افتتاحية المنتدى ...آلة الكوي بالبخار سؤال عنها

[زهرة]

السلام عليكم


سؤال عن آلة الكي بالبخار ...ويستخدمها المحلات التجاريه في كوي الملابس بعد عرضها


هي اشبه بالمكنسه الكهربائية ..يتم تعبيئتها بالماء وتخرج البخار للكوي



أنا صراحه تطفلت في يوم ما في محل ومسكتها وكويت تنوره ابجربها


قالي صاحب المحل سعرها يتراوح من 700 الى 2000



أنا أعجبتني من ناحية ..

سهولة استخدامها والتعامل معها

وضمان سلامة الملابس خاصة بعض الأقمشة تتلف من الكوي

السؤال هل هي عملية ..وتنفع لغسيل البيت؟؟؟


انتظر أهل الخبرة


والسلام عليكم

[مقبل المقبل]

السلام عليكم

أحببت فقط أن أبارك للجميع هذه الخطوة المباركة

واسأل الله أن يبارك في هذا القسم

وأن يبارك في صاحب الفكرة ومن سعى لتنفيذها

............

أختي زهرة بانتظار الأحباب لكي يفيدوكي

للأسف مالي خبرة بهالأمور :))

تحياتي

[أم فيصل]

السلام عليكم ..

:))

مبروك عليكم القسم ..

زهره ..

عن نفسي ماقد جربتها ..

اتوقع انهات ماتنفع لكل الملابس ..


مثل الشمغ مثلا :)

<< تشيل هم كوي الشمغ ..

بس الصراحه دايم اشوفها في المحلات وتعجبني ..

وان شاء الله يصير احد قد استخدمها ويفيدك ..

بس موب كن سعرها غالي ؟

[مصعب بن عبدالله]

الآلة روووووعة
الآلة عمليييييية
لكن أحذري أن تضعي أعلى درجة حرارة في الآلة،،، هذا إذا كان نوعية الآلة فيها تحكم بالحرارة،،
أرجو أن أكون أفدتكِِ

[بنت الشيوخ]

ما شا ءالله
مبارك عليكم القسم..
الله يعطينا خيره ويكفينا شرّهـ...
.
.



اذكر عندنا وحدهـ مبطي
من سنه السبله..
ومهب غآليه كذا..
ترى اسعارهن عاديه ماتوصل للألوف..
روحي لم ساكو ولا اكسترا
عندهم اشاء أكوس شي...

الله يوفقتس يالقآطعه وينتس بالمسنجر :)


فمان الله
وبس خلاص

[زهرة]

مقبل المقبل


شاكرة مرورك


........

أم فيصل

بالعكس مناسبه للشمغ لإنها قطعة وحده لكن ممكن عند تصفيطه ماتنفع

ومن ناحية السعر ياختي الواحد يشري راحته باللي هو..


وخاصه انها تنفع للبلايز اللي كويها يتعب أو بعض الجلابيات اللي تحتاج كوي بالبخار


شاكرة لك رأيك..


...............


m-a-m


حياك الله ..

زين يبدو انك مجربتها ..طيب هل لها ايجابيات أكثر من الكوايه العادية؟؟

من ناحية الوقت في الاستخدام ..وسهولة الإستخدام؟؟


بانتظارك

واشكرك جزيل الشكر

[زهرة]

بنت الشيوخ


دام عندكم طيب جاوبي وش رايك فيها ولا اسألي خدامتكم وردي :)


الماسنجر بدخل بس خليني اخلص من الكاويه واجي >>هذا اللي مشغلها :)

[بنت الشيوخ]

والله انها كويسه
ماعليها..
بس ماتكوي فيها كل شي..
اقول..
بس يمدحون الكوايه اللي تصخّن على النار < < فارقي بلييز

فمان الله
وبس خلاص

[عبدالله الخزيم]

من تجربة وخبرة ( 12 ) سنة معها ..

جداً متميزة في " كوي " البلايز التنانير ..

الجلابيات والعبايات ..

ملابس الأطفال بأنواعها ..

لكنها تفقد الخاصية في " كوي " الشماغ ..

ميزة فيها أنها لا تتطلب " طاولة " كوي ..

يوجد فيها " شماعة " علقي عليها ما تريدين كويه ..

البخار المنبعث منها مؤذي جداً ..

بما يوجب التعامل معها بحذر شديد ..

بفضل الله صار لها لدي ما شاء الله " 12 " سنة بدون مشاكل ..

لأني أخذت بالاعتبار مسألة تحقيق سبل المحافظة عليها بعد توفيق الله ..

بحيث لا يوضع فيها بحال من الأحوال إلا " ماء " صحة ( المنهل ) ..

هذا يحافظ عليها من أن تصاب بالملوحة أو يخضر الجيك الحاوي للماء ( يشبي ) ..

بالطبع ( وللأسف ) هي أمريكية الصنع ..

قيمة الشراء وقتها كانت بـ قرابةالـ 800 ريال ..

في الرياض يمكن السؤال عنها لدى محل جدة بشارع الخزان ..

وممكن تجدينها في أسواق جملة الملابس النسائية في الشمسية خبري قديم بأن فيها ..

وكذلك توجد في أسواق مكة وبالطبع الخبر قديم ..

أتمنى أكون أفدت بهذه المعلومات ..

وإذا قدر لي التواجد بالرياض الأسبوع المقبل وهو أمر " محتمل " لإن شاء الله تعالى ..

فقد آتي بمعلومات حديثة عنها ..

[أنــ(تويمي)ــا]

ما شاء الله تبارك الله

حيا الله الأخت زهرة وإفتتاحية رائعة

هل المقصورة هذه بالصورة

http://www.awany1.com/images/kawia.jpg

....................

