ما اضن طعم العيد حلو بغيابك

[أبو ريان]

قـلـت السـلام وقال عـيدك مـبارك &&& قـلـت الغـياب وقـال شوفتك بالعيد
من عقب يوم العيد طال انتظارك &&& لبـسـت ثــوب العـيد ملبوس جديد
ما حــس طعم العـيد حلـو بغـيابك &&& ولا اضن انا بالعيد نلت المقاصيد
يا عـاذلي وشلـون تـنـسى حـبابـك &&& جعـلك نهـار العـيد تبـدي المواعيد
دامـك قـطفت اليـوم زهرة شبابك &&& انـثـر عطـر وردك ســلام ومعويد

شعر/ابوريان

[عبدالله الصالح]

صح لسانك يابوريان ،،

وسلمت يمناك ،

وكل عام وانت بخير


واستلم /



يامن شكيت العيد عيدك مبارك "=" عقب الحرم نسمح صياح وزغاريد


باكر تشوف الناس كلٍ يبارك "=" في فرحة الاعياد جمع ومفاريد


جيتك يابوريان بالشعر اشارك "=" واترجم الاحساس في فرحة العيد


واسئل عقب ماغبت وشهي ديارك "=" ارسم لي الموقع على غير تحديد


انت بخفوق الزين والا طرالك "=" ترحل وتبحث عن هوى الزين تجديد


اشوف طعم العيد ماسر حالك "=" مثل الشري ما ينبلع عقب ترديد


والضاهر ان الشوق للغير شالك "=" تبي تقيد ساكن القلب تقييد


خله يشوف الناس ماهو حلالك "=" كل يبي يشرب من الشهد بالايد


ههههههههههههههههههههههه


كانك ملكت الزين واصبح ظلالك "=" ياليت تامرلي على الشوف تعميد


ودي اكحل ناظري وشطرالك "=" السوق مليانٍ من فهيد وسعيد


لا شك زول صويحبك راس مالك "=" مثل القمر في عاليات المراقيب


،،،،،،،،،،،،،،،،،


هههههههههههههههههه


وسلامتك يابو ريان ،،،

ابيات ( كيبورديه على الطاير )

[الحسي]

رائعة ابو ريان والأروع الرد ( الكيبوردي ) الرائع من دفين الجرح

شكرا لكما

[سعود الخليل]

سلمت لنا يابو ريان ولا يهون دفين الجرح وعز الله انكم ونستونا بالقصيد الزين ..

[أبو ريان]

الاخ العزيز الحسي ياهلا ويا مرحبا وحياك الله في محلك يا طويل العمر وابشر باللي يسرك من قصيد

من التويم
تسلم على هالشعور الطيب