قصيده في شعراء الجرايد والمجلات ..

[سعود الخليل]

هذه القصيده للشاعر المبدع ناصر الفراعنه السبيعي في شعراء المجلات والجرايد :

بـــدعٍ بدعـنـابـه وحـنـالـه وجيـنـابـه وسـرنـابـه ويـعـجـز بـــدع قــافــه كــــل ســــادات الــعــرب=فـي وقـت حيفـه صـار شيفـه حـد سيفـه مـن رهيفـه يبتـر الهامـات والجمهـات والعظـم الجلـيـد
الـورع جالـه بالفشالـه والجهالـه لحيـةٍ مـدري مـن اي دار نبتـت والبنيـه جالـهـا ذقــن وشـنـب=يالله دخليـك مـن عنـا الدنيـا دخيلـك انـت يـا حامـي خليلـك وانـت يـا حاجـي حجـا البيـت العتـيـد
شفت الشعر فيه الجعر شين الظهر حتى الشعر واصبح بحر والذيب راع الطيب في بحره نشب=والـحـر عــام اول تـحـول صــار شــوّل يــوم غــوّل والـدهـر طــوّل وحــول بالـذيـابـه يـــا عـبـيـد
الـقـاف ضـمـه لــه ولـيـد امــه وطـبـح فــي مجـمـه وســط فـمـه مـاسـكٍ رضّيعـتـه مـنـه شــرب=وابـن القبيلـه كالحليلـة شـف شليلـة فـي مقيلـة رابــطٍ رجـلـه وذيـلـه مــع حصيـلـه وســط قـيـد
فــي وقــتٍ ادلــم ازلــم اظـلـم فـيـه الاعـجـم صــار شـاعـر فــي زمــانٍ كــل مــا وسـطـه عـجــب=وقـتٍ بـه الشاعـر تغيّـر لا يجـار ولا يجيّـر فالعـرب سمـوى الذنـب يـدور مــن يـشـري القصـيـد
الشعـر عـوّد فـي يـد البـزران والخبـلان والسفهـان حتـى ضـاع منـه الشـان واجـنـب وانسـحـب=وصحنـا ونحنـا يـوم رحنـا فالقصيـد اجنـاب يـوم انّـا هلـه فـي مدهلـه فـي زاخـر ابحـوره نجـيـد
يــا مـنـادي ٍ بـإسـم الـبـداوه والـحـلاوه والـطـراوه والنعـومـه واللـيـونـه فـــي خـــدودك تقـتـلـب=عيـش البـدو كلـه قسـاوه يالقطـاوه مـا تشـاوه وانتـوا مـا شفتـوا مـن الدنيـا علـى الدنيـا شـديـد
خل الشعـر لمحيسـن وعجـران مـع راكـان مـع نمـر ابـن عـدوان مـع ابـن احميـد شيـخٍ بـالادب=والقـاضـي محـمـد وابــن لعـبـون راع افـنـون يــم ديــار مــي والشـوامـي مـالــكٍ تـــاج النـشـيـد
والعـونـي بـوقـتٍ مضـالـه والـخـلاوي راشــدٍ مـفـرقٍ وســـط الـسـمـاء نـجــمٍ ورا نـجــمٍ رهـــب=وبديـوي الوقدانـي وابـن سبـيّـل بـبـدع المعـانـي والذويـبـي عـنـد سرحـانـي ثـنـا بسـيـفٍ جـديـد
ودغـيّــم الظـلـمـاوي وابـــن شـريــم وابـــن دويـــرج ومـثــل الجـبـرتـي وابـــن هــــذالٍ كــســب=بيـض القوافـي والرهافـي يـوم هـاف الجـد ليـن السـد زيـن الخـد مـا طـاول علـى البـيـدا صعـيـد
وابـن ربيعـه والسديـري هـم بحـور القـاف يـاعـراف امــا الـوقـت ذا فالشـعـر مــا عــده نـضـب=واللـي بقـوا شقـف ابلحـه اتفـل عليهـم لعنبـو منهـو غـذاهـم والـعـن آبــو آبــو ثـواهـم والكـديـد
والله مـا يمسـك لسـانـي عــن بيـانـي فــي المعـانـي والـكـلام المقرحـانـي مــن نـوانـي بالعـطـب=مــا كـتـب لــي مـنـه ابتـلـي غـصـبٍ عـلـي حـكـم ٍ جـلـي ومكمّـلـي مــن عـنـد الـعــرش المـجـيـد
حـاورت جـن الليـل يـوم اسهيـل جـر الذيـل مثـل الخيـل فــي دوٍّ بعـيـد الــدار بـاطـراف القـصـب=شامـي علـى الغبـه صلفتـه عقـب شفتـه مـا عرفتـه يـوم حفتـه والمصيقيـل ابـن نـزاع الهضيـد
فــي وســط ديــرة مستـديـرة والضـبـا ابـهـا مستـذيـره والهبـايـب مستثـيـره والقـوافـي تلـتـهـب=شبـت هجوسـي مثـل نـيـران المجـوسـي وانثـنـت عـنـي لبـوسـي وانثنـالـي كــل شيـطـانٍ مـريـد
واللـي إيتحدانـي يقـرّب ثـم يجـرّب والمعـرّب مـا يـدرّب حاضـر ابحـاضـر قـنـا وسـيـفٍ عـضـب=مــــا كــسّــر اقــفــول الـحـديــد الـكـايــدات الـصـالـبـات الـشـامـخـات الـصـامـتــات إلا الـحــديــد
ومااقول ما بالوقت ذا شعار فيـه اللـي يجيـب القـاف صنـع انظـاف لا زعـزع علـى كـوره وجـب=بـس آه يـا قـل قلهـم ولا كلهـم لـو كـان شـاعـر مـعـه ابـاعـر قــادرٍ فــي سبـكـة الـقـاف الجـويـد