[عبدالله الخزيم]

هل المقصورة هذه بالصورة

http://www.awany1.com/images/kawia.jpg

....................

للتوضيح أكثر ..
بالنسبة لي فقد كان الحديث عنها ..

وجزى الله الجميع خيراً ..

[زهرة]

بنت الشيوخ

سجلنا (ماتكوي كل شي)

شكرا

....


أستاذ عبدالله..

من تجربة وخبرة ( 12 ) سنة معها ..

جداً متميزة في " كوي " البلايز التنانير ..

الجلابيات والعبايات ..

ملابس الأطفال بأنواعها ..

ممتاز


وصحيح ذكر لي صاحب المحل انها أمريكيه

نورتني برأيك

لك جزيل الشكر والإمتنان

...

التويمي

الله يحييك ياخوي

نعم هذه المعنية


شاكرة لك

[ساره]

ماشالله وش القسم الزين

الله يعطيك العافيه زهوووووووووره على الافتتاحيه

واالله يعطيك خيررررررررهاااا ويكفيك شرهااااااااا

للاسف ماعندي اي خبر مغير اشووفهاااا مرتزه في ذا المحلات

ماشالله اخوي عبد الله ماقصر

وشكرااااااااااااا

[أنــ(تويمي)ــا]

السلام عليكم

الأخت زهرة

هذا رابط شركة بالرياض تبيع اواني منزلية
عندهم الكواية بسعر الصراحة رائع (( 286)) ريال
والتوصيل مجاني لمنطقة الرياض

http://www.awany1.com/contact.php

تحية طيبة

[سعود الخليل]

افتتاحية رائعه يا زهرة ... بصراحه استفدنا من خبرات الإخوان جزاهم الله خير ...


لكن وشلونها مع الكهرب ؟! الصرفيه يعني تسحب ولا لا <<<< متعذب من الفواتير :(

بالتوفيق ان شاء الله ...

[شعيب سدير]

السلام عليكم ...

ما شاء الله .. مبروك القسم الجديد .. وبدية خير ان شاء الله ..

- - - - - - -

اختي زهره .. احنا عندنا وحده ..

واسمها .. Tobi Steamer ..

وسعرها تقريبا .. 540 ريال ..

وهذي صورتها .. http://www.cornerstoretv.com/Prod_Images/TOBI.jpg

وصراااحة استخدامها جداا سهل .. على كلام اهلي ..

وطبعا هي تجي من الخارج .. ولها موزعين في السعوديه .. يوصلونها لبيتك .. مجاناً ..

واذا تبين رقمهم ارسلته لك على الخاص ..

...

[زهرة]

ساره


ياهلا فيك اختي

وشكرا لمرورك

...
التويمي

وعليكم السلام ورحمة الله

يعطيك العافيه والله على خدمتك


لكن نخشى من السعر!!!!!!!!!!

المستخدمه في المحلات التجاريه اسعارها من ال2000 الى 6000

والسعر هذا 200 جربتها صديقتي بهذا السعر لكن ذمتها بالبخار المؤذي لليدين

ايضا لي البخار غير عملي ينصصفط ويحجر البخار ويتسرب من ورا الماكينه!!!


والملاحظ في الة المحلات انها عمليه ويستخدمونها بكل سهوله

أخاف إنه كما يقال :الرخيص مخيس ...


وأعجبتني اللي أضافها شعيب سدير



ممتاز الرابط يعطيك العافيه ياخوي
..............

راعي الأوله

حياك الله

اتوقع انها تسحب الكهرب والله يعينك


............

شعيب سدير

جبتهاا والله ودخلت مزاجي


ويكفي انها مجربه منكم


يعطيك العافيه وياليت ترسل رقمهم ولك شاكرة وممتنة

[أنس بن عبد الله]

ماشاءا لله بداية جميلة

والله يوفقكم

[ماجد بن إبراهيم]

الإخوان يبدو أنهم مابقوا شيء في الموضوع..

لكن أنا جربتها عندنا في البيت.. وممتازة ومريحة يكفي أنك تكوي بدون ماتثني ظهرك>>>متعبته الشمغ

وأنا أكوي بها البشوت .. وأشوف أخواتي يكوون بها بلايزهم ويمدحونها..

ولكن ماأدري كم سعرها لأن أبوي اللي شاريها..

إن شاء الله انك استفدتي...

[زهرة]

نصراوي سديراوي


شكرا لمرورك

........

المساعد

ماقصرت ورأيك ينير علينا



لكن استنتجت وللجميع الفائده


ماتسوي تحديد للملابس مثل اكمام الملابس والشمغ يعني لابد من العاديه


ماقصرتوا جميعا على مشاركاتكم ورائكم

[طلال]

عن تجربت الاهل لهذه الالة اتضح انها مريحة جدا ورخيصة بعد انا شريتها من ساكو واظن انها مقاسات لكن الصغيرة تؤدي الغرض يعني اللمعة اللي تكون بالكواية العادية تختفي وحلوه للجاكيتات والعبايات والتنانير الجنز وغيره

[al3nood]

اولا مبروك علينا المنتدى

ثانيا يااوخيتي الكواية جدا روعة واختي مجربتها ثلاث سنوات وما اشتكت منها

وانا جربت وحدة صغيرة مره حلوة تدخل بالشنطة للي سفراتها كثيرة مثلي

وسعرها 460 ريال وتلاقينها بالغيث..ترا مودعاية

[فرحة لقانا طولت]

اعتقد اني دخلت غلط هنا ،،