ديــوآن المـرع ـــــب سـ ع ـــــــد ع ــلـوش ..

[شبابي صميم]

بسم الله الرحمـن الرحيم

( المرعب )





( سعد علوش )


http://up4.m5zn.com/9bjndthcm6y53q1w0kvpz47xgs82rf/2009/12/15/08/z3p8rqrwt.jpg





شخصيتي من غرابتها وطيبتها *** كن الزمن في تحدّي بينه وبيني
هو سعد بن جابر بن علوش الهاجري ( المرعب ) صاحب المشاعر والاحاسيس الجميلة والصادقة
الذي يُعد من اهم شعراء جيله, والذي يتميز بشاعريته وبكتابة قصائده باختياره للكلمه
وانتقاؤه لها وبقوة التعبير وصدق المشاعر خاصة فأن كل ما يدور في ذهنه ويكمنه قلبه تفيض به حنجرته
وارى ان ذلك هو سبب نجاحه, فنجاحه في تميزه وابداعه،
لذلك يصعب علينا مقارنة سعد بغيره فسعد هو ذاته سعد.ومهما قمنا بوصفه فلن نفي بحقه
ولو اردنا قول..ابداع..ثقة..عاطفة ..صدق ..تجدد ..فكر ..تميز..
فكل ذلك سيذكرنا بسعد بن علوش, أعني بذلك انه شاعر متنوع ومتمكن
وله مكانته في ساحة الشعر حتى ولو كان هناك من يحاول التقليل من مستواه
او ( تهميشه ) على الساحة فبالرغم من ذلك ستبقى مكانته كما هي في نظر عشاقه ومحبيه.


وإن كان سعد قد اخطأ بشيئا ً ما واصبح ممسكا ً عليه فقد أتذكر إنه قال :




إن كنت أنا أخطي شي طبيعي لأن أنا ماني نبي
محد ٍ عصمه الله من الاخطاء يكون الانبيا

فعلا ً انا اخطي بس ضوّي ماتشب إلا إحطبي
اطمح و لولا الليل محد ٍ شاف فايدة الضيا






وها هو يتعجب من حسّاده قائلا :





كل ما اتعثّر قلت في نفسي وانا أمس إشنبي :
يا كم على الدنيا فقير ويحسدونه اثريا !!


ورغم ما يوجّه له اعداءه من شتم ٍ وسب .. يقول لنا :




لأن عندي درايه بالزمن و معروف
السّوي اللي يسبّه شخص ما هو سوي

تدري ليه اتبسم لا شتموني ضعوف
لأن شتم الضعوف يدلل اني قوي






وان كانت هذه الزمرة مخلوقه للعداوات فسعد يقول :




حنا خلقنا للرذيله .. فضيله
نصلّح اغلاط الزمن بابتسامات

وهنا يذكّر من اساء اليه :

جيت للدنيا كبير و ابا افارقها كبير
ولا بناشد من مدحني ولا من ذمني


عموما .. لا مجال لمن يسمّيهم ب ( البقحين )بمصارحته :




قسم بالله لو ما لي مع اهل الطيبة مبدا
لا انزل نفسي لبقحين خلق الله واصارحها


وان كان ما يحصل له ابتلاء :

لكن مع الله كل بلوى بخيره
انا ذكاي من التجارب رصيدي


ويش اسوي والحظوظ السود تامر ..تنهي حتى حظه الأسود غائبا عنه :

اخذيني الشاعر اللي ماصدق حظه
لاقلت: ياحظ وينك ؟ قال: يا ويني ؟






فعلاً هو شاعر مبدع .. :





لالا .. أنا مخلوق مبدع ما يحب وما يبي
إلا يقول : الاذكيا سبّة رسوب الاغبيا


ومما قال بالفصحى :

هل علِمت عن جنوني يا آنف
انّي لَمجنون النشاز المجيدي

لبّيك يا سلكا ً حمِلت الفضائل
أوعِز لِصاحبك بتحرير قيدي


ويكتشف من اسباب تولد الحرارة سبب غفل عنه العلماء :

شبّيت في قلبي وانا بطبع البرود مطبّعه
وكذاب من قال الحرارة من نتاج الاحتكاك

هذا انت في لوس انجلوس متقبع لك بقبعة
وانا على عرق وخفوقي يابعد عمري معاك


ومن حِكَمه :

من الذكاء انك تسوّي نفسك أحياناً غبي
بس الغباء إنك تذيكالك على ناس أذكيا


يرى انه لايوجد داعي للتفاخر بكثرة الاصدقاء :






ماهو فخر في سنة تعرف لك مية صديق
الفخر ؟ تتعرف بصديق .. لمية سنة






نوعاً ما هو مرهق والسبب :





تعبت لأني من اهل الطولات صعبين المراس
اللي يحبون الوفا ولا يحبون الغدر


سعد والأغبيا :

انا افكر كيف ازيل المنحدر من الاساس
والاغبيا لاهين في لذة صعود المنحدر !!


ويصف الدنيا .. :

إيه .. والدنيا مساكن ورحلة واغتراب
والغلا بالوقت هذا مميز بالعيوب


مقتطفات غزلية :

لا ارى لا اسمع لا اتكلم :

اغليه .. يعني اعشقه .. اعشقه .. يعني اموت فيه
يعني انا ميت مع عشقه ومرتبة الشرف

امشي معه من غير لا أين .. ولا كيف وليه
من حيث ما يجرفني .. اغمض عيوني و انجرف

إن قال: لا .أقول:لا ..إن قال:إيه ..أقول :إيه
ماعرف ماسمع ما أرى .. ما أرى ماسمع ماعرف


يتنافس هو وابنه :

لو كرات الدم ترّث غلا ولا اشتياق
كان ابتنافس على حبك انا و ولدي


لا فض فوه :

لا بث رقمه شاشة الجوال .. أتوه
و اقول : يا ربي تبارك ساعته

جوّالي ليامنه دق وقال: الوه
تذوب اذانيي على سماعته

لبيه يا كلماته .. ولا فض فوه
أموت في ضحكته و استمتاعته

من كثر ما احبه .. احب امه وابوه
بالمختصر .. احبهم جماعته


احبه كثر .. :

احبه كثر ما شفت الخيانة في عيون اصحاب
واحبه كثر ما عقول الدواهي تحسب حسابي

واحبه كثر ما قفّى عن عيوني بدون اسباب
و كثر ما املى له اكواب الغلا و ينثّر اكوابي


لحظة البكاء :

فإن غبت يانفر العقل واشتياقه
ماني براغب بعد خوتك خوّه

ببكي على زول عشقته عشاقه
وترى البكا للاقويا .. زود قوة

فإن شفت ابن علوش يبكي فراقه
ترى محادير الجبل من علوه


وح ـــــــيــــــآآآآكم ..


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

تبسمــي

تبسمي يا أطهر معاكيش و ساع
يا من عليك مشاهد العيبه حكر



يا بنت حماى الزمل ذرب الطباع
الي ليامن زل علم مانكر



وطي رموشك و أعلني لي الانصياع
في وقت الأنثى تسلب حقوق الذكر



نقل الحضارة من بقاع اليا بقاع
أحلا وسامه ورث حولها جكر



أم المتاهات العظيمه و الضياع
أستبسلت تصطاد فالماي العكر



ساقت سديستنا و جتها بآتباع
بكر بكر بكر بكر بكر بكر



الين صرنا بس فضاضة نزاع
نفكر نعيش و نموت بلا فكر



و اعظم خبر من بيننا دايم يشاع
أبو بكر أرث أصيل أبو بكر



ياهيه ما يقوى السباع الآ السباع
السبع له مخلب ولا الثعلب مكر



موت الجبان يشابه لموت الشجاع
الموت واحد لكن الفارق ذكر


و تبقي الوجيه اللي تحلا بالقناع
و تبقين يانظرات شيهانة و كر



دايم تنسيني تفاصيل الوداع
ذاكرتي مجزن و نضراتك سكر



ودايم ليا سولفت خرتي بستماع
و دايم لي المنه ولله الشكر



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

رســـــوب الأ غ ــــــبيــــآء



أن كنت أنا أخطي شي طبيعي لان أنا ماني نبي
محدن عصمه الله من الاخطاء كون الانبيا

فعلا أنا أخطي بس ضوي ماتشب الا أحطبي
أطمح ولولا الليل محدن شاف فايدة الضيا

أمشي ولو أموت وأنا أمشي ولاكن ماحبي
ولا أعشق الصوره ولا الكربون ولا أعشق غيا

كل ماتعثر قلت في نفسي وأنا أمس شنبي
ياكم على الدنيا فقير ويحسدونه أثريا

أبغا أتوحد وأنت أخذ مزهبك وأترك مزهبي
كنا أخويا ومن بعد مازلليت ماحن بخويا

أبعصم رجيلي عن دروب السخافه ياصبي
لاني حياوي والدروب السود مافيها حيا

تعال وادعني وداع الارض للحر الابي
أنا بعللي وأن دعيتك فالعفو للأنقيا

ماني منادي بسمك اللي ماتسمواه أجنبي
فن قلتلك يا أعرف أني حاشمك لاقلت يا

يا والله وبالله وبعد الله وبي وبسببي
صارت شياطين الحروف المستهيمه أتقيا

فن شفتني متعب هجوسي في رسم راس الضبي
ماهو علاشان أكسب أعجابات ريمان وهيا

لالا أنا مخلوق مبدع مايحب ومايبي
ألا يقول أن الاذكيا سبة رسوب الاغبيا

من الذكاء أنك تسوي نفسك أحيانن غبي
بس الغباء أنك تذيكالك على ناس أذكيا



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

ياللي غ ــرامك ج ــاري في وريدي


ياللي غرامك جاري في وريدي
لا وش غرامك جاري في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
وآنقص أنفاسي ذكا يا ضديدي

أخاف لا تطلع و لا عاد ترجع
واشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الله خ ــــلق ع ـــبده ع ـــــشـآن الع ــبآده


