موضوع يآآليت الجميع يرد عليه..

[نوره أبا الخيل]

السلام عليكم ورحمة الله وبركاته


مرحبآآ أعضآآء منتدى سدير..

عندي موضوع وأحب أتنآآقش معآآكم..

ليش سدير تكرهـ القصيم مع أني مآآ أعرف أحد سديرآآوي إلا وحدهـ من صدقآآتي..

وأكتشفت هالشي

ممكن تجآآوبوني..

[أموَآج الحَنِين]

هههههههههههههههههههههههههههههههههه يا حبيلك

من يوم شفت اسمك عرفت انك قصيميه ونعم فيك


صراحه انا شهادتي بهالسؤال مجروحه

بس معك حق

كثير من اهل سدير ما يحبون القصمان


لاخظت هالشي


تراني مو سديراويه وفيني عرق قصيمي اتمنى غيري يرد سؤال بالصميم

بس مو عاد كره يا كافي

قولي ما يحبون :)


دمتي بخير

امواج

[نوره أبا الخيل]

من يوم شفت اسمك عرفت انك قصيميه ونعم فيك

الله ينعم عليك..

كثير من اهل سدير ما يحبون القصمان


لاخظت هالشي

من جد شي غريب صرآآحه.. مع أننآآ كلنآآ نجدآوين..:]

تراني مو سديراويه وفيني عرق قصيمي اتمنى غيري يرد سؤال بالصميم

هلآ وغلآ بلي فيهم عرق قصيمي..

بس مو عاد كره يا كافي

قولي ما يحبون

لآ .. المشكله وصلت لكرهـ وحقد بعد..

بس أنآآ شفت وجهة نظر وحدهـ سدرآآويه وهي تعم على أهلهآآ..

علشآآن كذآآ طرحت هالسؤآآل..

منورتني يآآقلبي..:]

[أموَآج الحَنِين]

لا ان شاء الله ما توصل للحقد

بس

عموما كلن عند نفسه شي
:))


يعني كل شخص يحس ديرته اطلق شي بالعالم


واهلها احسن اهل


عكل حال

حمد لله يا رب اننا سعوديين ونجديين بعد


ومشكوره على الكلام العسل

يالطيوبه


دمتي بخير

أمواج

[نوره أبا الخيل]

يعني كل شخص يحس ديرته اطلق شي بالعالم

معك حق بس مآآتوصل أنه يقلل من المدن الثآآنيه..

حمد لله يا رب اننا سعوديين ونجديين بعد

من جد الحمدلله

تسلمين يآآذوق منورتني مرهـ ثآآنيه..

وبنتظآآر ردود البقيه..:]

[سعود الخليل]

في البداية نرحب بك اخت نوره ابا الخيل ... في منتديات سدير ..

واما ما ذكرت فلا اعتقد بأن هذا الأمر صحيح ابداً وإن كان هناك من بعض اهل سدير او اهل القصيم من يحمل هذا الفكر فلا يعدو الا ان يكون شواذ لا ينطبق عليهم التعميم .. فكلنا اهل واحباب واقارب ..

وللمعلومية فهناك اعضاء ومشرفين كثر من اهل القصيم معنا في منتديات سدير نسعد بهم .. ولا يوجد هناك حزازيات ولا حزبيات بيننا ولله الحمد ..


تمنياتي للجميع بالتوفيق ..

[قلب الحوت]

هلا فيك يابنت ابا الخيل .

واهل القصيم ابناء عمومتنا وارحامنا ...

ولا تصل لحد الكره ..

لكنه من وجهة نظري الخاصة هو مجرد انجذاب لابناء ديرتكـ او مسقط رأسك فتجدين اهل القصيم مع بعضهم البعض واهل سدير مع بعضهم البعض واهل الحوطة وهلم جرا ....


وما انفي وجود بعض العينات وهي شواذ ولا يعتد بالشاذ ...لا يروق لهم التعايش مع اهل القصيم او العكس اهل القصيم لا يروق لهم التعايش مع اهل سدير .

