لا صرت بالصمان

[هوجاس]

السلام عليكم ورحمه الله وبركاته


يقول الوالد لولده:


لاصرت بالصمان والقيض حاذيك = ايت حسين الدل واي المطيه



ويرد عليه الولد ويقول:


الله كريم وما امر =وماامر بفراق صافي الثنيه
لاصرت وقت الرخى بين اهاليك =شوفت حسين الدل تسوى المطيه




وفيه روايه ثانيه

يقول الوالد لولده:



لاصرت بالصمان والقيض حاذيك = ايّا وليف الروح والا المطيه ؟


ويرد عليه الولد ويقول:



لاصرت وقت الرخى بين اهاليك = شوفت وليف الروح تسوى المطيه


وروايه أخرى

يقول الوالد لولده:


لا صرت بالصمان والقيظ حاديـك=أيا لطيـف الـروح وألا المطيـه ؟


وجاء الرد من الولد:


الله كريم(ن) مـا نـوى بالتهاليـك=ولا نـوى بفـراق جالـي الثنـيـه
لا صرت في وقت الرخا بين أهاليك =شوفت لطيف الروح تسوى المطيـه


وهذي هي سالفه هاالبيتين الي اشغلت الناس ونشرتها جريده الرياض

هذا واحدراح يخطب بنت لكن ابو البنت طلب المهر مطية عند ابو الولد غالية على الابو
راح الولد للابو وقاله الكلام
ضاق صدر الابو ولا وده يرد ولده لكن خطرت على باله هالخطه
راح هو وولده على المطيه الغاليه للصمان ونزلو يتمشون وخلا الولد يروح يركض يبيه يعطش
يوم رجع عطشان يبي ماء قام الابو وكب الماء طبعا هالسالفه بالحر بالقيظ
قال الولد وين الماء قال قضى لكن فيه بير قريب من هنا وركبوا المطيه والولد عطشان مره
يوم وصلوا البير وشرب الولد قال له الابو :



لا صرت بالصمان والقيظ حاذيك =اية حسين الدل والا المطيه


يقصد بهالحر وانت عطشان وش تنفعك به البنت لكن المطيه نفعك راحت بك للماء
يريد ان الولد يتمسك بالمطيه ولا يرضى يخليه مهر لكن الولد رد بالبيتين اللي فوق

[سعود الخليل]

مشاركه مميزه وبالفعل فهذه الأبيات أصبحت مثلاً يحفظها الكثير من الناس .

فيجب على الإنسان أن يوازن بين الأمور قبل أن يختار فلا يتأثر بما تريده نفسه فقط ..



تحياتي هوجاس .

[شوق القلوب]

مساء الخير

بالفعل مشاركة مميرة

هوجاس :اشكرك ولا تحرمنا من مشاركاتك الجميلة .

:)

[هوجاس]

اخوي من التويم

مشكور وما قصرت يا كبير وانت المميز


اختي شوق القلوب

مشكوره على ردك وانتي مثل من التويم مميزه


تحياتي لكم ولابداعاتكم