الله خلق عبده عشان العبادة ****
ماهو عشان مفاخر العرق بالعرق






صح ان فالدنيا عبيد وسادة ***
لكن عند الله مابينهم فرق




خلك بسيط الكبر ماهو بعادة ***
لا تسرقك دنياك عن خلقتك سرق




خلك صبور وخل عندك ارادة ***
ولا صرت راعي ضو فأصبر على الحرق




لولا الصبر والمعرفة و الركادة ***
ما تجرح العشاق ترنيمت الورق




واذ بتسيد فالمراجل سيادة ***
خل المراجل باب وسيادتك طرق




خلك ذكي واخذ الأمور بهوادة ***
ولا صدت وثب لاتجي صيدتك زرق




واليا عشقت اعشق من الحور غادة ***
حورية(ن)في بحرها يحي الغرق





ان زعلت زانت بعينك زيادة ***
وان ضحكت كنها تنافس مع البرق

واذا أدور فالحياة السعادة ***
اسجد لربك سيد الغرب والشرق


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

ي ــــآ أنيقه



يا أنيقه آسف بشده على هالحوسه
غرفتي تشبه كثير أوضاعي المحيوسه


ما توقعتك أبد بتجين ! فاجأتيني
ع العموم الله يحيّي الطلّه المحروسه

وقّفي لحظات بين عيوني التعبانه
لين أرتّب لك أريكة قلبي المشموسه


واجلسي بين الزراير والحشا الافريقي
وائذني لي للبكي .. بيذاكر معاكِ دروسه


شاعرك .. فوضاه علّمته يرتّب حبّه
أنتي .. ثمّ الحزن .. ثمّ دموعه المحبوسه


والدّموع اللي على وصلي وصلك تنزل
ترفع بنزولها أعلامنا المنكوسه

هذا إنتي؟؟ ماني مصدّق .. ولا ني مكذّب !!
آه من برد الجفا ورياحه المتروسه

وايه حنّا ناس غير الناس يا حوريّه
روسنا ما هيب لضعاف البشر مريوسه

لي افترقنا نبتسم ! ولي التقينا نبكي !
ويا فديت جنوننا واشياءنا المعكوسه

مرحبا .. ترحيبة البدو العزيب الرحّل
بالمطر .. لاوّل هشيم الماحله المعبوسه

صح هذا انتي ! وهذا عطرك السمياكي
وهذي بوهة وجهك اللي بالضحى محموسه

وهذي ربطة شعرك البيضا .. وذي خصلاته
كنّها في زيت زيتون الشفق مغموسه

وهذي الوانك .. وهذا المعطف العنّابي
وهذي ساعة يدّك المحظوظه المنحوسه

لا هي اللي طالت أصابعك وتشابكها
ولا هي اللي قريبه من عاتقك وتبوسه

وهذي مشيتك اللي من صغرك ما غيّرتيها
هالبشر يخجل يضر القاع ولاّ يدوسه

الجمادات الرذاذ .. تهمس لا مرّيتي
مرحبا يالناعس المحشومه ؤلطاوسه

قولي والله انك انتي معي ! ماني مصدّق !
لا تلومين الحواس الشرّد المهوسه

كل ما غنى لي الغيّد بصوت مواصل
شلّها قلبي وركّبها على منكوسه

صورةٍ في البال لك معامد اتخيّلها
أقرب احياناً من المحسوسه الملموسه

وانتي لو ما كنتي فيدّي ولا كنتي لي
لحظتك عن عام .. كل ليله مع عوسه

لانّك الأفخم إسم .. والأبسط انسانيّه
ولانّك الوجه التقي .. والطيبه المغروسه

ولانّي أحبك محبة عمق .. ما هي نزوه
أسمى من حب الجسد .. وللهوى ونجوسه

يا أنيقه .. آسف بشدّه على هالحوسه
لهجتي تشبه كثير أوضاعي المحيوسه

ما سألتك ليه جيتيني .. ولا ضيّفتك
ما ابي أخرّب على جو الوصل وطقوسه

ليه جيتي؟ أسألك .. وانا اعرف وش جابك
طاب شجر الغاب والحطّاب قرّب فوسه

لا تقولين اني أرخصتك .. وانا ما ارخصتك
ولا تقولين اشتراك المشتري بفلوسه

ولا تقولين ان هالمره .. هي آخر مره
اتركي لي حلم بعد احلامي الميئوسه

انا شاعر .. حلمه اللي سوّا منّه شاعر
الذهب والعالم الجديد .. دم ضروسه

يا أنيقه .. لو خذوك وسافروا بك عني
الارض صدري .. والسفر من قوسه ليا قوسه

ليت صيت الجد ما ينفع سخيف احفاده
وليتها هالحين وان الكل شارب موسه

وليت .. نقطه نقطه نقطه نقطه نقطه
ما ابي أغلط في الزمن والعالم المنفوسه

ما اعرف شو اقول .. ولا اعرف ايش اسوّي
الحزن .. طلّت من ابواب الليالي روسه

انسي كل اللي حصل هاللحظة وضمّيني
يا خسارة عمري اللي راح ويا ناموسه

والله ان امه دعت له تحت باب الكعبه
واحدٍ حطّك في بيته يالغلا عروسه




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

شكرا ع ــــلى وردك



تقول لي مرحبا مليون ..؟ يابردك
وانا احسبنك بتاخذني من احضاني

شكرا على حضورك وشكرا على وردك
وشكرا على كل شي الا على احزاني

احلامي اكبر من احلامك .. ومن جدك
لذلك اعاني.. لذلك اعاني

لو ان مشاعرك موقوتة على وعدك
يمديه جاها من الاجرام ماجاني

تجرحني آسفك تذبحني مهب قصدك
ياليتك تشوف وش يصير ف اشجاني

احبك .. وليت لا احبك ولا افتقدك
اضيع وابحث علي .. ةالقاك والقاني

مدري وش اللي خذاني مني لعندك
به شي وداني وبه شي بقاني

انا رجالين في قربك وفي بعدك
سافر معك لأولي وانتظرك الثاني




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

أغ ـــليه يع ـــني أع ــــشقهـ


تضيق بي الدنيا بكبرها من معابيس الوجيه


وهذاك لا منه تبسم شفت للدنيا طرف




مني وليه أحببته و هو حبني منه وليه


من غير لا آنا اعترف و من غير لا هو يعترف




ليه اتحاكى و كل أبوي يعرف غاية كل أبيه


اليا فرح أفرح و دمعه لا ذرف دمعي ذرف




أغليه يعني أعشقه أعشقه يعني أموت فيه


يعني أنا ميت مع عشقه و مرتبة الشرف




ميت و يعشق والسبب مافيه داعي إني آحكيه


الغيد ف الدنيا هواه و هو لحاله محترف




الشامخ اللي لا أقبل و حضن يديني في يديه


تراعدت فرايصه بالغنج و اتساقط ترف




أمشي معه من غير لا أين و لا كيف و ليه


من حيث ما يجرفني أغمض عيوني و أنجرف




إن قال لا أقول لا وإن قال إيه أقول إيه


ما عرف ما أسمع ما أرى ما أرى ما أسمع ما عرف




اللي أعرفه إني أبيه يتجمل بي و أبيه


وكان العدل في صدته سجلني أكبر منحرف




يغفرلي الله و الله يديمه و يرحم و الديه


علمني إن البعد نكسة حال والصده قرف









http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الا يالله


الا يا الله ياللي تفتح لدعوا الدعاه أبواب
طلبتك لا تضيقها علي و تقفل أبوابي


أبي ذكر يجملني مع الاقراب و الاجناب
و لا تكسر شموخي في عيون أعداي و أصحابي


لو انها تنحسب في ضربة المخلب و عض الناب
انا متغدي بالوقت من قبل أيتعشابي


أجابه حض و لآحزان و لآحب و لا أحزاب
عموما بستمر اوقف جبل و يطيح شذابي


ثمان سنين و أنا اطمح و خمس سنين و انا أرتاب
ألين اقفو عليه أهل القفا و أقفا و قفابي


و ضع قلبي على جمر الغياب و ذاب حتي ذاب
وساح وساح وساح وساح وساح وطير أسرابي


لماذا و الا ليه و كيف و الا شلون عني غاب
و أنا وجودي وجوده فالبلد و غيابه غيابي


احبه كثر ما قفا عن عيوني بدون أسباب
و كثر ما املاله أكواب الغلا و ينثر اكوابي


انا رجال ما يؤمن بقول ان الزمن غلاب
يغلبوني رجال ولا الزمان يصير غلابي


عليك الله و امان الله و ستره يبيض الجلباب
ترى مابي يبيك و لا تزعلني على مابي


تعبت اعلقك بين النجوم و تطلع الكذاب
و تعتبت اوسع الخاطر معك و تضيق بي ثيابي


معاد آضني اتجمد على صدرك رضا و أنساب
بعد و لعتلك سيقارتي و احترقت أعصابي



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

القلووب البيــــض



متعب الحنجين لامنه ضوى

زرفل برجلي على شين الدروب


ولا خذ الا أنا من الهم اعوا

تضرب أنفاسي بسمعي هوب هوب


هوب كانت قبل لا أعاني هوا

بس صارت بعد ما أعاني هبوب


كل عرق بخافقي المرهق ذوا

كن خفاقي على جسمي مغصوب


دامني الصادق وأنا مالي لوا

ابك ياصادق وعيد يا كذوب


حتى في حكيي مع نفسي اغوا

صار بيني وبين ماعندي أسلوب


الا في الشعر أبقى شيخ المستوى

أحترق لأجله وانا ادري اني اذوب


ما هو شعر اللي الى قل ارهوا

اما شربوا خمر ولا أكلوا حبوب


عزتي لي واشهد أن حالي طوى

طوي زل المصمكي قبل الغروب


ما هي بلحية ولع ولا جوا

أعوذ بالله العرب شبوا شبوب


كل ما تعطي مجرحهم دوا

كنك تعطيهم من ذنوبك ذنوب


القلوب البيض ملعونة ثوا

لا تشل ولا تزل ولا تتوب


ويش أقول ويش أعيد وا وا

أخذها من كف صاحب ومحسوب


بيض الله وجيه سمحين النوا


ولعن الله أبو سودان القلوب



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

انا اع ــــتزلت وخ ــــلآص


من كل حرف , وكل شهوة صبابه
استغفر الله واتعوذ من ابليس




اعوذ بالي آوى عبد وسرابه
لاجي نهار الحشر خلف امرئ القيس




يارب , يارب الكرم والمهابه
يالي لك اعلام الأوادم مناكيس




جردني من النابيه والسبابه
ولبسني من دروع هديك متاريس




تعبت من مسك القلم والكتابه
والشعر , وفتن النسا والأباليس




والمدح في عزوة وشيخ وقرابه
واللاء .. لدعوات الرضيين والليس




والحب وما حوله وماله وهابه
والدمع لاهبت علي النسانين




والشوق وغفال العقل وانغلابه
والليل وخطط الدها .. والجواسيس




والشهرة وحكي العرب واللبابه
وزملوق شف ماتعسه عواسيس




وحصر اسمي فشاعر فساحه غرابه
شعارها فيهم رخوم وملاحي




وانا لعطاس الأوادم سحابه
ومن خلقتي ماقد وطيت الدنافيس




تاكي على ارث الأسم بالنيابه
واقطف خلاصه ما اغرسوه الغواريس




احسبني فايز بالرضا والذرابه
واثري مثل من يحصر النور في كيس




اقفي من الله والامل والرضا به
واروح ادور من ورا ابليس احاسيس




اسهر على فن الكلم والخطابه
واصبح ولين الي جمعته حماليس



قلبي لعزاف الأوادم ربابه
وراسي لخطوات الشطانه دواعيس




تقودني نفسي ولا اشعر ولا آبه
مالت عليها عاصيات الهواجيس




من عنده ان كل الشعور يتشابه
روس مع الي في الدحادر مراويس




الاثم ماحاكه في خفوق وخفا به
والخير ما شاعته روس النواميس




كم شي صار وصار مايندرابه
وكم نومه ماكدرتها كوابيس




ترى ماحد له في رقبتي طلابه
بس الصراحه من شم الفواعيس




والرجل اذا مايعتبر في شبابه
يعيب قبل يشيب ويشيب ويخيس




يا راجي ارجى الي ماينصك بابه
لاترجي الوهبات من هيس ابن هيس




استغفر الله واتتقى عذابه
الي فرقني عن حياه المتاعيس




من قبل لا ارعف الهدى واعنا به
انا وهمي والحزن face to face




والحين لله .. الفضل والإنابه
متعافي .. ويمشي على زندي التيس




هادي .. يشوشني طزيز الذبابه
لا عدت لايام الغبيَه ولا أقيس




شريت عقلي في سؤال وإجابه
انا أعبدالله .. ولا أعبد الوساويس ؟




لذة خفوقي وانجلابه ضبابه
سجدات ليلِ ظالمينه مناعيس




فاجواء مكه والحرم والرحابه
لا يابعد روما ولندن وباريس




هذي ديار المصطفى والصحابه
وهذيك دار ابليس وعويل ابليس




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

ردني لك



ردني لك موتي في غيابك موتتين
يامحور ضيقتي من وجود ولياعدم

لاتخليني مابين الثلاثه والثنين
البكاء والسخط فيك وشعوري بالندم...!

