتعيدون بيض مقلي وشكشوكه وكبدة حاشي ؟؟


وإلا مطبق وهمبرقر وشاورما



يابنت الحلال سؤالك مدري وش يبي

بس أنتي يوم رديتي مرة ثانية قلت لا تخليني أعصد الجرش لو ما رديت :)

[شوشة منفوشة]

بس بس خلاااااااااااااص أركد :confused: ،،، شكلك ودك تصفقني ....asb:



تعووووووووووذ من الشيطان قال الرسول فيما معنى الحديث أن كنت واقف أقعد وأن كنت قاعد أرقد


وش فييييييييييك عصبت شكلك ما كل شطة حااااره ولا حبحر ..

عندي موقف ثاني :a (14):د






كنا مجتمعين يوم العيد بالليل وأنا ماشاء الله علي أصب شاهي للحريم عاااد تخبرون دوخة ها الزمزميات شيء نعناع وزنجبيل وماصل وحالي ...


المهم : رحت صبيت لوحدة من عماتي قلت لها وش تبغين حالي ولا (((( مالح))))) !!!!!!!!!!!!!!!!!



قالت وشووووووووو حالي ولا (((مالح))) !!! قلت أيه حالي ولا مالح ************************ ماشاء الله واثقه



قالت يا بنيتي شكلك مانمتي ولا أنس مضيعه ،، قاموا الحريم ضحكوووووووووا علي وعقب أستقعد راسي


أني أقول مالح ...


عااااد كلما شافتني قالت لي ماااالح :blush:

[FATA--JALAJEL]

هههههههههههههههههههههآآآآي



أجل مالح :)



رجيتي رجاً مبرحاً



واضح إنك واثقه من كلامك هع هع :)

[شادن]

مواقــــف لاتحسدووون عليهاااا00


ولم يحضرنـــــــي أي موقف لذكـــــره00


موضوع رااائع00

يعطيـــــــــك العاااافيــــــه00

والسلاااام خير ختاااام00

سي يو00
(((شــــادنـــ)))

[FATA--JALAJEL]

شادن حياك الله



ومشكورة على المرور والرد

[بسمة فرح]

موقفي بسراحه لايذكر ابد

بس ماراح اقوله


بس ابيكم تتخيلونه لانفسكم انت معي يافتى قلاقل تبي تصير فضيحتنا في جلاجل الا ابسئلك هي جلاجل حقتكم ولا وشي<<__________ اخلصي عليهم

تخيل انك لابس في العيد تنوره حرير >> انا ماقلت انت لابس قلت تخيل صح ولالا >> تاثير الموقف خلاني اعصب لانه صعب شوي ولا ترى مايجيك طيب افهم زين<<< مايخااالف مايخااالف

وانت جالس وهالناس ماجلسوك على كنب كنت جالس على الارض زين وش بيصير ماراح يكون هناك يافتى ترتيب في الجلسه يعني راح تجلس امتربع صح
وش راح يكون على التنوره هالحرير الله لايعيد من خاطها وحسبي الله عليه انا لله وانا اليه راجعون والله موب قايله الله يشق راسه او راسها >> وافهم يافهيم:68:

هنا اقف عن سرد القصه يافتى جلاجل>>> تكف خل اسمك بالعربي اسهل لكتبه

7


7


7


7

7

7


7


7

[FATA--JALAJEL]

أول شي إللي فهمته من القصه إن الموقف هذا صار لك أنتِ صح؟


وما فيه شي يجي بالغصب


يعني هم غصبوك على إنك تجلسين على الأرض بالتنورة الجديدة؟



المهم بالنسبة للموقف إني أتخيل نفسي مكانك والله بصراحه عادي أجلس والتنورة أدحوسها تحتي وإذا قالت أمي شي أقول أنتم قلتولي إجلسي تحت هع هع << يتكلم بلسان البنت هههههههههههههآآآآي




أما بالنسبه للإسم أقلبه عربي ما أقدر لأن فيه واحد مسجل به وصعبه أخاف يزعل علينا



وبعدين كله واحد عربي إنجليزي ... أهم شي الأخلاق وكسب رضى الأعضاء

[بسمة فرح]

