التجربه الخاصه لكل مسلم ومسلمه

[عبدالرحمن الأول]

السلام عليكم
اردت ان انقل تجربة الدعوه الخاصه لكل مسلم اللهم اغنني بحلالك عن حرامك وبفضلك عن من سواك بأذن الله لقضاء الدين وغيره
عبدالرحمن الاول ابوعبدالله

[سديم الليل]

كيف ؟؟؟؟؟؟؟؟؟
وضح اكثر الله يعطيك العافيه

[ابراهيم بن عبدالله]

ماذا تقصد اخي الفاضل ,

هل تقصد ان كل شخص يكتب عن تجربته الخاصة؟

, ام انك سوف تنقل لنا تجارب ؟

[حمد]

اذا كان ما قصدت هو فضل الدعاء


اللهم اغنني بحلالك عن حرامك وبفضلك عن من سواك



فبارك الله فيك و وفقك لكل خير


بودنا ان نستفيد منكم اخي الكريم ، كيف وجدت ذلك

[زهرة]

يبدو إنك تريد تجربة كل واحد بالدعوة !!!


ياليت توضح لنفيدك

[عبدالرحمن الأول]

عذرا إخواني . فقد تم حذف جزء من الموضوع عند إضافته
و المقصود هو إنني تعرضت لضيق مالي بسبب ديون علي . و لما تذكرت الدعاء
قلته بيقين و لم يمض علي وقتا طويلا حتى فرجت

من هنا

آمل منكم أولا عذري

ثانيا

نقل تجاربكم الخاصة في الإستعانة بالله على قضاء الدين

ثالثا

آمل من المشرفين تعديل عنوان الموضوع ليكون

التجربة الخاصة لكل مسلم و مسلمة في قضاء الدين

وشكرا

محبكم عبدالرحمن الأول - أبو عبدالله

[زهرة]

لي تجارب لكن ليست في قضاء الدين لكنها بالذكر عموما واثر اللجوء الى الله ..

..

في الكلية لجنة التفتيش شافت جوالي ..رفضت اسلمه لهم لأسباب واصريت ..وتم منعي من الخروج من الكلية
الساحه اصبحت شبه خاليه الا من المراقبات عند البوابة وكان يرقبوني ..

فتذكرت دعاء الكرب (لا إله إلا الله العظيم الحليم..لاإله إلا الله رب السموات ورب الأرض ورب العرش العظيم)سبعا

وايه(وجعلنا من بين ايديهم سدا ومن خلفهم سدا فأغشيناهم فهم لايبصرون )

وتوجهت للبوابه وعلى مرأى من المراقبات لبست عباتي وخرجت دون أي أستدعاء

[شـمـ إمرأة ــوخ]

:

:

اغنني بحلالك عن حرامك وبفضلك عن من سواك

سبحان الله لي ذكرى لاتمحى مع هذا الدعاء

نقلنا من الخبر الى مقبرة الأحياء ( الحفر )
بسبب ظروف العمل ..

شتاااان بين المنطقتين ..بكل شئ
ماتتخيلون الحزن والهم اللي عشناه

لازم واسطة جامدة عشان ننرجع
لمكانا الهادي والرائع

وفعلا أقمت على هذا الدعاء فترة
وبعدها ربي يسرلنا واسطة ماهي اي واسطة
خوي الأمير سلطان
ماقصر الله لايحرمة الأجـــــــر ..

خلال أسبوع ورجعت المياة لمجاريها ..

اللهم لك الحمد حتى ترضى ولك الحمد بعد الرضا
ولك الحمدبعد الرضا .

الله سبحانة كريم بس البشر بخلاء على انفسهم .

:

:

[شمس 12]

اما انا فاتجربتي مع الاستغفار
كان عندي موعد في المستشفى لولدي
الموعد بعد سبعة اشهر المهم انتظرنا الموعد بافارغ الصبر واخيراااااا جاء يوم الموعد
رحت للمستشفى
عطيت الموظفه في الاستقبال ورقة الموعد قالت لي انتظري في الاستراحه الين ننادي عليك
طول النتظار ؟؟؟؟؟؟
رحت للموظفه قلتله وش صار ؟؟؟ متى ادخل على الدكتور علشان يكشف على ولدي
اثر السالفه فيها لخبطه
قالت الموظفه الموعد مومسجل في الكمبيوتر ولا تقدرين تدخلين ........
قلت طيب وش اسوي ؟؟؟؟؟؟؟؟؟؟؟؟؟؟
قالت روحي لدكتور اذا وافق يكشف عليك رحنا لم الدكتور ورفض المقابله
طيب يادكتور وش................. رفض حتى يسمعلي ورحت وقعدت في الاستراحه ودمعتي على خدي .......................
وش اسوي ابوي قال ننتظر ونشوف وش نسوي
رحت دقيت على وحده تنفع تصير واسطه بس ماردت وهينا وصل الاحباط مرررررررررررررررره ....
من اكلم؟
من اشكي ؟؟؟
طيب انتم الي معطيني الموعد ليش ترفضون قعدت اكلم نفسي؟؟؟؟؟
ابوي كبير شوي وصعبه عليه الشحططه؟؟؟؟
ابوه متوفي ؟؟؟؟؟؟؟؟
يارب وش اسوي ؟؟؟؟؟؟؟؟؟؟؟
وتلقاءي اخذت اردد الاستغفار ابغى ارتاح واملا في انه يجلب لي ارزق
وهنا جاء فرج الله بعد الاستغفار بربع ساعه .......
تدرون وش صار نادو على اسمي علشان ادخل على الدكتور ..
ومن هو الدكتوررر ياسبحان الله ؟؟؟؟؟؟؟؟
الي رفض الكشف
لانه الحين وافق
سبحان الله
والله العظيم اني صحت بس مهوب علشان ابدخل على الدكتور علشان الله سمع دعاي
وكشفنا وتيسرت امورنا بفضل الله
اللهم لك الحمد ولشكر يارب.................
واعذروني على الاطاله

[عاشقة الأمل]

سبحان الله.............................