[هوجاس]

من التويم

أنت خرافي


قصيده ولا اروع من شاعر رائع هو ناصر الفراعنه

تبي الصراحه

حسبي الله عليك فشلتني عند زملائي

بعض الابيات خلتني ابكي من كثر ما اضحك واحمد ربي أن القصيده بالعربي ولا كان راحو فيها هلامريكان الي جنبي
كلهم مستغربين من ضحكي وطلبوا اني اترجمها لهم بس وشلون؟؟؟!!!

على العموم شكراً لك مره ثانيه وانا بصراحه عندي تعليق بسيط

لو تلاحظ في الجرايد والمجلات وخاصه المجلات الشعريه تجد ان أغلبيه ما ينشر ينشر بعد فرز دقيق للقصائد لانه المسئولين على تلك المجلات والجرايد يهمهم بالدرجه الاولى القارىء فلهذا السبب نجد انهم لا ينشرون الا القصائد الجيده

لكن المشكله الحقيقه نجدها في منتديات الانترنت حيث لا رقيب على المشاركات بل بالعكس نجد هناك من كذب على نفسه وصدق هذه الكذبه بأنه شاعر!!! فهذا لا يستحق قصيده هجاء بل يستحق صفعه كبيره تعلمه أن للشعر رجاله!!!!

شكراً لك اخوي من التويم مره ثانيه واشكرك لانك خليتني اضحك وبقوه لاني من زمان ما ضحكت زي اليوم

يا منادي ٍ بإسم البداوه والحلاوه والطراوه والنعومه والليونه في خدود تقتلب
عيش البدو كله قساوه يالقطاوه ما تشاوه وانتوا ما شفتوا من الدنيا على الدنيا شديد

[سعود الخليل]

هـــــــــــوجاس


أهم شي إن المشاركه أعجبتك ووسع صدرك واضحك دايم .. :) :)

وعلى قولك هناك الكثير من الذين يدعون الشعر ينشرون في المنتديات بأسماء وهميه لانهم لا يستطيعون نشر أسمائهم حتى لا يفضحوا لذلك يبلون الناس بما يكتبون وكذلك الجرائد فهناك الواسطة التي قد تسبب نشر بعض القصائد الرديئة فلا تجد جريده ولا مجله إلا ووجدت القصائد والتي معضمها بلاوي زمن ..وفيها الجيد حتى لا نظلم الشعراء الجيدين ..



تحياتي .

[ابن شارخ]

اشكرك من تويم على هالمشاركه الجميله

للشاعر المبدع ناصر الفراعنه

واللي إيتحداني يقرّب ثم يجرّب والمعرّب ما يدرّب حاضر ابحاضر قنا وسيفٍ iiعضب
ما كسّر اقفول الحديد الكايدات الصالبات الشامخات الصامتات إلا iiالحديد
ومااقول ما بالوقت ذا شعار فيه اللي يجيب القاف صنع انظاف لا زعزع على كوره iiوجب
بس آه يا قل قلهم ولا كلهم لو كان شاعر معه اباعر قادرٍ في سبكة القاف iiالجويد

صح لسانك ولسان الشاعر
انا لاول مره يمر علي هالبحر ، ولا قد سبق ان احد كتب على هالطرق

انا اشهد انه شاعر مبدع

تحياتي لك

اخوك

عبدالخالق البعيجان

[سعود الخليل]

حياك الله يابن شارخ وتسلم على تواصلك .. وأنت صادق بحر هالقصيده غريب ولكن ناصر مبدع ومو غريبه عليه ..


تحياتي.