اسمي سعد مير السعد عن سكة أمثالي شر

[سعود الخليل]

يا لا يمي وش في يدي مثلي أنا وين بيروح؟=تعبت أجاري دنيتي بس الأسف ما به جديد
عذولي وريح التعب على وجهي يفوح=قل لي وش اللي لي بقى غير الصبر بس ما يفيد
عمري توسط وانتصف ما عشت به لحظة فروح=واسمي سعد مير السعد عن سكة أمثالي شريد
شلت القهر عمر ودهر مير الزمن كفه شحوح=مستخسر البسمه علي لو لحظة من يوم عيد
وكلٍ خذلني ما بقى في هالملا خل نصوح=واحرقت ليلي بالسهر على أمل صبح جديد
وكل شي مات بداخلي إلا الحزن له ألف روح=كم حل ليل وطاف ليل والنوم عن عيني طريد
يكفي ودونك نظرتي أصرخ ترى صوتي بحوح=ما يوصل حدود الشقا لو نسبة أبياته تزيد
بالصمت أبجمع حسرتي لو عيني أفواه تبوح = وأقرب وأمارس وحدتي مبعد عن الدنيا بعيد



للشاعر : سعد العوجان ( نديم سدير)
بصراحه القصيده تحمل الكثير والكثير من المعاناة والمفروض إن الشاعر يكون أكثر تفائلاً الله يعينه وهي قديمه شوي ... يعني إنشالله تعدلت معه الى الأحسن ..

[احلى واحد]

تسلم يا حبيبنا من التويم والله يعطيك الف الف عافيه ما قصرت

لاكن نبي منك المزيد لانك معروف بمشاركاتك الجيده


مشكــــــــــــــــــــــــور

[هوجاس]

مشكور اخوي من التويم على هالقصيده الرائعه

والله يعين الشاعر على بلواه