وهذا كما قلت لك لا يعتد به ابداً .

لكــن هي واضحه لكـِ شخصياً لكــون سدير من اقرب المناطق لكــم يا اهل القصيم .

برايفت <<وانتم بعد يا اهل القصيم تكرهون اهل سدير اعترفي ليه ؟


وحياكـ الله يا نورة ...نورتي المنتديات

[مصعب بن عبدالله]

برايفت <<وانتم بعد يا اهل القصيم تكرهون اهل سدير اعترفي ليه ؟





صدقت يا قلب الحوت بس بعضهم مب كلهم

[ردي يا نورة أبا الخيل]

[وارث الطيب]

الحب والكره من الله يا نوره .... كلامك صحيح 100% يوجد هذا الكره المتبادل
وليس اهل سدير بس/ هناك ايضا غيرهم مايحب القصمان ...قد يكون هناك شي يدعو
لهذا الأمر .. وتعميم الأحكام على الناس مايجوز ابداً .. طيب أنت ماسألتِ نفسك ليه ؟


عنّي أنا .. احب اهل عنيزه .. بزود

[طالبة المعالي]

وعليكم السلام ورحمة الله وبركاته

حياك الله أختي القديرة - نوره أبا الخيل - وحيا الله أبا الخيل وأهل القصيم كلهم
أختي نوره حقيقة اٍستغربت تعميمك بهذا الكلام - أهل سدير - بأكملهم!! ربما يكون كلامك صحيحا
وربما أنك وجدت وصادفت بعضا من أهل سدير ممن يكرهون القصيم وأهل القصيم لكن هذا لايعني
أن نعمم لاٍن هذا يستحيل طبعا - فليس من المعقول كره أهالي منطقة سدير كلهم للقصيم وأهلها!!


ثم ما الداعي لهذا الكره - الأمر أظنه أنك مثل ماذكرت انك صادفت بعضا منهم ويكره أهل القصيم لسبب ما فعممت الحكم على الجميع – والدليل على عدم صحة تعميمك وجود هذه الردود الجميلة من أهالي سدير


ولعلمك أختي أنني لست من مدينة سدير حتى لاتظني أنني أدافع عنها وعن أهلها اٍنما أنا مع الحق
والحقيقة هي أننا لم نرى من أهل سدير الا كل خير فجزاهم الله خيرا وبارك فيهم

وأعلمي أختي - نوره - أن لكل ديرة ومدينة وأهلها بل لكل قبيلة من يكرههم ويعاديهم!!! شيء تعودنا عليه الله المستعان والله يخلف على المسلمين !!!


وأهل القصيم مايحتاجون أننا نصفهم فهم غنيون عن الوصف أهل القصيم ماشاءالله أهل دين
وخلق كريم ومن الناس المحافظين جدا وخاصة أهل بريدة وعنيزة

أختي - نوره - ياهلا ويامرحبا فيك سعداء بوجودك معنا (:

[Mمرفوعة الراسA]

يازين القصيم وأهلها


وكثير من أهل سدير مناسبين القصمان


سنع ومسنعه:)

[لمو]

مع أني مآآ أعرف أحد سديرآآوي إلا وحدهـ من صدقآآتي..

وأكتشفت هالشي

هذا انتي قلتيها اختي العزيزه

بس وحده لاحظتي فيها هالشي وعممتي على الباقي ..!!!

بالعكس فيه نسب بينا واخوه وجيره من احسن مايكون

وكل شخص يمثل نفسه وتربيته

وانا ان جيتي للحق اقول لك فيه كثييييييييييييير مو بس وحده قابلتهم من اهل القصيم يكرهون اهل سدير ..ليه مدري ؟؟

ومع ذلك ماعممت وما قلت ليه اهل القصيم قلت ليه انتم تكرهون اهل سدير

عموما ربي يديم الاخوه بينا ..وهالشي ثقي بانه من دسائس الشيطان لنا ولكم

حياك الله بينا واستمري معنا وبتشوفين شلون اخلاق اهل سدير

دمتي بخير وعافيه

[نوره أبا الخيل]

في البداية نرحب بك اخت نوره ابا الخيل ... في منتديات سدير ..