ضقت ذرعآ يالله انك تزينها تزين
من عيون اللامبالاه ويدين الردم

والله ان جرحك بقلبي كبير وله حنين
كبر ملك((الامبراطور)) في عيون الخدم

الله واكبر ياوليفي بعد ماكنت وين
صار مالي في حياتك ولاموطى قدم

ردني لك...لاخلاص انت رد والله يعين
من على شانك يفض الجوع ويجتدم

خلني لي موعدك مقابيل السنين
مانتمنى صعب ولاعشق ولانصدم

انت ماقصرت ياغالي عذرك سمين
وطول الله عمرك ولا خلا ولاعدم



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

كل شي ســـــآدهـ


ملي يسلفني شعور السعادة
وأعطيه عشر سنين من عمري الجاي

لولا التشبث بالأمل والإرادة
لقيتني مجنون رسمي ... وبكاي

أحس إن بكرة مجرد إعادة
لليوم واللي قبله وهذي دنياي

الألوان واجد... بس كل شيء سادة
العيب في الألوان ... وإلا ف رؤياي

أنا حزين وللأسف صار عادة
ياليتني مخطي وأعرف أش خطاياي

أهديت للدنيا قصيد وسعادة
لكنها ما رجعت لي هداياي



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

سابع المستحيلات


لـو ماعنالي صاحبي بـاعنيله
بقطع علاشانه طـوال المسـافـــــات

مانيب أدوّر فالبدايل بديلــــــه
ومـاهوب يسمع فيّ .حاسد وشمّـات

لاطاح من جور الزمـان أرتكيلــــه
أرسم على مبـدا مطيــحه نهــــايـــات

صاحبه أنا وشلون محتال أشيـــله؟
وأنا وحيد .. وقاهرللّي .. عصــابـــات

عبّادة الشهره .. هواة الكحيــــله
اللي ضمـــايرهم بشلقة ريــــــــــــالات

أكتب على أيدين الزمان البخيـله
أن البخل؟؟ مــاهو بشح الكــرامـات

البخل؟ حــــرمان اليدين الطـويلـه
من كسبة الافعال .في عصر الاصوات

يئست من هاذا الزمان وحصيلـــه
لانّي .. تعبت أثــــور وأستبشر . الاآلات

المـاضيات من اللّيال الهزيــــــله
لايمكن أنها تصنـــع ... المستـجدّاااااات

تموية الاحيا .. فالعيون الذلــيله
صدّقني أنّه مثل تـــــموية .. الامـــوات

لو يرفعك وقت الرخـا والرّذيــله
سبع الاراضي .. تحت .. سبع السـموات

حنّا خلقنا للرذّيله . ؟ . فضيلـــه
نصلّح أغـــــــــلاط الزمن بـبـتسـامات

اليا تجملّنا .. خذينا ... الاصيلـــه
واليا أبتلينا بالخطا ؟ نصبـــــح .آفــات

رجّالنا يسوى لحاله قبيلـــــــه
أستغفر الله لو بقول أننّا .أأأيــــــــات

أن كانت اغلاطي بعمري قليله
مجرّد أن أكلّمك ....عشـر غلطــــــــات

حرام بك صرف الحروف الجــزيله
وحلال في من خصّنيلـــــه ..وبالذّااات

اللي مــلايكـة الرضا .. تنحنيلــه
عليه من مــــــلـــح الطفوله عـلامـات

في نظـرتي كل الوجيه الجميـله
مخــلوقه أتسوّي .. لوجهــه .دعـايـات

ملامحــه من غير حكي أتحكيلـه
تفرض علي اللي تقــوله ....وبسـكــات

لو قالت أن الدايره ..مستطيــلــه
قلت الدواير؟ كلّها ....مسـتطيــلالات

يخّاذ .. لبّات العــقــــول الثقيـــله
أخذتني كللّي ولا قلتلك هــــــــــات

ليه أرتجي عطفك وليه أشتكيله
والهات في قاموس عشرتك هـيهـات

حببتني قربك وذاب أتعــبيلــه
في جمر عقبـه بعد عقبــه وعقــابـات

ختمت قلبي عن عشاشيق جيلـه
ختم المصللّي بالدعـــــا . والتـحيـاااات

ألين جت ليله عن ألفيــــــــن ليله
وصــارت حكـــايه غير كل الحكــايات

ذوّبتني بين الدّمــاث النّــحـــــيله
وعلّمتني ..... فن الرســم والقيــاسـات

وفجأه كذا بار الخليل بخـــــليله
كلّه لعين .. موطّديـــن العـــــلاقـــات

شحّيتبي دمع الرمـــــوش الضليله
ووقّفتني بين الامـــل والمـحـاتـــات

وجدي على قلبي ويــا عزّتيلــه
دقّات تيّسبه ... وتمّلـه . دقــّااااااات

ينشدلك حيله .... وينهد حيــــله
الحزن خطــــوه والغرابيل خــطـوات

أذا الأمـل رمـز القلوب النبيلــه
أنـا . مئيّس .. منك في كـل الاوقـات

أن كان شوفة غرّتك مستحيلـه
أكيــد لمسك .ســابع المستحيــلات





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

صــــآح ـــــــبي


صاحبي؟ مامن الدنيا ولا الــــناس خـــــــوف
دام جاه الله معزّب وذكـــــره ... خـــــــوي

والدليل؟ أنّها لاقربتك .. الــــــظــــــــروف
رحت ماكنني .. مشفق ولا مهـــــــتوي

أأتباعد ولا أشوفك .. علاشان أشــــــوف
أنّي الضامي اللي مايبي .. يـرتــــــوي

لانّي أجلس وسط عينك وأخاف الوقوف
وطبعـا .. أخاف من بعد الوقوف .. أأهوي

مابي أكون دمعة حزن بين الكفـــــوف
لانّي أكبر من ذراع الزمن .. واللّـــــوي

خلّني جامد فبعدك ومنلاف لــــــــوف
لجل لاشفتك أتـناثر ولـــــه وأنطـــــــــوي

أأه من نظرتك لاشكّلتني صفــــوف
جل منهو مسوّي شي مايستـــــــــــــــوي

كن عينك؟ دجا ليله .. وزحمة سيوف
أركزوهــا هل العليا .. براس .. أمحـــــوي

تقتبس كل تحفه من وصوفك وصــوف
لبّا وجهك ولبّا ... كل مايحتـــــــــــــوي

فيه من نوف أبو الطيّب على الناس .. نوف
وفيه فسقات متحضّر .. وحزن بـــــــــدوي

ليه تحزن؟ يعمري والضياع أمخلـــــــــوف
شوفني مبتسـم .. والدون .. تكوي كــــــــوي

لان عندي درايه فالزمن ... ومعروف؟
السّوي ؟ اللّي يسبّه شخص ماهو ســـــوي

تدري ليه أتبسّم لاشتموني ضـــعوف؟
لان شتم الضعوف ؟ أيدللّ ... أنّي ... قــــــوي





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

العقل



لاتقيس الدّين بالعقل ياعقلي .. ونام
فيه غيبيّات أأمن بها بلا . مقوت

لان أيمانك بها يعني أنّك في سلام
من غضب ربّي وسخطه وتخريب البيوت

لاتفكّر في مسائل نتايجها .. أثام
يكفي أن الوقت ملبسني من الأثم .. كوت

أأثمٍ بس آآعرف ويش تالية الغرام
بين شيخان العقيده وشيخان البشوت

تالية حب الطرفين ؟ ضيعه وأنقسام
تنعكس.. على من ايدوّر لـمضناه .. قوت

السكوت؟ أيزين لاصار من حولك كلام
بس ماهو زين لاصار من حولك . سكوت

ويش أقول؟ أقول يالله جعلهم للعدام؟
لا .. بقول .. أنا أتمنّى قبل عمري يفوت

ودّي أنّي ماتعدّاك يالبيت الحرام
وودّي أن آآعيش فيك العمر كلّه وأموت

الله أكبر لا أذّن المذّن وكبّر الامام
وأصبحو زاكين الانفاس من خلفه صنوت

وابتدا ايرتّل ونظّم بترتيله زحام
وأنتهى من ركعته وأبتدا .. يدعو .. قنوت

الله الله الله الله .. على شعور الوئام
جعل صوت أبن سبيّل بعد مليون صوت

يجعل بيوت الشياطين في عقلي .. حطام
كن صوته ينتشلني معه من بطن حوت

لاسمعته؟ يصغر الكون فعيوني .. وأنام
وأمن أنّي مؤمن أبما يقول .. ابلا .. مقوت




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

مدري


تــضيق نفسي لين يشره على قلبـي فمـي
وأنا أترجـّا فمنيـات الحلول المـزمـعـــــه

لا يبن أبوي شـون . محتر وأطغي وأحتمي
والوقـــت لامنّه زمــــا راس حضّي يقمـــــعه

أن جيتـها فـ الاصدقا؟ أووف ياوفرة دمـي
كم واحدن خــلاّ جميلي على راس أشمعـــــه

مانيب متحسّف جعل مال جـافيني سمـــي
لان أدري المـحراب ماهوب مثـل الصــومعه

تـتغثبر الدنيـــا ولحظة.. صفوّ الأدمــــــي
اليـا سجد الله وسقّت دموعـه مدمــــــــعه

وأنا أدمعـت عيني وما اكميه عاده منكمـي
بين أنتضام عــروق قلبي مسوّي معمـمعــه

يــاوجد حالي وأنكساري وغيبي وعدمـي
وجـود من جمـــّع حلاله وضاع اللي أجمعـه

المــشكله.؟ ماهيب نفسي وزلاّت قدمـــــي
ومـاهيب بحّة صوت أحبـــــّه ولاعاد أسمـعه

المشكله؟ لاجـــــات من بين دمّي والحمـــي
مدري من أخلــّي ولا أدري من اوقــّف معــه





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الخطيه


صدق... انه لاحداني لك خيال الوااقعيــــــه
وانت جـــــــــالس فالريـاض...؟ اشوفك اتسولف.. قبـالي

كـنك.. أتشره علي... وأتقوللي.. لـــيه.؟ الخطيــه
وكـني.؟ اقــول.؟؟ انت وش خـــلاك.؟ تسألني..؟ سـؤالي

بس انا ابغى.. أعرف وش خــلاك. تستكـثر عــــليه
حــــسنتن. عند العـزيز. او . حـــــسنتن عند الـــــرجـــــالي

لــــيه.؟ تشره وانت ماسقت.. الـــرفاقه والـحمـيه
يوم... ضرب الجـنب.. الاقصى...؟ صـيح الجنب الـــمـوالـــي

ولاتحـسب اني.. تنيت أمفـازع القرم. الــ خويـــه
أحمد الله .. راس قــوم او غتـــــرتي.؟ تزهـــا عقـــــــالـي

مبــدع.. او طــــــيب.. واقول الحق.؟ واعيـوني؟ قويـه
مــــــــاتغير.....؟ لو أقابل .. ذالبشر.... وانا لحــــالــــــــي

أمــس.. والبارح... وذالـــساعه... وذالليل.. أو.؟. قفــيه
عـــالي... او عـالي.. ومهما صارلي..؟ عـــالي وعـــــالـي

