هدية لاهل سدير

[الهمام]

هذه هدية لاهل سدير تدل على النخوة والشهامة ارجو ان تطلعوا ابائكم واجدادكم عليها

[أبو ماهر]

وش ذا الحين تراي مافهمت من شيئ

[أبو ريان]

يا كثر ما تسئل يا ابو ماهر والظاهر انك بتبتل على هالحال الين تشيب وتهذري وانت تقول وشذا هو منهو وينه فيه وش السالفه ما فهمت شي اشرحوا لي عضدو لي اعلتسو لي :D :D :D

[المحبوبة]

يـــــــــوة هذةأثرية من وين جايبينها..

[مفتون صيد]

هيه لحظة شوي ...شف ناظر

ما فهمت شي

يعني صار فيه شايبين انا وابو ماهر

وشي ذي الاثرية:confused:

انتم يامنتدى سدير الظاهر بتكملون على باقي مخي ....... يعني اذا بغيت اتزوج بكون مصفي على الحديد

[السلمان]

:eek: :eek:

ما شاء الله والله ياهي اثريه ...... وقطعة مهمة من التاريخ الله يرحم اهالينا ويسكنهم فسيح جناته ....
لقيت فيها اسم رجال الله يغفر له ويرحمه ... جد لي ومهوب جدي لحالي الله العالم انه جد 75 % من السلمان اللي في سدير

وهذي تبرعات اهل سدير بقراها ومدنها و مدينة الزلفي لاخواننا في فلسطين الله يحررها

وتسلم اخوي الهمام على هالموضوع الحلو للغاية الله يعطيكـ العافية
وتقبل تحياتي
اخوك السلمان

[الهمام]

:D :D :D :D
اخواني مثل ماقال السلمان هذه تبرعات الاباء والاجداد ايام ماكانت الدنيا شحيحة عندهم وتبين كل يما يجود به وتبين ايضا اللي عندهم مادة واحوالهم زينه الله يرحمهم جميعا

[الجريوي]

العضو المكرم / الهمام . . . . . ( سلمه الله )

نشكرك شكراً جزيلاً على هديتك الغالية على قلوبنا جميعاً كأحفاد لأولئك القوم العظام الذين ضربوا أسمى آيات العطاء والإنفاق في سبيل الله على الرغم من قلة ذات اليد آنذاك .

فجزاك الله خيراً على ما أهديت وأسديت ، وننتظر منك وثائق تاريخية أخرى كمثل هذه الوثيقة القيمة ، والله يحفظك ويرعاك .

أخوك /
مشرف الديرة

[الجريوي]

قائمة أسماء بلدان سدير التي قام أهلها ( رحمة الله عليهم أجمعين ) بالتبرع لصالح إنقاذ فلسطين الحبيبة مرتبة ً حسبما ورد بالوثيقة التاريخية :

1 ) المجمعة .
2 ) حرمة .
3 ) الروضة .
4 ) جلاجل .
5 ) التويم .
6 ) الحصون .
7 ) الحوطة .
8 ) الجنوبية .
9 ) العطار .
10 ) الجنيفي .
11 ) الداخلة .
12 ) العودة .
13 ) عشيرة .
14 ) تمير .
15 ) الخطامة .
16 ) الزلفي .

[~~البــاطن~~]

الله الدنيا من وين جبتها اخوي الهمام...... ماودكم نرجع لزمن هذا ونعيشه ونشقاى ونعرف واشلون اهلنا شقو على شان لقمة العيش ومع هذا يقدمون ماعندهم للخير....

طيب اخوي اسمي انا مالقيته لا يكون ورقه من الورق ضايعه ولا نسيت تحطها دورها الله يخليك ولا تنساها مره ثانيه هذا تاريخ

[الهمام]

الاخوة الكرام اشكركم على شعوركم واقول فيكم ان شاء الله الخير والبركة لان اللي ارثوكم ارثو رجال وكفو في وقت الشدة ( الله يبعد حزتها) نلقاكم مثل اجدادكم وابائكم
وبالنسبة للجديد ابشرو بس بعد العيد
واقول للجميع مقدما من العايدين ومن الفايزين ومن المقبول ان شاء الله صيامهم وقيامهم آمــــــين...
واخص بالشكر كل من :
ابو ماهر
وابوريان
المحبوبة
مفتون الصيد
السلمان
الجريوي
الباطن واقوله الظاهر انك فاعل خير مابينت اسمك!!!
تحياتي للجميع
والسلام عليكم ورحمة الله وبركاته