واما ما ذكرت فلا اعتقد بأن هذا الأمر صحيح ابداً وإن كان هناك من بعض اهل سدير او اهل القصيم من يحمل هذا الفكر فلا يعدو الا ان يكون شواذ لا ينطبق عليهم التعميم .. فكلنا اهل واحباب واقارب ..

وللمعلومية فهناك اعضاء ومشرفين كثر من اهل القصيم معنا في منتديات سدير نسعد بهم .. ولا يوجد هناك حزازيات ولا حزبيات بيننا ولله الحمد ..


تمنياتي للجميع بالتوفيق ..

الحمدلله أنه موو صحيح عشآآن نكووون بعيدين عن العصريه..

منور أخوي..

[نوره أبا الخيل]

هلا فيك يابنت ابا الخيل .

واهل القصيم ابناء عمومتنا وارحامنا ...

ولا تصل لحد الكره ..

لكنه من وجهة نظري الخاصة هو مجرد انجذاب لابناء ديرتكـ او مسقط رأسك فتجدين اهل القصيم مع بعضهم البعض واهل سدير مع بعضهم البعض واهل الحوطة وهلم جرا ....


وما انفي وجود بعض العينات وهي شواذ ولا يعتد بالشاذ ...لا يروق لهم التعايش مع اهل القصيم او العكس اهل القصيم لا يروق لهم التعايش مع اهل سدير .

وهذا كما قلت لك لا يعتد به ابداً .

لكــن هي واضحه لكـِ شخصياً لكــون سدير من اقرب المناطق لكــم يا اهل القصيم .

برايفت <<وانتم بعد يا اهل القصيم تكرهون اهل سدير اعترفي ليه ؟


وحياكـ الله يا نورة ...نورتي المنتديات

صح قلتهآآ هي فئه شآآذه واله يبعدنآآ عنهآآ..

برايفت <<وانتم بعد يا اهل القصيم تكرهون اهل سدير اعترفي ليه ؟

أنآآ عني مآآعمري سمعت قصيمي يقوول أكره سدير

بالعكس نذكركم بالخير

منوره أختي

[نوره أبا الخيل]

صدقت يا قلب الحوت بس بعضهم مب كلهم

[ردي يا نورة أبا الخيل]

أني عني مآآ أعرف سدير.. عشآآن أكرهآآ

لكن لمني سألت أهلي وأقآآربي..

بحكم صدقآآتهم مع سدير..

بلعكس يثنون عليكم..

[نوره أبا الخيل]

الحب والكره من الله يا نوره .... كلامك صحيح 100% يوجد هذا الكره المتبادل
وليس اهل سدير بس/ هناك ايضا غيرهم مايحب القصمان ...قد يكون هناك شي يدعو
لهذا الأمر .. وتعميم الأحكام على الناس مايجوز ابداً .. طيب أنت ماسألتِ نفسك ليه ؟


عنّي أنا .. احب اهل عنيزه .. بزود
لآ تنس بريده ترهآآ العآآصمه..:)

منور أخووي..

[نوره أبا الخيل]

وعليكم السلام ورحمة الله وبركاته

حياك الله أختي القديرة - نوره أبا الخيل - وحيا الله أبا الخيل وأهل القصيم كلهم
أختي نوره حقيقة اٍستغربت تعميمك بهذا الكلام - أهل سدير - بأكملهم!! ربما يكون كلامك صحيحا
وربما أنك وجدت وصادفت بعضا من أهل سدير ممن يكرهون القصيم وأهل القصيم لكن هذا لايعني
أن نعمم لاٍن هذا يستحيل طبعا - فليس من المعقول كره أهالي منطقة سدير كلهم للقصيم وأهلها!!