وانت..؟ في عيني كبر مد القــــــصور الــــبابليـه
يوم غــــيرك.. من فـــعوله....؟ كنــــه. ياخذ.. من حـــلالــي

واعرف.. أن قدرك...؟ على مد العروق الـــــعاطفيه..
يــاك.؟ واحد من عمامـــي..؟ يـــاك.... واحد من خــوالـــي

لاتجــــاوبني... بلالالالاء... ولاتجاوبني.... بئـــــــيه
قــول..... تم...؟ او خــلها تقفي على فــــصخ الجـــلالـــي

والله انه.. مـاحداني..؟ الا....؟ حميــا. جــــاهليــــه
يــومك....أسنافي... وابن عمــي.. وغــالي... وأبن غـــالي

أخذتك عزة الاثــــم وأنا....؟ خذتني..؟ الـــعنجهيــه
وراحــت.؟ أبطـــيش الجنــوبي..؟ وأنفعــالات... الــشمـالــي

هي كذا.... دايم..متــاهات الخـــيال.. الواقــعــــــيه
لاكن اسمع........؟؟ يلعن الله واقــــعي... وايـــا. خــــيالــي




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

هيئة مراهق



تصـغــر.؟. أقمــم... الكتــــابه.... وانت ..؟ شـاهق
يــاعــضــيمن.... تنحني تحـتـك...؟.. عــــــــوالــــــــــــي

يـــاغنــاج.. الــــشعر...؟ يوم الــــصبح.. بــاهـق
شــــخت.. فيــــــكن بدة... العـــالم...؟ لـــحــــــــالــــــي

أنتقيكن..؟ شي قدم.... او..... شي...؟ فـــاهـــق
شيــــن..؟ أبدااابـــه..؟ وشي....؟ أأأأتيه.. تــــــالــــي

لاوهـــــق.. غيري ؟.؟ بكـــن.؟ مانيب .؟ واهـــق
مبـــــدع... وراهــــــي... وحــــــريف..... وخــــــيالــــــــي

قلــب..؟ شـايب.. بس...؟ في هــــيئة.. مـــــراهق
من كـــــثر ماشفـت.. من جـــــــــور اللـــــــيـــــــــالــــــي

بعد.؟ من حكــــــيه.. على الفرقا..؟ مـــــــشاهق
مـــــكسبي... لاجا الصـــــحيح او راس مــــــــــــــالـــــــي

أخذته..؟ دنــــــياه... وأرهـقني....؟ ورااااهــــــق
راح...؟ والغــــــــالي..؟ بكــــــى فرقاااه...؟ غــــالــــي

أشهد اني.؟ من عنــــــا الاوضـــــــاع.. زاهــــــــــق
واشهد ان الصــــــــبر....؟ هو.....؟ مـــــــــلح الرجــالــــي



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الشي الغريب



أنت بتسافر حبيبي .. نعم سافر وغيب
بس تكفا سم بالله على عقلي .. لا ماع

لأن ماني قادر آوادعك وأنته قريب
كيف وأنت بعيد تبغاني آقول الوداع

بس لحظه قبل لا أنسى لاتنسى يا اللبيب
قل لما تملكه من مغريات ومن متاع

أنّي آحبّك وأحبّك وأحبّك .. لين أشيب
يعني لين آموت وآنا أحبّك للنّخاع

أحشمك وأغليك بالحيل .. والشي الغريب
أنّي أكره كل فكره تقودك .. لنصياع

كان مال لمشكلة وصلنا الاّ حل .. عيب
كب حبّيلك وسمّه متاهات وخداع

لانّي أطهر من بيخسر على الدنيا حبيب
ولأّنك أنقا من وطت بطن رجله ظهر قاع

كثر مايدعوني أهل الهوى ولا أستجيب
كثر ما صفّط على بعدك ذراع .. وذراع

آه لا وقّفت من بين بتصيب وتخيب
بين يدّين المواليف وأفواه السباع

وآه لامنّي ذكرت أن كلّن له نصيب
وآه لامنّي ذكرت أن على وجهك قناع

أشعر أنّه منخلق من عسل ورد وحليب
وأشعر أنّي كل ما أذكره .. مجموعة جياع

ليت مالك في حياتك خويّ .. ولا طليب
كان بااخشّك وسط خافقي وآآقول .. ضاع

أمحق الله سعو ولف الهيام . وقطع صيب
من يبكّي مقلتين الشجاع ابن الشجاع

لو على البحرين شرهه . ودمعات . ونحيب
كان ما خلّتك تقفي عن حدود الرفاع

ولو جنيف أتحس في جرحي المر العطيب
كان ما تاخذك منّي وتعطيني ضياع




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

برحل

برحـل وبآآتـي أذانـي بقـدر آآتـي
بس أخاف أرحل ولا عاد أقدر.. آآتـي

لان هـذا حظّـي وهـذي صـدوفـه
يكـره أستقـراري ويغلـي شتـاتـي

وعاد عقلي .. كـل ماجيـت آآتشتّـت
يحسب أشتاتـي علـى قـدر أمنياتـي

والبـلا.. أن كـل ماعقلـي .. تمنّـى
ماحصل لا في شتاتـي .. ولا ثباتـي

يمكن أن وضعي وضع سيّىء .. ويمكن
ماتحمّل جسمـي .. كبـار أشهواتـي

والدليل أن ودّي مـا أرحـل وشفنـي
أربط أشلائـي بمحـزم .. ذكرياتـي

ياحبيبـي .. ليتنـي ماكنـت أحـبّـك
لجل أحبّك .دبـل. وأأسـوّي سواتـي

يعني كل شي حطّه فعقلـك .. وحاتـه
الاّ بخصوص أنّي أحبّـك .. لاتحاتـي

لمّني .. وامسح دموعك .. وأبتسملـي
وحبّنـي منّـا ... ورتّـب حاجياتـي

وأعرف أن مـاودّي أتكلّـم ولا أبكـي
بـس دايـم دمعـي يحـرّك سكاتـي

شـي واحـد قبـل لا أرحـل بقولـه
أنت .. أجمل حظ سيّىء في .. حياتي




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

خزنة ملك


النفس خزنة ملك.. والحزن قاطـع طريـق
والجرح؟ .. يوجر عليه المسلم اليا أحزنـه

وأنا من العام .. وآنا أشعر بيبسان ريـق
يفرج سجينـي مـع عينـي وأرد أسجنـه

من بين طيّات صـدرٍ شـل مـالا يطيـق
لاجاع حزنه؟ .. تعشّا جروحـه المزمنـه

مجسّم أنسان مـن داخـل رمـادة حريـق
وقودها المغريـات .. ونفسـي المؤمنـه

أحياناُ.. أبكي من الخشيـه لحـد الشهيـق
وأحيانـاُ أقبـل علـى الآذان .. ولا أذّنـه

ماعاد.. أنا.. أيّاي.. يلله لاتخلّـي عويـق
عاقتبه عيون روس مدلبحـه .. وألسنـه

كتـل هوامـش بشريّـه .. تنـام وتفيـق
رديان وحتّى الردى .. بالظبـط .. ماتتقنـه

لاكن على كل حال الطلـق يبقـى طليـق
لو عاينتـه العيـون .. وضدّتـه الأزمنـه

عذر السنافي معه والعـذر حبلـه وثيـق
لو حـس رعبوبتـه .. والاّ جفـا موطنـه

رعبوبتي,,, ياوجـودي ياغـلاك العتيـق
عنه مكـانٍ لقيتـك فيـه عامـا .. عنـه

يوم الشجر صاير ..لوجهك مشجّع فريـق
من وين ما أفترّ.. تتغيّـر معـه الأمكنـه

للحين باقي بدربـه مـن رحيقـك رحيـق
وللحين أيتمتم حكينـا العـذب .. ويدندنـه

يوم أنّي أشّر على صدري وعينـك تويـق
وآقول أنتي هنا .. وأتقولي .. أنتـا هنـه

الهاء .. فاآخـر كلماتـك بصـوتٍ رقيـق
تشطب على برمجة سمعي .. وتستوطنـه

منتي بشر جعل من جابك .. ضحيّة زريـق
شارعك يحسبلـك بـالأمتـار .. يامفتنـه

اليا أنتصفتيه؟ يضيق .. وكل ماله يضيـق
كنّك ..كوكايين .. وأرصفته خشم .. مدمنه

رعبوبتي؟ .. ماخبرت أنّه تحـرّك طويـق
شاعرك مجنـون خلقـه والشعـر جنّنـه

قوليلهـم ينتهـون ولا يطـول الزعـيـق
الميسـره ميسـره .. والميمنـه ميمنـه

وقوليلهم للعراقه .. راس صبـيٍ عريـق
ياكـم سـرٍ يعرفـه .. بـس مايعلـنـه

أتنوخذ البحر .. ولا أرسي ..بجال المضيق
والشي بالشي؟ .. لاعيبـه ولا أستحسنـه

الاّ الرفيق اللّـي يستغـل طيـب الرفيـق
هذي اللّي ماهيب مقبولـه ولا .. ممكنـه

ياصاحبي؟ كان لك مال الشقيق الـشقيـق
والحيـن جمّـع بقايـا مامضـى وأدفنـه

وياقلبي اللّـي وساويسـك تنجّـي غريـق
الله لايصـغـر أبليـسـك .. ولا يلعـنـه

ماهو فخر في سنه .. تعرفلك ..أمية صديق
الفخر ؟ تتعرّف بصديـق .. لميـة سنـه





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

سمني هاجري
يارفيقي لاتواخذني على عزة كياني
وأنخذيتبها فعذري معي قرم أو من عبيده


سمني ياهاجري والا عبيدي
وأقحطاني كل منها يرفع الرجال ويزود رصيده


أسم واحد من الاسامي ذي يبنيله مباني
كنه أيشجع على طق الحديده بالحديده


وعلم اللي يوم بلش أبصيغة الاحرف حكاني
داري أن أسمي لاجا فالسالفه جمله مفيده


لايحسب أنه نقص من قيمتي والا حداني
لجبل وش ينقصه لامن تهاوت منه حيده


ول ياخمر السوالف في مزاجيه الاذاني
أفتعل قتل الطموحات القريبه والبعيده


ساقها من برحة الوادي ليا حد المواني
وقال نامي ياغناة الروح وأحلامس سعيده


مادرى أنها قد تحلت بركة الهرش العماني
من أناسيمه الاثفنته لا يده لا قيده


حب الاحرف ضيع أحساب الدقايق والثواني
يامضيعة المبادي في رجا نشدة نشيده


ياسلام الله على اللي حبها بين المحاني
فارعن بلحالها تسوى ثمانمية بديده


ماتسلت في مسليت الاصابع والاغاني
وماتقول أنا الوحيده وماتسموة بالعنيده


من طهرها تستحي حتا تصححلي لساني
كني أذبحها ليا من جيت اسمعها قصيده


ياغناتي من تعرض ذكر ذربين اليماني
عقبوه أمطويت الاكفن هل الاريا السديده


وكانها بالطيب ماعقب الحصان الا الحصاني
وكانها بالجيد ياطيب أخر المعنز وجيده


وكانها في فبركة ضرب المعاني بالمعاني
الشعر يسجد لوجهي كل ماسوي جديده


علميه اني من أملوك القصايد وأقحطاني
وأن بغا التفصيل قولي من بني هاجر عبيده





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

قنوع
قنوع وآسخط في كنوز العالم المتشبعه
وقناعتي كنزي.. وشبعتهم هلاك في هلاك

لاصرت في صحه وخير وذود آبوي مربعه
كني ملكت الكون كله من هناك ليا هناك

يكون شيء مجمل حبالي عليه..مجبعه
يامجبع حبالي وآنا الظميان والما بس ماك

شبيت في قلبي وآنا بطبع البرود مطبعه
وكذاب من قال الحرارة من نتاج الإحتكاك

هذا آنت في لوس آنجلوس متقبعلك قبعه
وآنا على عرق وخفوقي يابعد عمري معاك

لبيك ياأظبي ظابيات الزين وأشرس سبعه
لبيك من ثورة نفسك الين ترتيبت حكاك

يامنبع من الزين لا الزين إنت منبعه
سبحان من سواك لين أصبحت تفرق عن سواك

وسبحان من خلى شطوطك ف الحشا متربعه
وسبحان من وحدك لاتحذى ولا يوخذ حذاك

وسبحان من خلى الخفوق يتبعك وأتبعه
وسبحان من خلاني أقول العمر جعله فداك



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الرنج والموبايل
الرنج و الموبايل و التتن و الكوت
و أنا و عسرات الليال الطويله


