مشاهدة النسخة كاملة : محاورة شعريه
سعود الخليل
01-04-2003, 11:11 PM
هذي محاورة شعريه بين صقر النصافي وسليمان بن شريم :
قال سليمان بن شريم:
الا ياصقر ياصقر الندم يامرتخي الجنحان= علامك يوم مرتك الحباري ماتدميها
نطحني محمل الجرمل يضده محمل السلطان=عساكرها تراطن والمكاين سوها فيها
عليهن من ملابيس الغوى من سوق بن رشدان=نفانيف على المودة جديدات مطاويها
فقال صقر النصافي:
أنا ماني بطيرن مايصيد الصيد ياسليمان=يبات بجوع والجنحان بالتكفيخ موذيها
اوقع لين اشوف اللي تسر القلب والاعيان=وابادرها بمخلاب مقره في ثناديها
توقع لاتطير مع الهدوم ولمحة الزيلان=مجاهيم شعرها مايغطي روس اذانيها
نفانيف على المودة كما ريش على عيدان=يفزابها الغشيم ومن بخصها مايدانيها
$ الهنوف $
02-04-2003, 12:13 AM
الصراحه محاوره اكثر من رائعه .............
.
..تسلم اخي من التويم ..............
.تحياتي الهنوف
هوجاس
02-04-2003, 08:11 AM
محاوره رائعه
تسلم عليها اخوي من التويم
شاعر تميم
02-04-2003, 10:23 AM
سلمت يداك اخوي من التويم على المشاركه الرائعه
المنيعات
02-04-2003, 11:54 AM
من التويم .... ابداع وامتاع
.
.
ارجوا الا يقتصر الموضوع على السابق ...
.
.
سعود الخليل
02-04-2003, 01:03 PM
الهنوف يا هلا بك ويا مرحبا ومشكوووره على التواصل..
تحياتي.
سعود الخليل
02-04-2003, 01:10 PM
مشكور أخوي هوجاس على ردك ... وما قصرت .:)
تحياتي.
سعود الخليل
02-04-2003, 01:16 PM
شاعر تميم
حياك الله و تسلم على تواصلك .. معنا .
تحياتي.
سعود الخليل
02-04-2003, 01:20 PM
حياك الله يالمنيعات وبصراحه إقتراحك رائع وأتمنى أن اللي عنده أي قصائد محاوره أن يطرحها معنا ..
تحياتي.
ابوعمر
02-04-2003, 03:08 PM
مشكوووور أخوي من التويم.
قصيده في قمة الروعه
سعود الخليل
02-04-2003, 11:58 PM
الله يحييك يا ابو عمر ولا تهون ... وتسلم على تواصلك ..
تحياتي.:) :)
المنيعات
05-04-2003, 03:01 PM
هذه المحاورة الكبيرة والجميلة جمعت الشاعر المخضرم أحمد بن ناصر الشايع مع الشاعر الكبير مستور العصيمي التي اقيمت في ابها عام 1408هـ في ضيافة الأمير خالد الفيصل :
احمد الناصر:
سلامي رده صافيه سويتها وابدي بها=
تسمعوا يامن حضر سلامي رده صافيه
يازين درب العافيه ياطيبها يا طيبها=
نصف الشهر خمسة عشر يازين درب العافيه
مستور العصيمي:
تبا تبان الخافيه والدار نعرف ذيبها=
واليا بدا نور القمر تبا تبان الخافيه
خل القلوب الصافية تضحك وتظهر غيبها=
وانا معي وجهة نظر يا أهل القلوب الصافية
أحمد الناصر:
ترى الاشارة كافيه قصة يصيب مصيبها=
واليا سريت اخذ الحذر ترى الاشاره كافيه
هات العلوم الوافيه لك عادة اتجيبها=
احذف حجر واقلب حجر هات العلوم الوافيه
مستور :
انا لبوسي ضافيه جيب الحقيقة جيبها=
آخذ خبر واعطي خبر وانا لبوسي ضافيه
ترى الليال الدافيه كل العرب تمشي بها=
وانته على جال البحر وقت الليالي الدافيه
أحمد :
دربيلنا كشافيه دنياك ما اعرف غيبها=
واحسابنا طرح وجبر دربيلنا كشافيه
اخلاف ماش خلافيه تقبل ولا تقضي بها=
والريف أخير من الدهر واخلاف ماش خلافيه
مستور :
ياللي بنيت القافيه وراك ما تبني بها=
حط الحجر فوق الحجر ياللي بنيت القافيه
بعض السوالف كافيه اصبح بها وأمسي بها=
يا عود داخلك الكبر بعض السوالف كافيه
أحمد :
بالوسط والاطرافيه علومي ما تدري بها=
دعوى يضيق بها النحر بالوسط الاطرافيه
يا للي عيونك غافيه تفتح ولا تغضي بها=
عبره من كبار العبر ياللي عيونك ضافيه
------------------------------------------
.