ثم ما الداعي لهذا الكره - الأمر أظنه أنك مثل ماذكرت انك صادفت بعضا منهم ويكره أهل القصيم لسبب ما فعممت الحكم على الجميع – والدليل على عدم صحة تعميمك وجود هذه الردود الجميلة من أهالي سدير


ولعلمك أختي أنني لست من مدينة سدير حتى لاتظني أنني أدافع عنها وعن أهلها اٍنما أنا مع الحق
والحقيقة هي أننا لم نرى من أهل سدير الا كل خير فجزاهم الله خيرا وبارك فيهم

وأعلمي أختي - نوره - أن لكل ديرة ومدينة وأهلها بل لكل قبيلة من يكرههم ويعاديهم!!! شيء تعودنا عليه الله المستعان والله يخلف على المسلمين !!!


وأهل القصيم مايحتاجون أننا نصفهم فهم غنيون عن الوصف أهل القصيم ماشاءالله أهل دين
وخلق كريم ومن الناس المحافظين جدا وخاصة أهل بريدة وعنيزة

أختي - نوره - ياهلا ويامرحبا فيك سعداء بوجودك معنا (:

وعليكم السلام

أنآ في بدآآية الموضوع مآآ عممت..

قلت مآآأعرف إلا سديرآآويه وحده وهي اللي عمت

ومآآطرحت الؤال هنا في منتدى سدير

إلا عشآآن أشوف هو الكلا صدق ولا لأ..

وأهل القصيم مايحتاجون أننا نصفهم فهم غنيون عن الوصف أهل القصيم ماشاءالله أهل دين
وخلق كريم ومن الناس المحافظين جدا وخاصة أهل بريدة وعنيزة

الله يسلمك منور..:)

[نوره أبا الخيل]

يازين القصيم وأهلها


وكثير من أهل سدير مناسبين القصمان


سنع ومسنعه

الله يسلمتس..

منوره..:$

[نوره أبا الخيل]

هذا انتي قلتيها اختي العزيزه

بس وحده لاحظتي فيها هالشي وعممتي على الباقي ..!!!

بالعكس فيه نسب بينا واخوه وجيره من احسن مايكون

وكل شخص يمثل نفسه وتربيته

وانا ان جيتي للحق اقول لك فيه كثييييييييييييير مو بس وحده قابلتهم من اهل القصيم يكرهون اهل سدير ..ليه مدري ؟؟

ومع ذلك ماعممت وما قلت ليه اهل القصيم قلت ليه انتم تكرهون اهل سدير

عموما ربي يديم الاخوه بينا ..وهالشي ثقي بانه من دسائس الشيطان لنا ولكم

حياك الله بينا واستمري معنا وبتشوفين شلون اخلاق اهل سدير

دمتي بخير وعافيه

والله أنآآ مآآعممت..

بس أخذت وجهة نظر وحده

وكنت حآآبه أسمع وجهآآت النظر

وبث..

[عززووزز]

اولا :امسيك بالخير اختي نوره

وانا لا ازيد عما تكلموا عنه اخوتي الا القليل
حيث انه لاتصل درجة الكره للحقد
هذا من شي وان وجد كره فستجدين القليل
والسبب في كون ذلك من الطبيعي المناطق المتجاوره تكره بعضها البعض الا من رحم الله
والدليل الكره الحاصل بين عنيزه وبريده وغيرها من المناطق

فأنا والله ان كثير من احبابي من سكان منطقة القصيم وانا من اهل سدير فلم اجد في نفسي ذره من الكره

اتمنى انك تقبلين مروري العطر



عززووزز

[غزاال]

هلا نوني...

عساك بخير...
من جد حكيك واقعي وانا لاحظته كثير بس العكس...

انو القصمان مايحبون اهل سدير...