جيناك و الدنيا شهاده و تابوت
و قبورنا أنتي و الهيام الدليله


مبطي و أنا معهم نخطط على الموت
و الله جابك و أنتي احلا و سيله


بتموت بك بالحس و السمع و الصوت
يا أم الكثير اللي يكفي قليله


يقسا من الطعنات في حرب جالوت
و أرخي من ورود الرياض الجميله


و يا أصدق من اللذة من أعصارة التوت
و يأكذب من الاعذار عقب الفشيله


و يصغر من الرزعله على لعب بيلوت
و يا أكبر من أرشادات شيخ القبيله


أنتي خلاصة خلط لولوبيا قوت
و أنتي حكايات ألف ليله و ليله


و أنا أفكر دايم شلون باموت
و الله جابك و أنتي احلا وسيله




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

القريني

قالوا أنك ما خذ بزغة الأهله
و فلسفة هتلر و حنكة موسليني

فسلم الله حب قراء المجله
حببوك فسرقة الحصن الحصيني

بس عادي هي كذا بصمة الادله
بصمه وحده و لا هي بصمتيني

ماني بزعلان من زلتك لله
و ماني بضارب يساري مع يميني

كون من نوا يضللني بضله
و ساقته ريح أحسداه و حاسديني

يا عيون اللي زبونه مرقبله
أشقر راعيه فرحان القريني

يالغوا يالطيش يالعكس المضله
يا مجردني كذا يا معتريني

يا مخلي معقدات الكيف فله
ي انشغالة فكري و حرفة يديني

جعل من شطن بعمري ما يدله
و يلعن اللي عن مواصلك يحديني

أيه أببعد و أترك الحال و لا بله
ينكشف ما كان ما بينك و بيني

فلا تحسبني رخصتك لا والله
أنك مخاشر غلاي لوالدين


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

قلاده وخاتم
ودي ولا ودي ودي ودي
ما تمت البسمات بس البكا تم



الحفلة اللي نصفها نسل جدي
كنها على جرحي تعزم وتعاتم


ذبحلها جفني مسامات خذي
أزوالها ضيفان والدمع حاتم


أصد بدموعي وأكابر بقدي
ما ودي انطلق على البعد شاتم


وشاحك الأبيض بعيني يبدي
الخوف والرهبه وحزن المياتم


أنتي توفقتي بشوف المقذي
وأنا توفقت بسواليف شاتم


أنا أعترف أني خسرت التحدي
ما أبكي وبكتني قلاده وخاتم


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الحوته وهي راقده
أسجد لوجهك يربي يا مزيل الهموم
يا كافل العبد من قدهو ألا لاقده


ياللي تشع بجلالك موضيات النجوم
و ياللي تسبحك الحوته و هي راقده


يا رب أجرني من النار و لهيب السموم
و من معضلات الزمن و العالم الحاقده


و من حاجة ما تهون الابمنه و لوم
ومن نقدة اللي لو أخطا ماني بناقده


ومن زلة ماتحملها و ساع السلوم
و من كلمة لفتعالات الغضب واقده


ومن شرهة الطيبين و سخريات الرخوم
و من رفقة اللي لو أقفا ماني بفاقده


يار ب أجرني يربي يا غفور و رحوم
يا كافل سعد من قدهو ألا لاقده


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الدرهم
ياطول صبري وياهمي ويا شيبي
من مبهم شفته بعيني وهو مبهم


يطلبني أحظا وهو بالحظ يدربي
اليا تباشرتها وضحا تجي مجهم


وش عاد لو ما تلفت في مناديبي
منته بكيف الخوا ولا انت بالملهم


رفقة هاذي تعلميني عذاريبي
أرهم الصادقة فيها ولا ترهم


من كبر حظك ومن فعلي ومن طيبي
أسرى علاشان كسب الطايلة وأجهم


وش عاد أسويبك الا ويش أسويبي
تضاربت في عيوني بورصة الاسهم


الناس تقبلبي بعينك وتقفيبي
وموقف بس لا تفزع ولا تزهم


حتيش والدون لو حشو عراقيبي
وما فيه طيب بكسب الطيبه يتهم


وكان الرجا في رضا شيخ المعازيبي
ماني بمدلج على وصله ولا مدرهم


قلة يليت أيتعلم من أساليبي
مفهمه لاكن أنه ما يبي يفهم


فعيون وضنون خوانه الاصاحيبي
وأذا معك درهم أنت تساوي الدرهم




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الكواكب
يا حض كوكب الأرض بين الكواكب
و يا ذبح مشرف فيك يا محلي الذبح


ليه أنشغل فحداث غيرك واكب
و غيرك خسارة و انته مشاهدك ربح


كنك البحر و المغريات المراكب
و انا و غيري عندنا عقدة الشبح


ما غير نشبح فيك لا صرت ساكب
نشبح و لا جمع تواصيفك الشبح


لان الحرير اذا بيوت العناكب
يكبح جماحه بس ما فاده الكبح


عاتقك جمع غايبه بالمناكب
مثل الفجر لا جمع الليل بالصبح


و عودك يزفه للعذارى مواكب
كنه يبرهن جودة الزين للقبح


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

جموح
أتفيقر بالمشاعر و الا قلبي مرهي
مستعد آعشق بيت تستحي جدرانه


من غلا اللي يقتل زهوه مع أنه يزهي
من سحاه ومن فرط غيه وكثر أحسانه


ويش أسوي والحظوظ السود تامر وتنهي
وليه يحصلي كذا من بنقتل من شانه


كل ما طرقت قلبي للهوى المستسهي
هبت رياح الزمان وصككت بيبانه


ما عشقت الآ طموح من جموحة يشهي
وزود أيماني بضداته وقو أيمانه


ما تمنى غير وصله بالحلال المبهي
وما حرمني منه ألآ عيال عم أخوانه


أنقتل قلبي بفكري والنتيجه وشهي
طول الله عمر تفكيري وصح لسانه


بس يا قلبي لا تحزن والله وفي وجهي
ما تعشق الأ حد ما ورثو جدانه



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الطايش
الطايش اللي محتمينه ما قوه
كل العيون اللي تحبه باعته


أوفي شهوده ساع ما بيع جحدوه
وأغلا شموعه يوم قفا ماعته


يهل السخافه واللقافه جنبوه
خلوه يخطي دامني شماعته


خلوه يجمد ويتبعثر كلبوه
ما دامني في حكمه وفي طاعته


لأنه خليط من التغاضي والنبوه
ومواقفة تبني على قناعته


قاسي ولو تضايقه ما قال أوه
وقساوته آخر دلع مياعته


مدلع خلقه وناسه دلعوه
والنفس ما تشبع به اليا جاعته


يغيب ويدري أن المعاليق فقدوه
ويرجع بصوت جعلني ما ناعته


فلابث رقمه شاشة الجوال أتوه
وأقول يا ربي تبارك ساعته


جوالي ليا منه دق وقال ألوه
تذوب أذاني على سماعته


لبيه يا كلماته ولا فض فوه
أموت في ضحكته وأستمتاعه


لا تنشدوني ليه أحبه أمشدوه
حبه محببني وسبب وداعته


من كثر ما أحبه أحب أمه وأبوه
بالمختصر أحبهم جماعته






http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

جت في وقتها

تنوخذي في بحر فكري واسبحي
وباعطيك جوهرتي وقولي بقتها



تفلسفس يا فيلسوفه,و أشرحي
كيف أنتي بقتيهاوكيف اشتقتها


سبحان من نزل على محمد وحي
وسبحان من مد الدروب وسقتها


نفس ليا من سقتها ماتنتحي
حتى لو إني ف البحور أغرقها


بس أذكري يوم ارتجافات اللحي
أصخيتي بيديك وانا اعتقتها


أخاف لا تقولينذا مايستحي
وأخاف أطفيها وانا ما احرقتها


مغمي على قلبيولكنه صحي
وغربتي العبره وأنا شرقتها


ياكثر بوحة واحد بك منبحي
وأبشرك للحين ما فرقتها


الزلة اللي خسرتني مربحي
عز الله انها منك جت في وقتها


خلتني أدري ان حبك اسطر تنمحي
كذبه كذبتيها وأنا صدقتها






http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

قطعة الحلوى
يا مجميع المسافات العذاب
يا حلال العين يا حرم اليدين


يا نقيض السعد عقب الاكتئاب
يا نقيض الحزن عقب الضحكتين


يا سؤال من قبل يسئل يجاب
يعكس سلوم الردود بجيم سين


يا أدب يا خلق يا قتنة شباب
يا معونة راعي العون المعين


ذكريني بالملاقا والغياب
أنما الذكرى تفيد المؤمنين


وأقبلي واقفي وقولي للهضاب
أنك أطهر خد لا أطهر جبين


وعلمي شهاية حروف الكتاب
أنها بين المغفل والفطين


فارع تعشق حروف الاغتراب
لا فكر لا خلق لا دنيا لا دين


تقفل الفطره وتفتح الف باب
للمضل وللخفيف وللرزين


تلقح النزوه وتحمل بالسراب
والغباء وقلة الذوق الجنين


علميها وين يهوي الانتساب
للحسان أو للحسن أو للحسين


وعلميها تذل لله وتهاب
قاطع الشكات بايآت اليقين


وعلميها أني على حد السحاب
ويوم قلتيلي سألتك هي وين


قلتي أنتي بسخرية فوق التراب
قلت أنا وأنا أتبسم جملتين


قطعة الحلوى تحبذ للذباب
ما تحبذ عند ضرغام العرين




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الطريق
قال أبقفي قلت شف ذاك الطريق
امش في منحاه والا مفرقه


و الطريق اللي بلا خل ورفيق
ما يوسع خاطر اللي يطرقه


منته ملاقي مثل صدقي صديق
في مغيب الكون و الا مشرقه


رح جعل من لاق فعيونك يليق
و سوبه مثلي وحبه و اسرقه


و خل من حبك بتوديعك غريق
و لا نجا حرة فراقك تغرقه


خله اليا من ذكر وجهك يضيق
و لانساه يون و يصب عرقه


سمه الناسي و سمه بالعتيق
و شب قلبه بالرسايل و أحرقه


خل عينه لا قرت خطك تريق
عذبه و أذبح طموحه بورقه


وخله الواقف على ذاك الطريق
ميت من البرد و يصب عرقه



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

فمان الله
فمان الله يالبيت الحبيب الغالي.
يلي معك في كل الاركان صوره.


عشر وتقفاها عشر بالتوالي .
عشرين عام ضمني في سوره.


