شاعر تحت المجهر

[السلمان]

طبعا وبدون زيادة في المقدمات الفكره من الموضوع هو القاء الضوء على شاعر من شعراء الجزيره العربيه المشهورين .. واعطاء نبذه بسيطه عنه ومقتطفات من شعره .. وبمساهمه منكم تعم الفائده ان شاء الله ..

فلنضع شاعرا كل فترة ما دوريا ... ولنقل بداية على اساس نصف شهري مثلا ونكتب عنه وعن ابياته ونبحث عن الشعراء الذين لم يخدمهم الاعلام وبما اني من اقترح الموضوع سأبدأ بالشاعر هذه المرة على ان يقوم مشرفوا المنتدى الأدبي بهذه المهمة من بعدي اذا وافقتم عليها وكتب لها النجاح

اخترت الشاعر الكبير عبد الله بن نايف بن عون وهو احد عمالقة الشعر النبطي في الجزيره العربيه .. وله قصائد متداوله كثيره وللأسف لم يأخذ حقه إعلاميا رغم انه من فحول الشعراء باللملكة ..

يمتاز برقة قصائده وجزالة معانيها وقدرته الفائقه على تصوير المعاني ورسم اروع اللوحات الادبيه في قصائده .. ويزداد ابداعا وتالقا عندما يكتب عن الصيد والمقناص ووصف الصقور والتغزل فيها ..

لا اطيل عليكم هذه بعض ابياته .. ومن لديه اي اضافات نأمل ان لا يبخل بها فالموضوع ونجاحه مرهون بتفاعلكم معه ..

من غزلياته المشهوره :


يامل قلب يسج وفيه دولاجـــــــــــــــه = من هاجس بالضماير قام يزعجـــها
في معزل عن جميع الخلق وازعاجه = ماسمع من الناس لو تكثر لجالجها
مغير اهوجس تقول مضيعٍ حاجـــــــه = واخـــذ واسند على نفسي واهرجها
ياروح روحي وجرح القلب وعلاجــه = الطف بحالٍ علـــــــيك الهم ساهجها
وقلب يناجيك باسلوب الهوى ناجــــه = يحكي لك الأوضاع داخلها وخارجها


الى اخر القصيده .. وقد اوردتها غير مكتمله وغير مرتبة الأبيات ( حسب ذاكرتي) لطول ابياتها ..
____________________

ومن اقواله ايضا في وصف الطيور



الله يلوم الطير ما قشر طبوعـــه =انااشهد ان خيار اساميه مقلوع
لو كان تمشي له بنفس خضوعه = فالجو يطري له ثمانين مشروع
ولابد ما يفجع رفيقه بلــــــــوعه = ويغير الموضوع الاول بموضوع


____________________

ومن شعره


هلا باللي نعش روحي بصوته = وفي شوفه غذا روحي وقوته
تفرقنا واحــــــسب انه نساني = وصدت بي وقوتي عن وقوـته
بعد ما كان مندــــــــــثرٍ هوانا = زهم واحيا غرامي عقب موته


____________________

ومن ابياته الجميله


الله من قلب رمع فيه رمّــــــــاع = واخلف يمومه عن طريق التسانيع
هجسٍ رمع ماله عن القلب فراع = دايم بغاراته يشن المفـــــــــــــازيع
مركز بنوده بين محني الأضــلاع = وإن ناموا العربان سوا مشاريـــــع
يشري بقلبي كل يوم ويبتــــــــاع = واله العواطف حانبات مطــــــــــاويع
باسباب ورق بالتغاريد سجــــاع = طربٍ على روس العيــــــــاد النعانيع
ياورق كف غناك ما للطرب داع = صوتك يزيد مولع القلب توليـــــــــــع
اسهرت عيني والمخاليق هجـاع = وذكرتني خل بعيد المرابيـــــــــــــــــع
وفي غير شوف العين ماني بطماع = الا ان حصل لو هو سلامٍ وتوديــــــع

واعتذر القصيدة طويلة والابيات يمكن فيها لخبطة
____________________

ومن ابياته في من كبرت نفسه وشاف روحه بسبب زيادة المال



يالعنبــــــو ناسٍ تكبر على ويش = وان شافت الناصي تلوت خششها
لو يملكون ارقام الأموال حتيــــــــــــش = در الحمارة دوب يكفي جحشــــــها
وروس الضبـــا ماذكر فيها عراميش = ولو هي على الزيله كبارٍ شوشها


الكرة في ملعبكم اخواني الاعزاء الاعضاء فان اردتم ان نحدث نقلة نوعية في المنتدى الادبي فهذا مرهون بتفاعلكم وماشاء الله معروف عن أهل سدير اذا ماصاروا ينظمون الشعر فاضعف الايمان انهم يقرضونه ويعرفونه ويميزون الزين من الشين وعيون الشعر تجدهم حافظينه

وتقبلوا تحياتي وصادق ودي
اخوكم
السلمان

[سعود الخليل]

فكرة أكثر من رائعه يا السلمان ولكن ما رأيك لو يكون التركيز فيها على شعراء سدير المشهورين ثم نتطرق لغيرهم من الشعراء ...

[السلمان]

بارك الله فيــك اخوي من التويم
وشاكر لتعليقك على الموضوع
وكم كنت اتمنى ان يجد الموضوع تفاعل اكبر من ذلك ...
اما في ما يخص الشعراء فأنا إخترت هذا الشاعر لما له من القصائد الرنانه والرائعة حقيقة وياليت لو من عنده شئ من اخباره او قصايده انه يوافينا بها ولايستحي
وزي ماقلت أخوي من التويم الاختيار من الان عندك وعند أخوي أبو ريان تجيبون من ترونه مناسبا ونسلط عليه الضوء ونتناقش فيه وفي شعره ونذكر مانعرفه عنه من معلومات وقصائد ....
اتمنى لكم التوفيق في هذه المهمة
واقبل مني صادق الودّ
اخوك
السلمان