لدرجة ان معي وحده بالكليه ...طبعا قصيميه..تقول..
((انتوا يا السديراويات محتلين هاالكليه<<اللي انا ادرس فيها..مثل احتلال اليهود لـ فلسطين..))
وهلم جرا من هاالحكي المسموم..
وربي مايمر يوم الا وهي جايبه قصه>>متاكدين انها من وحي خيالها..
سب في سدير ومدح بالقصيم...

بس الحمدلله ربي عطانا عقل نفكر فيه..ومحد من السديراويات يرد عليها..
لان الجدال مع وحده ومثلها يجيب الصمرقع...

ومازال الحديث مستمرآ مع اعضاء ومرتادين المنتدى,,,

وانا مع نوني ابحث عن السبب؟؟؟

[أبو هاجوس]

علشان كذا أنا سديراوي وسويت وحده وطنية
وأخذت من الزلفي ومن القصيم (عنيزة)علشان نصير أحباب
ولا نكره بعض
قولوا ما شاء الله

[سمـآء]

وفيه مقوله / إن الغاط ما تحب الزلفي ولا القصيم والعكس ..


لكن السبب ما أدري ؟؟

[أم فيصل]

بصراحه هذي الامور لا تقدم ولا تأخر ..

ديره تكره ديره وديره تحب ديره ..

لا انكر وجود هالامور لكن الله يصلح الحال ..

ليت تكون اهتمامتنا اشياء اكبر من كذا ..

:))

[بنت الجزيع]

ابو هاجوس عندك ثنتين؟؟؟!!!

هذي تفرقة وطنية خخخخخخخخخخخخخخخ

تراي أمزح ههههههههههههههه

أختي نورة أنا اللي أخبره أن أهل القصيم والزلفي

هم اللي بينهم شيل وحط مهوب أهل سدير

وبعدين العاقل مايناظر للمنطقة يناظر الدين

الم يجمعنا دين واحد؟.؟

وبعدين لو جينا للواقع ينطبق المثل

(أنا وأخوي على ولد عمي ,وأنا وولد عمي على الغريب)

يعني نفس اهل المنطقة تلقين بينهم حزازيات مثلا في القصيم

أهل بريدة بينهم مشاكل مع أهل عنيزة

بس لو يجي أحد من برى القصيم مثلا من سدير يعاديهم

يتكاتفون عليه صح والا لا؟؟

والقصيمي مع السديراوي مع باقي قرى نجد

لو يجيهم أحد يعاديهم من منطقة تختلف عن منطقتهم

مثلا من المنطقة الغربية يتكاتفون عليه

صح والا لا؟؟؟

وأهل نجد مع باقي مناطق المملكة لو يعاديهم أحد

من برى المملكةبس من دولة عربية تكاتفوا عليه

صح والا لا؟؟

والدول العربية تتكاتف على الغير عربية

والغير عربية تجتمع مع العربية اذا كانت مسلمة

وهكذا.................................. المهم هو وحدة الدين

فأنا أنظر في شعوري تجاه الشخص الذي أمامي هل هو مسلم؟؟

الحمدلله فمرحبا به , أما غير ذلك فلا.

الذي أريد أن أصل اليه انها نزعات طبيعية موجودة في كل مجتمع

وليس معنى هذا أننا نكره أحد لاوالله ولكن النفس دائما تألف أقرانها

والا كل جيراني مافيهم الا وحده سديراوية والا الباقي من القصيم والزلفي

والحمد لله مافيه اي شحناء بالعكس متآلفين

حتى زوجي أغلب أصدقائه من القصيم والحمدلله

أرجو أن تكون معلومتي وصلت تقبلي تحياتي

[عمر بن عبدالعزيز]

أشكر الجميع على مداخلاتهم

بودي أن الموضوع يكون أكثر جدية من ناحية الردود

لأن هذا القسم يناقش المواضيع بكل رزانة وإتزان

وتمنيت ألا ينحرف الموضوع عن مساره

والأخوان والأخوات كفوا ووفوا إن شاء الله

http://www.sudeer.com/vb/images/abtesamh/icon1.gif