هناك مجلس عامر برجالي.
كل النشاما تدهله وتزوره.


راعيه (ابويه) والشبور طوالي.
مكرم ضيوفه والعدا مدحوره.


راعي سمينه ودله وفنجالي.
وعلوم طيب وفزعه مخبوره.


يالله عساله بجنتك منزالي.
ينعم بجنات النعيم وحوره.


اليوم اودع منزلك يالغالي.
واخذ معي ذكرى هنا...؟محفوره.


واترك دفاتر همي وغربالي.
ودموع حزن بالورق منثوره.


واقلام شعري ومجلسي بلحالي.
والليل لابان القمر في نوره.


واغلى الطيوف اللي تجي على بالي.
اللي معي فغيابهم وحضوره.


ودامه محال انه يدوم الحالي.
عساي اكون بغيبتي معذوره.


وفمان الله يالبيت الحبيب الغالي.
يلي معك في كل الركان صوره



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الطرقات
في الكبد ليعاتها وفي النفس حاجات
حاجات ماهيب رغبات وشهوات


ندم على حزن على مدري شسمه
اللي يكلمك وتكلمه بسكات


ياودي اصرخ من اللي داخلي حيل
وياودي ماتنبس من الليعه شفات


مزحوم تفكير ومشوش وبردان
وياخوفي من الغضب والانفعالات


تعارك الشر والخير فيني
يأثر على اتخاذي للقرارت


ثاقب وألاحظ تفاصيل التفاصيل
كن البشر عري وعيوني مرايات


أفضال ربي علي واجد وأفضل
أفضال ربي علي الفقر وأنكارة الذات


يامجمل الفقر وأشياءه وروحه
تموت منه تعب وتعيشه ازمات


يعلمك ضعفك وبأن عقلك
هو اللي يميزك عن الحشرات


وتعرف بأن هذا لك وذا لغيرك
ولاتفكر ولاتكسر حسابات


الفقر مفيد ..وأشياءه مفيده
مليء قناعه وقوه وغايات


يمكن لو إنك غني تطغا وتنسى
وأتطيش وتطوف الخمس صلوات


لذلك الحمد لله والثنى له
على الفقر والمصايب والمسرات


يمكن أني فقير بس مانيب تبعي
أجلس ولا أنقاد خلف الإتجاهات


وإن ما أعجبتني قناعات الزمن هذا
أنا.. أألف لتفكيري قناعات


شاعر ويسكن ف مخي ألف شاعر
ماهم بشعار هالوقت التروفات


اللي يقولون مافي الشعر نادر
وإن الشعراء نفس المستويات


لو أنهم واحد وبتفكير واحد
ماشفت ناقد ولا معجب وشمات


الله على هالكلام ومن يقوله
والله يقطع سياسة هالمجلات


يعني اللي شعره ملى الدنيا جماهير
مثل اللي يطلق قصيده سردة أبيات


لامن سمعت القصيده قلت هذي؟
سمعتها قبل هذي عشر مرات!!


يشل.. آخر كلام الشطر الأول
ويحطه بآخر الثاني .. وخذ هات


قاف متكرر.. ولافكره ولاشي
يبني القصيده.. على تفكير بنات


وبه نوع ساذج علشان أيتميز
يصرخ ويعمل بيدينه حركات


والمرء عود مايجهل.. لذلك
هالشعراء يكرهوني -أنا- بالذات


الله يخليني لشعري وأصونه
وأحرق به كبود شعار المسجات


أجذب به.. أذواق حكام الجزيرة
وأزرعه.. فعقول فتيان وفتيات


اركبه جن.. وامارسه بجنون
وأشبعه فلسفات وأبتكارات


وآعلم الجيل هذا وإللي بعده
جودة الإطاله.. وفن الإختصارات


و وشلون أحرث صخر فكري وأخلي


بيني وبين أقرب منافس مسافات
الشعر في نظرة اغلبهم مصالح


فلوس وشيوخ وبنات ولقاءات


وفي نظرتي الشعر روح و روح حره
ماتخضع لشف.. وأشخاص.. وقياسات


الشعر ماتقشعر له الأبدان
وما يسرق من الكلمات.. الكلمات


تقراه ف عيون شاعره وتحسه
يفتح له فجلد يدينك مسامات


ردد قصيدي ياجمهوري وصفق
وعلمهم إن الغلا ماهو خيارات


تعال نسرح سوى في شي عندي
وأخاف لا أبكي؟ وتبكيني العبارات


حزين جدا ومتعومس وخايف
أحس كني على مهوي نهايات


حبيبتي .. إللي أغليها وأبيها؟
راحت.. وقالت بجي وللحين ماجات


ما أذكر أني.. مسوي شي لكن
الحب لا زاد.. يسبب حزازات


والصبر صبر القلوب البيض وأدري
يامصعب الصبر لا قد به محاتات


دمرني الشوق وإستنرفني شعور
وتعبت أثبت وجودي داخل شتات


تمر كل الوجيه.. بدرب عيني
نفس الملامح؟.. ونفس الإبتسامات


حبيبتي طاغيه وبشكل طاغي
صديقة الليل واجناب البنايات


من وين ما أفتر لاهذا وجهها
على الطرقات وأضواء السيارات


يابري حالي عليها بري حالي
عليها يابري حالي عشر بريات


لأني أحبها.. فعلا وجدا
ماهي محبة.. رفث.. ولا إتصالات


أحس كني أبوها أو أخوها
أدرى عليها من العالم مدارات


وإللي سواتي.. يحب وخايف الله
يعرف.. معنى معاناة المعانات


الحزن في بعض الأحيان إزدواجي
وجميل.. إذا صار من تجنيب غلطات


من خلا حاجه لربي عاضه أخير
منها واحسن دبلات الدبلات


وانا مابي .. غيرها .. ولا ألتفت له
السيده .. لا رجعنا للسيادات


جعل أمها إتوافق إن جيت أخطبها
تكفون دعواتكم ي أهل الدعوات






http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

حبيبتي تحفه
حبيبتي تحفة من النوع الفريد
ولا جيت ابمدحها اخاف اذمها


لأن المديح بها ينقص ما يزيد
و لأنها خيال و طايش ماهمها


متمردة و بعقل هارون الرشيد
و بالزين ما عذرا توقف يمها


لو قستها مثلا على الجيل الجديد
تحط حليمه بولند بكمها


من غيها السادات سواد العبيد
تحر و تبرك عند ركبة عمها


ومن غيها لامن تثنت كل حيد
وده يصير انسان لأجل يلمها


ومن غيها حتى الدهن عود العتيد
يسيل في يدها عشان يشمها


من غيها لامن خذت نفس جديد
تهاوشت الانفاس على فمها


لبيها ام الفكر وام القصيد
لبيها من ضحكها لى غمها


اللي بقوله جعلها الحظ لسعيد
والله يخليها لأبوها و وامها




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

لذيذة

ليلة البارح لذيذه مع أن فيها اختلاف
و لذها لذة وصول النطر للي نطر


جيت امن من كمالي و لا عندي خلاف
و جا يبرهن ان وجود الأمان من الخطر


يا مجره من أحاسيس و شعور و عفاف
يا كواكب من عسيلات وزهور و عطر


اغنني عن تفه الناس يا اعظم اكتشاف
و سيد عروقي بلا ماك يا سيد قطر


من عرفتك صرت احاتي و أفكر بك و اخاف
وصرت أدون شطر و أشطب ثلاثمية شطر


يالمطر يالنصف الآخر و ياخرة المطاف
انزل من اخر سطر فالسما و طلع سطر


الطلوع من النزول أكده علم الجفاف
يعني أنا اطلع ليا صرت تنزل يالمطر





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

** الانسكاب **

بري حالي لانتهى العصر واعلن الانسحاب
وخلت الشمس الصدارة ومالت للغروب


اذن المغرب وساد الفضى مثل الضباب
ونتهى والليل لبس الاماكن لبس ثوب


وردت همومي على قلبي الصلب الخراب
وردة احيام القوامي على عدن الجذوب


كلها هانت ولا هنت ياهم الغياب
من محبة صاحبك صرت ياهم محبوب


وخذ ليلك بولة وخذوكل وشرب في رحاب
قلب من شدة طهارتة تجفاه الذنوب


اية والدنيا مساكن ورحلة واغتراب
والغلا في الوقت هذا مميز بالعيوب


اشمل بوجهي واعدي على روس الاهضاب
كل ماضيعت وجهي دريت انة جنوب


ويش اسوي فيك ياعم تلعات الرقاب
ونت واقعوالتمى عام في عيونك هروب


انت مجرم حب لا ويش جاب الي ويش جاب
انت عذبن عذب ارجيلي بشوك الدروب


صرت اهاب من التزاحم ونا ما كنت اهاب
ومشي بكيفك لواني على المشي مغصوب


صرت اجمع من جروحك وكلماتك عتاب
وقبل لا اقول وشفيك تجرحني استغفر وتوب


صرت احسب الناس ماكنت احسبلها حساب
وصرت اكذب لجل ترضى ونا ماني كذوب


شوف مهما صاربي انحنائي انتصاب
العب بعمري وبعثرة بيدينك ياللعوب


ادري ان الجاذبي تسبب الانسكاب
ودري اني منسكب ودري ان يديك كوب


سلت فرضك ورتوتبي وفاضتبي عذاب
لين حبتني قلوب وتعادتلي قلوب


فاعرف ان زولي غدير ون حكاياهم سراب
والمقادير الايادي وشين الخط طوب


يعني اليا رموني حقيرين الجناب
صارزولي عشرة ازوال وعيوني قروب


وتعدد لجل اداريك من طيش الشباب
وتوحد لين يطغى على وجهي شحوب


ماني استاهل منك كذا ياوبل السحاب
لاتبللني ونا ودي انك ما شروب


بيتني ودخل في قلبي ياقلبي باب باب
واخطر عروقي برجليك يسمر دوب دوب


جل من ولع عروقي بقنينة تراب
نوب تضحك من عذابي وتبكي منة نوب


لو لي دعوة وحيدة وهي تستجاب
قلت ياربي كل ما مر خلف الهبوب


زوي قلبي كل مازويت خصرك بنسياب
وقف العالم يرد البحر من كل صوب


ياخلاصة شهد وعذوق مالذ وطاب
يامغلبني ونا مابعد ماصرت مغلوب


يامسفرني لوجهك ذهاب بلا اياب
يا معزز بالغلا يامقدر ويامحسوب


بيتني وذهبي بعيد يامالا الذهاب
ضمني بيديك وجمد على صدرك وذوب


انت لوضميت تمثال من ضمتك ذاب
كيف لوضميت صدرا على ذكراك يذوب



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

النعـآس

ينوي النعاس لعين من يرغب بإيواء النعاس
وأنا مجلوي كل نعسة عين من أني سدر

العقل نعمه لاكن أحيانا يسبب أنتكاس
يشوفك أن العقول الحين ما قل وندر

أنا أفكر كيف أزيل المنحدر من الأساس
والاغبيا لاهين في لذة صعود المنحدر

تعبت لأني من هل الطولات صعبين المراس
اللي يحبون الوفا ولا يحبون الغدر

تعال يا أبن أخي الغلا يا هوه يا عالم يا ناس
يا فكر أبن جدلان يا تركيبتين من البدر