.
.
ابوعمر
05-04-2003, 03:08 PM
مشكور أخوي المنيعات.
متمنيا المزيد إن شاء الله
سعود الخليل
06-04-2003, 12:05 AM
مشكور أخوي المنيعات على هالمحاورة الرائعه بين شاعرين من عمالقة شعر المحاورة السعودية ..
بس بعض الكلمات لم تظهر بالشكل المطلوب ؟!!:(
أشكرك وأتمنى من الأخوة المشاركة في الموضوع بما لديهم ..
تحياتي.
المنيعات
06-04-2003, 10:51 AM
أخوي ( فارس النتديات ) ... أبشر بالخير ..
-----------------------------------
أخوي من التويم ... هل تقصد هذا البيت :
اخلاف ماش خلافيه تقبل ولا تقضي بها=
والريف أخير من الدهر واخلاف ماش خلافيه
؟؟؟
المنيعات
06-04-2003, 11:07 AM
هذه المحاور جمعت عميد المحاورة أحمد الناصر مع العملاق الشاعر صياف بن عواد الحربي:
أحمد الناصر :
شليويح بن شلاح المطيري مثل الاشوام=
سلامه مرحبا بك من بعيد اليا بعيدي
تغير واختلف طبعه على ربعه من العام=
رمى قلب قديم وشاري قلب جديدي
صياف الحربي :
شليويح المطيري ما تعدى دين الاسلام=
واقوله بالنيابه عنه والعايد يعيدي
لعلك يا أحمد الناصر تجي وتروح قدام=
وتصبح في اوسط الديره شقي والا سعيدي
أحمد :
تهرج بالرضا حيث الرضا هو سيد الاحكام=
وخلق الله تفكر بالقريب وبالبعيدي
انا أعرف الليالي السود وبيض الايام=
وترى ما نيب اعيد لين اوكد يوم عيدي
صياف :
تهرجنا وفكرنا وفسرنا بالاحلام=
وجبنا لك خبر مضمون بالعلم الوكيدي
فتشنا في صحنكم ما لقينا خبز وايدام=
ما غير القدر والطاسه ومسواط العصيدي
أحمد :
يقولون الضوامي هالليالي ورد وحيام=
ولا ضد الحديد الا القوي من الحديدي
ضعيف الحيل ما ينفع ليا انه طاح ما قام=
ولو ينزل بعد بكره يطري فالشديدي
صياف :
وقف في دربها مجنون لا صلى ولا صام=
لعله عقبها يقعد مع العالم وحيدي
لو ان ام الكباير ما عطوها خرص وزمام=
ما يمديها تغني لك بنوع من القصيدي
أحمد :
أنا ما نيب احب الظلم مار الناس ظلام=
اجنب خزنه السلطان ابن عبدالمجيدي
احد يحكم عليه اليا جهل في حكم الاعدام=
خطير انه يذكى مثل تذكاة الهريدي
صياف :
أنا عارف وداري واعرف ان الظلم هدام=
ومن يخطي على المسلم ترى قلبه بليدي
ومن يشري لك البندق يبايشري لك حزام=
لو ان الموت فوق الحنجرة تحت الوريدي
.
.
.
سعود الخليل
06-04-2003, 01:29 PM
الظاهر إنك يالمنيعات من هواة شعر المحاوره ...:)
وهذا من حظنا لانك راح تطربنا وتمتعنا بما لديك ..
