المساعد الشخصي الرقمي

مشاهدة النسخة كاملة : فتاة سدير وصلت فهل من مرحب؟؟

فتاة سدير
24-12-2001, 02:09 AM
السلام عليكم

هل تقبلونني عضوة معكم ,,,,,




نتمنى للجميع التوفيق والنجاح:D :D :rolleyes: :rolleyes:
هواوي سدير
24-12-2001, 03:02 AM
اقول انت رجال واستح على وجهك انك تشبه نفسك بأسم بنت وهووووو فتاه



( تم تحريرة من قبل المشرف )
عبدالعزيز المعجل
24-12-2001, 03:06 AM
يا هلا ومرحبا بك


اخوي الغالي هواوي
انت تعرف صاحب اللقب؟؟
ما اظن رجال يدخل بلقب بنت ولا بنت تدخل بلقب رجال

على العموم يا هلا ومرحبا بالعضو الجديد



:)
;)
:p
:p





.
هواوي سدير
24-12-2001, 03:11 AM
اقول شاعر ايه اعرفه وقبل مايحط الاسم دريت انه ابيحطه

( تم تحريرة من قبل المشرف )
منيف المنيف
24-12-2001, 11:48 AM
كل عام وانتي بخير........
والف مبروك على التسجيل في المنتدى....وانشاء الله تكوني من الاعضاء المميزين.......:)
سمراء سدير
24-12-2001, 01:54 PM
يا... هلا ومرحبا بالطش والرش والبيض المقلقل والشكشوكه والعجه وكل طبخاتنا يالبنات اللي قاعدين الشباب يتعلمونها مالت عليهم .. اهلا بالغالية فتاة سديري اللي شككو في انك رجال وحاول بعضهم يخوفك انهم يعرفونك وانك شاعر .. المهم ان ربيعنا في المنتدى عندهم عقدة البنات وان اللي ممكن تدخل معهم هي من البنات البزع اللي ما يستحن ويطاولن رقاب الرجاجيل جعلها تتكسر . علشان يخففون من غرورهم . المهم خليك مسترجله ولو انه عيب بس علشان مايقدر اي واح منهم يلف ويدور .. و والا وش رايك نخليه يفحط اللين يطرش ونتي بكرامه .. المهم عليهم عليهم والميدان يا ..... رجاجيل هالزمن ..
صمت
24-12-2001, 02:30 PM
يا مرحبا والله بفتاة سدير
هلابك وخيتي في المنتدى
ولا تستغربي من النوعيات اللي زي هذا في المنتدى
وما عليك منهم بس طنشيهم

بس وين المشرفين هذا وقتهم
اسمعي كلام وخيتي سمراء سدير بس ولايهمونك ووريهم العين الحمرا
وترا في المنتدى نوعيه راقيه في التعامل ويوسعون الصدر لايهمك هذا
وياليت الاداره تسارع بتعيين المشرفين
الف هلا وغلا يا الموجودين


(دامكم بتحذفون وتعدلون على كيفكم ليش تقولون اكتبوا اجل ؟؟ والله غريبه انا بأمكاني اعيد كل الكلام اللي حذفتوه بس مافيه فايده انتوا بتحذفوه ثانيه بس انا ما قلت الا الحق والا بأي حق يتكلم واحد زي الا خ اللي فوق هواوي سدير بالاسلوب الشين هذا وتسكتون عليه من المفروض حذف مشاركته وينتهي الموضوع من بدايته اما انكم كل واحد بتعدلون في مشاركاته صدقوني راح يطفشون ويتركون المنتدى ، اسلوب تكميم الافواه اتركوكم منه وسارعوا في وضع مشرفيت على المنتدى نصيحه من محبه للمنتدى لتلافي مثل هذه المواقف )


شكرا لكل جهد تقومون به في خدمة المنتدى :D
أبو ريان
24-12-2001, 04:35 PM
سعادة المشرف العام 0 للاطلاع 000 والافادة
صمت
24-12-2001, 07:40 PM
(اقول انت رجال واستح على وجهك انك تشبه نفسك بأسم بنت وهووووو فتاه )

العباره اللي فوق هي الباقي من الكلام اللي كتبه ( هواوي سدير )!!!