يا معضله تمشي على رجلين يالعشر الحواس
يا شاطب من ذكرة تاريخ الوجه الودر

يامطلع أهداف أجمل الغيد إلى رمية تماس
يامهدف بقلبي ثمان أهداف من حب وقدر


تعال أخذني من يدين اللهم وجيه العماس
شوف العرب ضيقة صدر ومشاهدك وسعة صدر


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

بغيت اضمك
بغيت آضمك بصدري على صدري و معاد أمدا
و عفا الله عن محاني صدر صدري يامبارحها


ليا هبت عقب صبح الرشاش و كل غصن اندا
ذكرتك يا ملقي وجهي البيد وبوراحها


انا ما أقديت في فرقاك بس ان الزمان أقدا
حرمك تشوف بعيوني مداويها و جارحها


لقيتك وهبة ما توهب و معروف ما يسدا
و فقدتك حسبة ما كنت جامعها و طارحها


اثور وكل ما اثور اذكر انا ويش و انا أهدا
و عظيمات الدول تكشف ثقافتها مسارحها


تبي تصدي الذهب لا مستحيل ان الذهب يصدا
بيبقي و أنت قلب بين باكرها و بارحها


تعبت اعلمك به شي لو تفداه ما يفدا
ثلاث حروف عايدها على سمعك و شارحها


ثلاثين ألف مره قلتلك لا تمشي الجردا
مهي كل القلوب اللي تسارحها تمارحها


قسم بالله لومالي مع اهل الطيبه مبدا
لا أنزل نفسي لبقحين خلق الله و أصارحها


لاكني لا انتهي صبح الرشاش و كل غصن اندا
دريت أني كفو لمقابل البيد و بوراحها







http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الاغبياء
صرت أحسد الاغبيا وألهي لا شفت المهلي
واتهيمش من وجع صدري وكثر احزانه


أتفيقر بالمشاعر و الا قلبي مرهي
مستعد آعشق بيت تستحي جدرانه


من غلا اللي يقتل زهوه مع أنه يزهي
من سحاه ومن فرط غيه وكثر أحسانه


ويش أسوي والحظوظ السود تامر وتنهي
وليه يحصلي كذا من بنقتل من شانه


كل ما طرقت قلبي للهوى المستسهي
هبت رياح الزمان وصككت بيبانه


ما عشقت الآ طموح من جموحة يشهي
وزود أيماني بضداته وقو أيمانه


ما تمنى غير وصله بالحلال المبهي
وما حرمني منه ألآ عيال عم أخوانه


أنقتل قلبي بفكري والنتيجه وشهي
طول الله عمر تفكيري وصح لسانه


بس يا قلبي لا تحزن والله وفي وجهي
ما تعشق الا حد ما ورثو جدانه



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

مابينهم فرق
صح أن فالدنيا عبيد و ساده
لاكن عند الله ما بينهم فرق


خللك بسيط الكبر ما هو بعاده
لا تسرقك دنياك عن خلقتك سرق


خلك صبور وخل عندك اراده
ولا صرت راعي ضو اصبر على الحرق


لولا الصبر و المعرفة و الركاده
ما تجرح العشاق ترنيمة الورق



و اذا بتسيد فالمراجل سياده
خل المراجل باب و سيادتك طرق


خلك ذكي و أخذ الامور بهواده
و لا صدت و ثق لا تجيب صيدتك زرق



و اليا عشقت أعشق من الحور غاده
حورية في بحرها يحيي الغرق



ان زعلت زانت بعينك زياده
و ان ضحكت كنها تنافس مع البرق


و أذا تدور فالحياة السعادة
أسجد لربك سيد الغرب و الشرق





http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

في غيابك
اعرف انك ما تصدق بس والله فوق والله
والله انه راح مني نصف عمري في غيابك


واعرف اني شلت همي تارك[ن] حبي على الله
كني ابعد من نجوم الليل واقرب من ثيابك


يا عساك وياعساني ويا عسانا ويا عسا الله
يا عسى الدنيا تموت وما يعيش إلاّ ترابك


يا أحبك وأعشقك وأهواك وإلاّ يفتح الله
ما تعودت افتخر بإحساسي إلاّ تحت بابك


آيه أحبك والقضية واضحه والشاهد الله
يطرد المظلوم وخصمه وانت خصمي يا هلا بك


يا هلا بك يوم تجرح خافقي ويسامحك الله
يا هلا بك يوم تلحق غميتي وألحق سرابك


جابك الله في حياتي يا حياتي جابك الله
ليش مدري وين مدري كيف مدري بس جابك


كل ما قلت ابتدينا في المحبة قلت يالله
ما دريت ان النهاية بين بعدك واقترابك


احسبني كل شي في عيونك يعلم الله
واثر عينك مستعفه ما تحب إلاّ حجابك


إنظلمت ولا شكيت ولا تركت الامر لله
كان همي انتظر باقي عذابك في عذابك


الله الله انتبه واحذر وفكر والله الله
مثل ما احسب حسابي في هواك احسب حسابك


ما طلبت المستحيل ولا رجيتك شي لله
ما طلبتك ارتفع من حجرتي واسكن سحابك


يصرخ القلب المعذب يالمعذب وكّل الله
شاب حبك في عيوني وانت توك في شبابك


رحت شي وجيت شي مختلف يا حسبك الله
تصدق اني ما بغيت اجلس مع حظرت جنابك


غيّرك ذاك الزمان ويا زماني منك لله
ليش ما غيّرت فيني شي يوم إني أهابك


ليش ما علمتهم عن قصتي وتوحد الله
يعرفون انك سؤال ويعرفون اني جوابك


ويعرفون اني حلفت ولا عرف أغلى من الله
والله انه راح مني نصف عمري في غيابك



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الجرح
الجرح ماهو خاطر شوي ويروق
الجرح حتى لو تشافى يعللك


واذاك متحمس متاهات وطروق
انا تعبت اشد حيلي واحاولك


سماي ما شيّ شمس ورعود وبروق
والريح ماهبت ولايجري الفلك


والقلب ناشف بحر وشقوقه شقوق
وشلون بيكوّن سحاب ويبللك



يا ضامي انا الضما ومتشبع حروق
واذاك ضامي للمواصل انا هلك


هلك وقف في وجهي الاصل والذوق
والمجتمع والعرف والفقر واهلك


متعومس وحزن النبلاء مرموق
يعني لو احتاج الك ماجيتك اسألك


اللي علي اشكي واعاتبك برفوق
واقولك ودي ماعاد اتأملك


من دورة الايام ياخوك مخنوق
الوقت مشاني من السلك للسلك


ازل خطوه بس ما ازل منطوق
ولو صارت ابحب خشمك واجاملك


يبقى البني ادم مجرد ومخلوق
ملك ولكن في الحقيقه بلا ملك


كذاب قايل كل مطرود ملحوق
سنيييين وانا اطردك وازريت لا اوصلك


كنك تطيش وكني ادور في طوق
كل ما وصلت اخرك يطلعلي اولك


ليت مافي خاطري شوق وحروق
ماكان حسيت ان انا بس من كلك


الشوق ماهو رعشه وقبضة عروق
وماهو اللي من شينك فعينك يجملك


وماهو شعور ياخالق الروح برفوق
وماهو سحر ولا ادري والله شقول الك


انا سحابة حلم وتطير بك فوق
وتطير ولا ودك انها تنزلك


الشوق هذا والا انا شوقي البوق
ماقد حصل في شوق هذي ولا تلك


تدري وش اسوي ليا اضناني الشوق
اسوي بعيوني كذا واتخيلك


واقربك واتوق واتوق واتوق
واكثرك واحلف ماعاد اقللك


واصورك في الموق وتكبر على الموق
وتطيح مع دمعي على ايدي واقبلك


هذا غلاي اللي مع الدم مدقوق
ولا عاد تسأل عن شعوري وازعلك


محبة ماهيب من طارف السوق
لو انك توكل كان والله لاكلك


جيتك حقوق ورحت ماعندي حقوق
وان قلت ما احبك ابجحد مواصلك


احبك الا يا بري حالي وعوق
من كثر ما احبك اخاف اني اقتلك




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

قرم وغني
غني بربي والدعا والرفاقه
وقرم وليا جت للقصايد مفوه


بحرن تباعد غبته عن زراقه
لهل الغثا طيشه ولله هدوه


ان زان وقتي خذت لذة فواقه
ولوه يشين يشين عادي ولوه


بنكي رياجيل الشرف والبطاقه
جمايلي وأسمي وكبر المروه


من لابتن في ثقل أهلها محاقه
فعيونها كثر الاوادم يشوه


الأكرمين أهل العقل والحماقه
الجيدين مزبنين الجلوه


هاذي فقط نبذه عن أهل العراقه
والسامي أيرجح كلامه سموه


عن أفتعالات الغضب والطفاقه
وعن المليىء اليا تبين خلوه


حبيت أبينلك أصول اللباقه
مع واحدن غيثه يسابقه نوه


وألا أنت كامل لاكن أن فيك عاقه
ينقص برستجيك شوية جروه


يمغيرن فعيوني أصل العلاقه
تخيلو عدو يعشق عدوه


لازمتني بحلا الدلع والشفاقه
وأدخلتني في حلم عمرك وجوه


وحببتني في شي أسمه صداقه
وكرهتني في شي أسمه أخوه


ولفتني باو الغنج ولف ناقه
وأنا ولفتك ولف حاتم لضوه


ولو نختلف بشيا الغضب والرواقه
مانيب قايل ماتسويه سوه


ركز معي للريح طلاق ساقه
وللشين شينن لانصا مايموه


يعلم بئن حلم الكسول اللياقه
ويعلم بئن حلم العقيم الأبوه


ويعرف متى نضج الورق وأحتراقه
خبير في الاحياء ماهوب توه


ثورته لاجت تشعل ألفين طاقه
ماهيب شبة قاز في جمر دوه


منتب غبي جدا بلفظ الرشاقه
وأنا ذكي جدا وحبيت أنوه


لأنك تنفاس الحشا وأختناقه
ياكل شبحي ياقصاه ودنوه


روحك وقلبي لو بحلل وثاقه
مربوطتن في بعض هيا وهوه


فن غبت يانفر العقل وأشتياقه
مانيب راغب بعد خوتك خوه


ببكي على زولن عشقته عشاقه
وترى البكى للأقويا زود قوه


فن شفت أبن علوش يبكي فراقه
ترى أنحدارات الجبل من علوه


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

لاخـلـى ولا عـدم ..

