قصيدة في المكشات

[الجريوي]

ياهل المكاشيت والســـمره .... خويـــكم كيف تنســونــه

مكشاتكم بينكم خشــــــره .... والعود يوميــلكم شــــونـه

مقرن بـدا وأشـعل الجمــــره ... من خوف لا الربــع يشـنونه

واعطاهم الرأي والفكـــــــره .... والربع ماهــم بيــعـصـونـه

واختـار عســاس من بـكـــره ... ايعس منـزال مـامــــونـــه

والكبش جابــه كمـا البــــكـره ... جــرّه لهـم جــر بـقرونـــه

من عقبـها قال مفتـــــــــره .... كلن ايقـدم ابـماعــونــــــه

واحتاســوا الربـع بالجـــــره .... صارت من العج مـدفــونــــه

فارس تـزهل بهـا مـــــــــره.... واختــار وجـبات مجــنونــه

عقبـه نجــر قال من حـــــره ... شــاتي مع الرز مقرونـــــه

منصور عقب أنهـوا الســـهره .. قال ازهل الفرش والمـونــه

وعبدالله اغتاض من صــبره .... أخيامهــم جابـهـا عونــــــه

عزيمــة ً جات بالطمــــــره ... عقب أكلة الرز بصحــونـــــه

http://www.unizahart.remal.com/03.jpg

[أبو ريان]

و الجريوي بخل علينا بنظره === ومن سبته والحال مشحونه
وانصحك مـن لمسـت الجمـره === لو ها على المجمار مركونه
راقـب نـجـوم الـلـيـل والـقمـره === والصبح بان وبانـت عيـونـه
هذي نصيحه من كشف امره === هجرس وكل الحـور يبكـونه
تــركـت انـا شـرابـت الخمـره === ومن شرب من كاسهم يذلونه

وتسلم يا ابو جريوي على القصيدة وهذا رد غير مباشر بس مزحه شعريه وليست من القلب
فمعزتك لا يعلم بها الا الله وفقك الله وجزيت خيرا يالغالي 000

:p :p :p

[أبو ريان]

وينك يالجريوي ماشفنا ردك

[أبو ماهر]

مهب زينه مرررررررة عاديه

[أبو ريان]

:confused: :confused: :confused:

[الجريوي]

مشكور ابو ريان على الإطراء ، والله لا يحرمنا من تشجيعك المتواصل :)

وش دعوة ابو ماهر !! ! ، خلك حنيّن شوي !! ! ، كل ذا زعل !! ! :mad:

[أبو ريان]

يكفيني تشجيعك يالجريوي وابو ماهر يمديه يلحق :p :p :p

[أبو ماهر]

لا يا ولد عمي أنا كنت أمزح معك بس ولا كان قصدي أني أذلك أو أهينك أنا كان كل قصدي أني أداعبك مداعبه لطيفه وأقول ترى المشاكة مرررررررة جميله


هههههههه: :o :o :D :D :) :o