[بحورالامل]

الحمدالله رحمت ربك واسعه

[الـــشـــامـــخ]

الله يجزاك خير اخوي ابو عبدالله

[روح الغلا]

رائع موضزعك أخوي


أما موقفي مع الدعاء والإستغفار


مررت بحياتي بتججربتين كانت قاسية دفعت ثمنها سعادتي وراحتي



ولكن دعوت الله من كل قلبي بان يفرج كربتي ويعوض صبري خير



والحمد لله


فرج لي ربي كربتي وعوضني خير من تجاربي السابقة


وهذا الموقف يجعلني أنا وأنت نقف مع أنفسنا وقفة عتاب وتوبيخ بتقصيرها بحق ربنا

[طلال]

بالنسبه لتجربتي الشخصيه فأنا ولله الحمد والمنه لم أذكر دعاء اللهم رب الضاله هادي الضاله رد الي ضالتي حتئ أجد ماأبحث عنه وفي وقت قصير اللهم انا مقصرون فتجاوز عنا يا كريم

[سهم محترف]

الله يجزاك خير

[سهم محترف]

الله يعطيك العافية

[غربة قلب]

سها الليل لا تخطي و لكن لها أمد وللأمد انقضاءُ

المواقف و التجارب كثيره بس أكثر موقف أذكره و اثر علي وأيقنت بعد التجربه ان الله سبحانه الطف بعباده من أنفسهم

قبل مدة كنا رايحين لمكة في رمضان وكنت أنا و اخواني و جدتي مع أمي في جهة الحريم
وابوي وأخوي ابو خمس سنوات في صحن الكعبة
أخوي هذا الله يهديه بثر و حرك طلب من ابوي ماء فراح و أعطاه
ثم أقام الأمام للصلاة وفي أثناء صلاة التراويح عطش الولد وقام يدور ماء
خلص الأمام الركعة الأولى ثم الثانية وسلم و الولد ماجاء
أبوي أنهبل وقام يدور عليه والمكان ما شاء الله { رمضان وصلاة تراويح يعني الحرم واصل حده من الزحمة******
بعد ساعة خلصوا من الصلاة وابوي قاعد يدور عليه لكن مافيه فائدة
وأمي في الشقه يوم درت قامت تصيح و تكرر هذا الدعاء
{حسبي الله الذي لا اله إلا هو عليه توكلت وهو رب العرش العظيم******
وكانت تقول:جعلي أشوفه ميت قدام عيوني وأرتاح ولا يصير ولدي في يد غيري ولا أدري وش يصير فيه
وابوي ما ترك مركز شرطه الا بلغه ولا مكان داخل الحرم و لا خارجه الا دوره فيه ولكن لا فائده
يوم جت الساعة4ونص وبعد أذان الفجر و بعد مرور ثمان ساعات على ضياع الولد
طبعاً ابوي كل الليل في مراكز الشرطه وامي رجعت للحرم تصلي قدام الكعبه ودمعتها على خدها وتدعي ان الله يرجع لها ولدها ولا يريها فيه اي مكروه
وقبل لايقيم للصلاة طلعت للحمامات اللي في الساحة قبال المسعى وهي ماتشوف طريقها من الهم و الغم و الحزن اللي فيها

وسبحان من ساقها و أرسلها لهذا المكان في هذا الوقت وجعلها تصادف ذاك الرجال
سبحان الله شافت الرجال وهو شايل أخوي على كتفه وماسك بيده الثانيه ولدينه
وهو أن شاء الله من أهل الصلاح و تظهر عليه سمات الخير شافته وهو متوجه للحرم بيصلي وتركض له و تاخذ ولدها
وهي تصيح وتكلم الرجال وهي ماتدري وش تقول من الفرحه
جا أبوي وقابل الرجال وشكره و سمع منه القصه
واللي صار ان الولد يوم ترك ابوي ضاع طبعاً الأماكن متشابهه والناس زحمه فراح وجلس جنب هالرجال يحسبه أبوي لأن هيئته مثل أبوي , الولد يوم سأله الرجال ماتكلم و لا قدر يحصل منه على معلومة تدله على أهل الولد فقرر انه ياخذه معه وبما أن الوقت ليل رحمه وقام يدور هو بنفسه على أهل الولد وإذا ماحصل أحد يسلمه الفجر لمركز التائهين {طبعاً هو أخطاء في انه ماسلمه للشرطة من و قت ما لقاه ******
فـــ لله الحمد و المنة و العبرة في ذلك أن الله لايخيب دعاء من تضرع إليه و رجاه
فبعد إنقطاع السبل وضيق الحيلة ومرور أكثر من ثمان ساعات على ضياع الولد
أرسل الله أمي كي تقابله ولو أنها تأخرت ساعة او تقدمت مالقيته ولوا أنها ذهبت لدورات مياه في مكان آخر مالقيته و الحمدلله انه طاح في يد رجال طيب حافظ عليه

[سهم محترف]

الحمد الله اللي رجعه سالم اللهم لك الحمد حتى ترضا ولك الحمد بعد الرضا

[سهم محترف]

{حسبي الله الذي لا اله إلا هو عليه توكلت وهو رب العرش العظيم

[الساجده لله]

جزاكم الله خير .........