المساعد الشخصي الرقمي

مشاهدة النسخة كاملة : البارحه راسي تصافـق طواريـه

سعود الخليل
11-04-2003, 10:56 PM
البارحه راسي تصافـق طواريـه=والنوم مالـه يمـة العيـن حـروه
يلعب براسي صوت صلف المشاريه=ذيبٍ عوى يبغي عشا أمه و جـروه
وأنا على الدنيا مـن الهيـه للهيـه= ماهمني شهـره ولا جمـع ثـروه
همي وغمـي واحـدٍ يـوم الاقيـه= كني عليل وشوفتـه محـو قـروه
ياتل قلبي فالهـوى مـن عروايـه= تل الرشـا دلـوٍ ثلاثيـن عـروه
يتله اللي حامـي القيـض حاديـه= يسقي لـه إبـلٍ مارعاهـا بكـروه
عشرٍ شريدة كثرهـا مـن غواليـه=اقفت كما يقفي مـع الجـم مـروه
واللي بقا عشرٍ وصاته مـن ابيـه = من دونها لو يصبح الصدر فـروه
قلته وكل إنـاء ينضـح بمـا فيـه= وفالعمـر يـومٍ يبلـغ العـز ذروه
واليوم هذا يـا أولـه ويـن تاليـه= والنوم مالـه يمـة العيـن حـروه


للشاعر : ضيدان بن قضعان .
هوجاس
12-04-2003, 08:49 AM
ضيدان بن قضعان

عز الله أنه شاعر وابن شاعر

دائماً يزين مجله المختلف بقصائده

مشكور أخوي من التويم

وقصيده ما أقول رائعه بل أكثر من رائعه
$ الهنوف $
12-04-2003, 11:45 AM
كلمات نابعه من الاحساس والمشاعر ....


.................ولااروع منها ...........



.....تسلم اخي من التويم على نقل هذه الروائع ........



..............تحياتي .........


....الهنوف
سعود الخليل
12-04-2003, 01:03 PM
مشكور أخوي هوجاس على تواصلك الكريم .. والشاعر ضيدان بن قضعان شاعر مبدع له الكثير من القصائد الرائعه .. أتمنى أن أقدم المزيد منها .


تحياتي .
سعود الخليل
12-04-2003, 01:08 PM
$ الهنوف $

هلا بك ومشكوره على التواصل وننتظر مشاركات الهنوف معنا ..

تحياتي.
haneen
12-04-2003, 02:54 PM
مشكور اخوي من التويم على اتحافنا بهذه المشاركه

والحقيقه المشاركات الرائعه دائما معاك


ويعطيك العافيه على مجهوداتك
ابن شارخ
12-04-2003, 03:17 PM
اشكرك اخي من تويم

على هذه المشاركه الرائعه للشاعر المبدع الذي اذا كتب صفق له الجميع
انا من اشد المعجبين بقلم هذا الشاعر فهو يوظف القوافي توظيف عجيب ولا يأتي الا بالدسم والسمين
وشاعر على السليقه والافضل من ذلك اذا سمعت القائه ، فقد جمعني الله معه في احد المجالس
ودارت محاوره بينه وبين احد الشعراء ، لكن هذا الشاعر المبدع فعلا

قلته وكل إناء ينضح بما فيه وفالعمر يومٍ يبلغ العز ذروه
واليوم هذا يا أوله وين تاليه والنوم ماله يمة العين حروه



من القلب شكرا لك
ابو دحيم
12-04-2003, 11:20 PM
تحيه طيبه

يعطيك العافيه اخوي من التويم على هذا الاختيار المميز .


وكل قصايد ضيدان ممتازه .

ولك :


والبيجر الي ما هجد ربع ثانيه = يكتب على الشاشات جمسه ثمانية
يرسل رسايل هجر ويظمها = ويقول كلمهم والاعمار فانية
ساعت يرن وساعات يهز مستحي=هزة ردايف بنت فريد رانية



وســـــــــــــــــــــــــــــــلامتكم


لك تحياتي
سعود الخليل
12-04-2003, 11:52 PM
مشكور ه يا حنين على ردك وتواصلك معنا ....

تحياتي.
سعود الخليل
13-04-2003, 12:17 AM
سلمت يا ابن شارخ وما قصرت في ردك وعلى قولك الشاعر ضيدان بالفعل من الشعراء المبدعين ..

تحياتي.
سعود الخليل
13-04-2003, 12:21 AM
مشكور يا ابو دحيم على تواصلك ووالمشاركه بالقصيده ...


تحياتي .
المغترب
13-04-2003, 01:27 AM
دائماً مبدع في اختياراتك

مشكور
سعود الخليل
13-04-2003, 01:13 PM
حياك الله يالمغترب ومشكور على التواصل ...


تحياتي.:) :)
من جلاجل
13-04-2003, 03:52 PM
اخوي من التويم جميلة الابيات اللي نقيتها للشاعر ضيدان بن قضعان
وصح لسانه
وسلمت يديك الي جابتها للمنتدى وبيض الله وجهك
سعود الخليل
13-04-2003, 10:29 PM
اللله يحييك أخوي ( من جلاجل ) ومشكور على التواصل .. ويا هلابك ,,,


تحياتي.