دام هذا الباقي من كلامه الله يستر وش المحذوف اجل ؟؟ هذا دليل ان المشاركه كلها تستاهل الحذف مع ان اللي كتبته انا اهون من الباقي من كلامه !!!

تدرون وش رد المشرف العام بيكون :

انتا اقول لكم

( اقفل الموضوع بسبب خروج بعض الاعضاء عن ادب الحوار وسوف يحذف بعد ثلاثة ايام )

وهذا ماهو حل
الحل لازم يكون رادع وياخوفي اني اول وحده بتاكلها من الموضوع هذا وصراحتي فيه !!!

على العموم الساكت عن الحق شيطان اخرس

وياقلب لاتحزن
سمراء سدير
24-12-2001, 10:43 PM
الاخوات صمت ... وفتاة سدير ... ترى إنا صرنا ثلاث والموضوع يحتاج لصبر وتحدي ومواجهه .. لا نصير مثل طالبان نخور في اخر لحظه وننحر طويق اقصد الجبل الابيض والمشكله ان جبال الحوطه مكشوفه لكن لايهمونكم هالشباب الملوسن ترى رصاصهم مثل رصاص بنادق اهل ابها في العرضه ماغير ملح ودخان وهوى ...
يقولون او ما يقولون ...لي صاحبات ما اجوز عنهن
مع الاعتذار للشاعر..
وقالوا صفوا صفين قال إنا اثنين يعني ما في المنتدى من الرجاجيل الا اللي يردون على بعضهم وينافقون بعض
ويا .. وجيدهم على صورنا لونرسلها على ايميلاتهم .. لكن حامض على بوزهم هالمشافيح والله ما يحلمون ..حنا بنات حمايل..:;) والوحده عن عشرة رجاجيل:D
فتاة سدير
25-12-2001, 04:13 PM
الى الاخ هواوي سدير سامحة الله

ان بعض الظن اثم

وانا اصلا وش قلت

ماقلت الا هل تقبلونني عضوة معكم يعني هذا يدل على انك ماقبلت فيني وهذا ا
يرجع اما
ان فيه سوء تفاهم


او انك تعرف احدا قد سجل في احد المنتديات الاخرى باسم (فتاة سدير)



لاني اصلا هذي اول مشاركة لي

او واما ان الرجاجيل منقهرين مني ويخافون ان البنات يكونون اكثر منهم


الاخت صمت وسمراء سدير

اشكركم على الوقوف معي

واشكر مسافر على ترحيبة بي


وايضا اشكر جميع من رحب بي في هذا المنتدى


اذا هناك سوء تفاهم ارجو مراسلتي على الايميل
fatatsudair@hotmail.com

ولا انسى اتمنى للجميع التوفيق والنجاح في دنياهم واخرتهم واولهم
(هواوي سدير) سامحة الله
:(

واسفة لتاخري في الرد
تعب قلـــبي
26-12-2001, 02:28 AM
السلالالالام عليكم
وياهلا والله فيك اختي فتاة سدير
والله يهدي هوواي سدير على ماقال والله يعلم بنيته على العموم لاتزعلين ولايهمك
وانتي اخت وعزيزة علينا مثل كل الاعضاء تقبلي تحياتي وياهلاومسهلا
ابوعبدالكريم
26-12-2001, 02:41 PM
ياهلا ويامسهلا ويامرحبا فيك يافتاة سدير والله يحييك في منتدى السديراويه.......

ابوعبدالكريم...
أبو ريان
26-12-2001, 05:01 PM
ما اقول الا لاحول ولا قوة الا بالله 0 اللهم اكفنا شر انفسنا
فتى سدير
26-12-2001, 10:49 PM
ياهلا والله وغلا باالاخت فتاة سدير والله الله با المواضيع الزينة
(f)