يا سحابة وجهي يم الشروق

[أبو ريان]

يا سحـابه وجـهي يـم الـشـروق &&& وامطري بالخـير في ديار الحـبيب

أرسلي له بـين غـيمات وبروق &&& وخـبـريه انـي عـلى وصله قريـب

انطفـت في داخلي نـار وحروق &&& يوم جاني علـم من خـل وصحـيـب

نابي الردفـيـن وبـزيـنـه يـفـوق &&& كل من حـوله غـدا عـقـبـه مريــب

شاقني وان قلت بافعاله يشوق &&& ما خـبـر في هالبـشـر مـثله يصيب

جامع إحسـاس مع رقـه وذوق &&& وجامع كــل الخــصـال اللي تهـيـب

لو كتبت الشعر ولحنت بطروق &&& يفـهـم الـمـعـنى ومـردودة يـجـيـب

واهني من كان مع خله صدوق &&& مثل نور الشمس في وقت المغـيب

آو كما نور القمر بين الشفوق &&& يـبـري جــروح عـطـيــبه ما تطـيب

احـمد الله دام خـلي ما يـمـوق &&& وما ذكـرت بقـولتي شخـص غـريب




شـعـر/ابوريـان

[سعود الخليل]

جـامع إحـساس مع رقه وذوق = وجامع كل الخصال اللي تهيب


لـو كـتبت الشعر ولحنت بطروق = يفهم المعنى ومردودة يجيب



كلمات ولا أروع تسلم لنا يابو ريان على هالكلمات وعسى المقصود في سدير علشان يجينا المطر ..هههه مشكوووور مره ثانيه .

تحياتي..

[هادي]

بس يوم قريتها لقيتها روعه وتحتاج طباعه وتعليقها في المجلس عندي مو على النت بس

خلوها شهر تكفون لا تروح
لا ما يكفي شهر خلوها سنه مثل المعلقات

سلملم

[تأبط شرًا]

والله يابو ريان ما أدري وش أقول عن هالقصيده إلا أنه كني أنا اللي قايلها وتمنيت فعلاً أني كاتبها لجمالها وروعتها ولحبي الشديد للشرقيه وأهلها وساكنيها من أهالي سدير وتصدق إني أحبها أكثر من الدهناء .

أحب الشرقيه
http://www.alshamsi.net/heart/adress2.jpg

[أبو ريان]

اخي العزيز تأبط شرا بالنسبة لعشقي للمنطقة الشرقية ليس بالوقت القريب وقد عشت فيها احلى ايام عمري ولمده ست سنوات تقريبا ولي فيها ذكريات جميلة جدا وحبيت ان استرجع بعض الذكرايات وهي في مضمون القصيدة
شكرا على متابعتك وعلى اعجابك بالقصيدة

اخوك الصغير ابو ريان

[أبو ريان]

الاخ العزيز من التويم /
الاخ العزيز هادي

شكرا على التواصل وعلى المتابعة وهذا كله من بركاتكم

[تأبط شرًا]

يابو ريان ما ألومك في حب الشرقيه وإسترجاع ذكرياتك فيها . لأني أعيش حالة إسترجاع دائم لأيامي الحلوة التي قضيتها في الجبيل والمنطقة الشرقية ككل . وبقصيدتك هذه أرغمت الذاكرة على التوقف وإعادة الشريط . وسترغمني على الذهاب إليها قريبًا .
:)

[هرمنا]

تسلم على هالقصيدة

ولولا اني اعتبر من اضعف الناس في الاطراء لكتبت الكثير هنا


تقبل تحيات اخوك الصغير السبعين

[مشهور]

ابو ريان

كل هذا عندك

انا من زمان انظل بس الحين ما ادري والله

عموما تحمل ما يجيك

اعبجتني القصيده تسلم والله

[ذيب طويق]

احـمد الله دام خـلي ما يموق &&& وما ذكرت بقولتي شخص غريب

مايقول البيت هذا الا شاااااااااااعر



تسلم حبيبي على الابيات الحلوة هذي