ولكن ما أدري إذا المشكله عندي أنا آخر الشطر الثاني ما يطلع عندي ؟؟
مثل :
تغير واختلف طبعه على ر
وما طلعت معي إلا بالحوسه والتحديد واللصق .
المنيعات
06-04-2003, 01:45 PM
غريبة أخوي من التويم أنا ماعندي أي مشكلة :confused:
لو واحد من الأخوان يتكرم ويعلمنا اذا الأبيات ظاهره عنده بالكامل أو لا ؟
هوجاس
06-04-2003, 01:50 PM
محاورات أكثر من رائعه
تسلم عليها أخوي من التويم وتسلم عليها أخوي المنيعات
من التويم
جهازك مخبط....:)
سعود الخليل
06-04-2003, 02:00 PM
:confused: :confused: :confused:
والله قهر .؟؟؟!!!
طيب مو مشكله انا قريت القصيده بس بعد ما نسختها ولصقتها ثانيه ومشكورين يالمنيعات وهوجاس على توضيحكم ..
المغترب
06-04-2003, 11:53 PM
مشكور أخوي من التويم على اختياراتك الرائعه وننتظر القادم..........
المنيعات
07-04-2003, 10:34 AM
لقاء أعضاء منتدى الزلفي بالشاعر / أحمد الناصر الشايع (http://www.azzulfi.com/p/ans.htm)
مع ملفات بصوت الشاعر ...
.
.
.
المنيعات
08-04-2003, 10:30 AM
وهذه المحاورة بين الشاعر أحمد الناصر ورفيق دربه الشاعر الراحل مطلق الثبيتي يرحمه الله
في المغترة في ضيافة الامير فيصل بن خالد عام 1406هـ ....
مطلق الثبيتي:
قبل شهر رمضان الليل هذا مثل ليل العيد=
عسى ربي يطول عمر من نمشي على نوره
تهرج يا أحمد الناصر وصك الحيد جنب الحيد=
ولا تزعل على مستور والأحوال مستوره
أحمد الناصر:
اظن العيد عيد للجميع مبارك وسعيد=
وهذي عادة ما تختلف لعيال اخو نوره
عسى من فاد راسك يالثبيتي ما يفيد الفيد=
ترى مستور أخوي ورفقته في القلب مبذوره
مطلق:
ترى عقل البني آدم يا أحمد الناصر سواة القيد=
يخلي السر دايم صرة في الجيب مصروره
نسيت الفقه والتوحيد والتفسير والتجويد=
بعد عودة معهم كل يوم تلعب الكوره
أحمد:
تهرج يالثبيتي وانت ابو ما تشتهي وتريد=
ليا ضيعت دربك نزهدك في راس باكوره
تكايدني وانا خابرك رجال تحب الكيد=
جوازك للسفر ما فيه توقيع ولا صوره
مطلق:
عطوك البندقية مار ياجعلك تصيد الصيد=
لها روحين مار البندقة ما هيب ممهوره
يجيبون الدوا للعود يبغونه يصير وليد=
وإلى شافوه يعرج بين اهل رابغ ومستوره
أحمد:
تشوف اللي قريبه يا لثبيتي ما تشوف بعيد=
سواة التاجر اللي في البحر غرقان بابوره
اظن الفقع في جنب الرقه والعلم بالتأكيد=
ولو ما تحسن اللحيه لقيت البيض منثوره
مطلق:
انا ما ابغاك تمشي في الدروب العوج يا بوزيد=
ولا يطرحك درهام الجمل بالارض عن كوره
انا با خذك بالمعروف وانت العم وانت السيد=
رجاجيل الجميله بين كل الناس مشهوره
أحمد:
تهددني ولا يزمل عميلك راعي التهديد=
واخبر الناس يارجال منهية وماموره
نبي نرضيك يارجال والميت عساه شهيد=
وعقب أقرا عليك العاديات من اول السوره
----------------------------------------
.
.
.
vBulletin® v3.8.7, Copyright ©2000-2024, موقع و منتديات سدير © 1422 هـ - 1431 هـ