صباح الخير

نعيد الموقف مره تانيه

التنوره انشقت>> هي الكلمه كذا صح ولا ماتقولون انشقت

كان الشق على جنب وشلون ادحوسها تحتي الله يقطع بليسك


وبالنسبه لاسمك والله توي ادري ان فيه واحد اسمه بالعربي لان مانشوف الا انت

[شريك المشاكس]

مسيكم بالخير

والله عندنا ملايين المواقف بس عاد بأقول لكم بعضها



الاول


هذا فيه مسجد حول بيت سقم .. والاهم حاطين القسم الثاني الي ورى للحريم ، ويقدر الله ان الخطيب جزاه الله خير دخل المسجد وصلى وخطب ونسى يفتح المقرفون للي ورى :)

وفعلا يوم خلصوا الخطبة وكذا وكلن قام يدق على حرمته قالوا لهم : ترى الخطيب ما جاء وش السالفة :) قالوا : انتم الي ما عندكم سالفة قضينا الله يحييكم :D



السالفة الثانية


هذا مسجد في القصيم كانوا يصلون .. ومير انقطع الكهرب او خرب المكرفون الشاهد الي يصلون ورى ما عاد يسمعون شي ، ومير يتقدم واحد منهم جزاه الله خير وقام يكبر لهم >> طبعا انقطع الصوت في بداية الركعة الاولى
المهم كبروا وكذا وجلسوا للتحيات يحترون الامام يسلم علشان يسلمون معاه .. شوي إلا وهم يسمعون الجماعة الي قدام يقولون: أميييييييييييييييييين >> توهم في بداية الركعة الثانية :)


ان ذكرت شي جبته لكم

[أبو هاجوس]

اعتذر عن التأخر في المشاركة لأني حاولت أن أشارك فجر اليوم الناني للعيد لكن عيت تفتح الصفحة للمشاركة وبعدها سافرت وها أنا أعود مرة أخرى بعد رجوعي من السفر لكي أنعشكم بهذا الموقف الطريف الخفيف وقدحصل لي قبل تقريبا أربعين سنة ( لا أحد يتبيزع ويقولي أنك شايب ) وكنت طفلا صغيرا _ وش احليلي _ وعلي ذاك الثوب الأبيض الجميل والغترة البيضاء المرتبة وذيك الشخصية الخطيرة ودورني ما تلقاني من الفرح والتشقق بها التشخيص وما دريت إلا وجاي ذاك الهوى إلي مطيّر غترتي _ وين توقعون صارت - تدرون وين صارت طارررررررررت الغترة وما وقعت إلا في أعزكم الله في غربة وصارت الغترة بدل من بيضاء تحولت إلى سوداء تسر الحاقدين .ههههههههههههههههههههههههههههههههههههههههههههههههه هههههههههههههه

[FATA--JALAJEL]

الأخت / البنت الدلوعه هلا بك



مشكورة على المرور والرد للمرة الثانية :))

[FATA--JALAJEL]

شريك المشاكس أرحبووووو



تو ما نور الموضوع طال عمرك



بالنسبه للموقف الأول أتوقع الحريم من كثرة البربرة ما سمعن حتى المكرفون الخارجي :)



وأما الثاني والله تقطعت مصاريني من الضحك وين عايشين ذولا هع هع :)




مشكور مشاكسنا على المرور والرد

[FATA--JALAJEL]

أبو هاجوس هلا بك



الحمد لله على السلامة



مشكور على الموقف الجميل



ومشكور على المرور والرد

[أبو هاجوس]

ما علقتوا على موقفي يا حبايب وإلا ما أعجبكم

[FATA--JALAJEL]

أبو هاجوس أنا جيت بعلق على موقفك بس قلت أخاف ما يتحمل :)



لا من جد والله مشغولين




أهم شي إنك شاركت بموقف مو لازم يعلقون



أشكرك على المرور والرد مرة ثانية

[أبو هاجوس]

شكرا أخي فتى جلاجل لكن أحب التفاعل بين الأعضاء .

[FATA--JALAJEL]

والله تبي الصراحه ما ودنا نغصب أحد على شي



الموضوع مفتوح أربع وعشرين ساعه



إللي يجي الله يحييه


وإللي ما وده يجي بسلامته والله يحفظه :)