ردني لك موتتي في غيابـك موتتيـن
يا محول ضيقتي من وجود اليـا عـدم


لا تخلينـي مابيـن الثلاثـه و الثنيـن
البكا و السخط فيك و شعـوري بالنـدم


ضقت ذرعا يا لله انك تزينهـا تزيـن
من عيون الا مبـالاه و أيديـن الـردم


و الله ان أجرحك بقلبي كبير و له حنين
كبر ملك الامبراطـور فعيـون الخـدم


الله واكبر ياوليفي بعد ماكنت وين
صار مالي في حياتك ولاموطى قدم


ردني لك...لاخلاص انت رد والله يعين
من على شانك يفض الجوع ويجتدم


خلني لي موعدك مقابيل السنين
مانتمنى صعب ولاعشق ولانصدم


انت ماقصرت ياغالي عذرك سمين
وطول الله عمرك ولا خلا ولاعدم


http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

رح لـلـقـمـر ..
صار الزمان أشكال و حروف و أنقاط
صوره و أسم والناس تنفي و تنقا

كنها على ظهر الشيم تضرب سياط
يا سين يالشيمه و يا مل فرقا

كل شي يهون و ينسى كون الاحباط
الاحباط لو يروح ذكراه تبقا

لا صرت صح وقتك اغلاط بغلاط
ليه اتعذبه و تتعب و تشقا

رح القمر و أفرش على سطحه بساط
و خل الحثال ان كان به خير يرقا

و أختار من تعشق و تغليه بفراط
اللي علا شانه ثرا الارض يسقا

راعي الجروح اللي بتموز و أشباط
اللي لكل الزين مجمع و ملقا



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

حدث في مثل هذا اليوم ..
يامسهر النايم ومحضض النوم
الله يكافيك الليال وسهرها


علمتني كيف أنعس شوي وأقوم
وآنسق كبار الجمل واختصرها


الله يا لك عندي علوم وعلوم
ومن شانك تعبرني بتعتبرها


البارحة ضاقت على وجهة الروم
وما باقي الا وجهتين أخبرها


ويممت لك وجهي وأنا أغتاض وآشوم
من سكة تخفا على اللي سبرها



ما جيتك لك اضحك محزن ومهموم
فكره طرتلي فيك قلت افتكرها



حبت أمهد فيك سخطي على التوم
اللي تعزز لي وأنا محتقرها



يا قوم يا عيبات الاقوام يا قوم
اللي مع العيبات تنشر صورها



الناس ذي في كوم والعرف في كوم
والله مصغرها على من قهرها



يقرب من الآخر ويا محمل اللوم
تضيق بك الأنفس ويطغا بحرها



أن كانها بحقوق وعهود وسلوم
صدقني أن حجتك ذي بتخسرها



اليا صغرت عينك فلاني بملزوم
أرفع حواجبها وكبر صغرها



نجوم تطلع فوق وتحدر نجوم
وأنته كذا لا فوقها ولا حدرها



خلك كذا وضعك حلو وانت ملموم
لا تخسر الهيه ولا تنتصرها



ما مجد التاريخ أشباه ورخوم
الابطال تفنا بس يبقى ذكرها



الله يمدد في وآعيش وآدوم
وأبصم على وجه الليالي ونحرها



فان ما طلعت فحدث في مثل هذا اليوم
ولا بلاش من الحياه بكبرها



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

إلـى مــتــى ..


الى متى يبقى كـذا وانتـه بتبقـي هاكـذاك
وألى متى وانـا اتعثـر فالوصـل وأحاولـه



وألى متى وأنا أمدحك بحروف شعري وآهجاك
وألى متى وأنا أرسمك على محيـط الطاولـه



ألى متى وأنا أتضموا من خطاك اليـا خطـاك
وألى متى وأقرب نهر تبخـل علـى جداولـه



وألى متى وألى متى وألى متـى وألآ متـاك
بتقهوي اللـي خـاوي لمواصلـك وتفاولـه



أموت فيك وما يكثر مـن غـلاك ألآ حلاك
يا تحفة ما هيـب فيديـن البشـر متداولـه



سلهامة عيونك متاهة وادي وعضـة شفـاك
صفة قطـع سكـر تعضبهـا علـى فرولـة




الله يجيرك من صدوف الوقت وعيون الهلاك
والله يحفظك من سخافة الألسـن المتطاولـه




والله يخليك لخفوق عـاش بتنفـس هـواك
يمرر أسمك في عروقـه والضلـوع تناولـه



عيد بعيني جعل من ذمك مـن العالـم فـداك
وأعطف على من صكته بقعا فراقـك وآولـه



اللي ليا منه تذكر حلو وصلـك عـن جفـاك
بكى بدمعة مـن يكابـر والحـزن متحاولـه



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

الإخــتــنــاق ..

الغلا بعضه تنفس وبعضه اختناق
والتنفس شرق وأنا تغرّبت وحدي



يا إله الكون رب السموات الطباق
يالوحيد اللي بيدّيك ضعفي وجهدي



يالله انقذني من النار واللحد الضياق
واغفر ذنوبي وفرّشني الورد الندي



واقسم لفمي من أرزاق جناتك مذاق
كاني حزت الرضا منك أببشر بسعدي



جزت عن دنياً بها اعداي كانوا لي رفاق
وتبت عن حلمٍ حدوده مساحة مرقدي



و متّ من فعل الجمايل براعين النفاق
وعن حد نفسي لها لو ما نيب محدي



العمر محسوب والجرح لا من فاق فاق
ما تغمّض به دكاتر وقرية مهتدي


أبشع أشياء الحياة الظليمة والفراق
والغباء والمعصية والبنا عم الردي


وأنت ياللي صغت حلم التواصل بالسباق
قلت لي هيّا وأنا جيت بالحلم اعدي


اعدي وانا مسوي خطأ فالإنطلاق
مبتدي من قبل لا سباق حلمك يبتدي


انفجر صدري وعدوي معك ما عاد لاق
وجيت مستسلم ولأنوار حلمك مقتدي


لين حلمك حطني بين قوسين احتراق
تحترق منا يدي وتحترق منا يدي



والله إن اكبر عيوب الرجل الإنزلاق
خصّ لا من صار دربك وحيش وسرمدي


أتعثر بس ما اسمع حكي شذاب ساق
كلمتي هي كلمتي ووعدي هو وعدي



يا زكي خلقه ما هيب إلك شهقات الغراق
الاجودي ما هو يسوي كذا فالاجودي



لا تحسب إني بجنّب عن اللي ما يطاق
والله إن صبري على خونة أيامي مدي



كل ما الأيام تصفقني فـ بعدك طراق
كل ما استذكي على الحزن وأصحى واهتدي



لأني أخطيت فـ وصالك وسببت انشقاق
ليت عقلي عند الأحلام ما طاع جسدي



الله يسامح خطا القلب يالصلب الرقاق
ليه يحيا فـ البسيطة ويحلم فـ الجدي


العفو والا الشكر كلها نفس السياق
إعرف إنك في عروقي مع الدم تغدي


لو كرات الدم ترّث غلا والا اشتياق
كان أبتنافس على حبك انا وولدي



أعشقك بس العذر منك ما يطلق وثاق
منته فـ مكة ليا أخطيت فيك أذبح فدي



لكن اذكرني ليا جاء اللحاق مع اللحاق
واعتصم هادي وعيّا على الدمع مهدي



اذكر إن غيمة عيوني ليا بان الزراق
وهبّ طاريّك تساقط على الخد بردي



والذي نفسي بيده إني أشعر بإختناق
كل ما هبّ الهواء شرق وأصبحت وحدي



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

.
أبسألك
الله يعـزر فيـك و الله يقبـلـك
ان كان عرفك للضيـاع أقتادنـي


من يومني صغير اعشقك و أتأملك
حتى تفرعن بي غلاك و سادنـي



كبرت احبك بس صـرت اتخيلـك
غبـي تعلمنـي غـلا و اجادنـي



من أولا أشوفك و اعشق آدللـك
واحب خيط العـذر لامـن قادنـي



و الحين لامني و لهت و جيتلـك
قام أيتصيدني الحزن و أصطادني



فالشارع اللي هيبته هيبـة ملـك
اللي تهجـا خطوتـي و أعتادنـي



من تحت شباكـك وودي أسالـك
يا اغلا من أغليته غلاك أش فادنـي


لو أدري أن مستقبلـي مستقبلـك
ما كان نقصني الغياب و زادنـي



هنا و بس و لاتضايق و أزعلـك
بقفي فمـان غيابـك وماعادنـي



لا أقفيت عن عينك رجعت و قلتلك
تكفـا ليـا قفيـت عنـك نادنـي



من حشمتك لو اوصلك ما أوصلك
ياخي بثور من العذاب و هادنـي



احساسي أني ذنب فعيـون اهلـك
إحساسي بالإحسـاس ذا أبادنـي



http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif

[شبابي صميم]

صديقي الرجل
صٍدٍيقٍي الرّجْلْ وًالٍّدنْيا لًهًا دٌورًهْ
تِجًمّعْ النّاسْ وًفٍي الغًالٍبْ تٍفًرٍّقْهًا


وًالنًاسْ بأًخْبًارْ سٌوْ النًاسْ مًسْعٌورًةْ
وفاًلطٍيبْ بٍكًمًا ذٌكٍرْ وًأذًانًها تٍصًدّقْهًا


وًحٍنّا فًضًاءًاتٍنًا ضًحْلًهْ وًمًحْصٌوٌرًةْ
نًبٍيْ نْطًلٍعْ مٍنْ السٍطْحٍيّهْ أًعْمًقْهًاْ



أًفْضًالٍنًا وٌدٍّنًا اٍنٍهًاْ دٌوٌمْ مًذْكٌوٌرًةْ
وًعٌيٌوبٍنًا مًا نٍحٍبْ أًحًدْ يٍتًطًرّقْهًاْ



كًأًنّنّا رٍعْاعْ مًنْهٍيهْ ,, وًمًأْمٌوٌرًةْ
نًحْفًظْ شٍعًارًاتْ ...لًكٍنْ مًا نٍطًبّقْهًاْ



جٌهًّالْ فٍيْ عًالًمْ الٍانْسًانْ وًشْعٌوٌرًةْ
نٍسْتًحْقٍرْ اللٍّيْ ....شًنًبًاتًهْ يٍحًلٍقْهًاْ


نٍقًلٍدْ أًبًاءٍنًا بٍالصٌوتْ وٌالصٌوْرًةْ
وًحًتًىْ خٌرًافًاتٍهْمْ لاًزٍمْ نٍصًدٍّقْهًاْ



نٍحٍبْ نٍحْزًنْ وًلًوْ الاًوْضًاعْ مًسْرٌوٌرْةْ
نًعْمًلْ مٍنْ الْحٍزْنْ غٍبًّهْ لجًلٍ نٍغًرٍّقْهًاْ



يًا مٌجْتًمًعًاتٍنًا هًشًّهْ وًمًغْمٌوٌرًةْ
يًاْ اٍنْ لٍنًا أًعْمًاقْ مًا نٍعْرٍفْ حًقًايٍقْهًا



صًدٍيقٍيْ الرَّجْلْ ..لاً فٌوٌرًةْ وًلاً ثٌوٌرًةْ
الاًحْلًاًمْ ..مًا كٍلًنًا نٍقْدًرْ نحًقٍقٍهًاْ


فًالعًاصٍفًهْ أٍذْكٍرْ البٍسْتًانْ وٌزٌهٌوْرًةْ
وٍاٍنْ مًاً عًطًاكْ الزٍمًنْ بًسْمًاتٍكْ..؟ أٍسْرٍقْهًا



وٍاٍنْ اٍنْشًدٌوٌ كٍيْفْ حًالٍكْ ..؟ قٌوٌلْ مًسْتٌوٌرًةْ
لًوْ اٍنّ الاًوْضًاعْ يًوْمِّيًّا .. تٍشًقٍقٍهًاْ



النًّفْسْ اٍذًاْ مًا هٍيْ بٍشْرْهًهْ وًمًغْرٌوٌرًةْ
يٍطٍقٍّهًاْ الشٍحْ وْتْرٌوْحْ اٍنْتً تٍلْحًقْهًاْ



صٍدٍيقٍيْ الرًجْلْ .. أًطْرًافْ النٍسًا عٌوٌرًةْ
فًمًا بًالٍكْ بٍجًرْحًهًا ...وًلاًّ مٍزًارٍقْهًاْ



اٍخْتًارًهًاْ خٍيْرًةْ المًبْلٍيْ لٍدْكْتٌوٌرًةْ
وْاٍتْعًبْ عًلًىْ عٌرٌوٌقْ أًهًلْهًاْ اللٍّي تٍلاًحًقْهًاْ



وًرًكٍّزْ عًلًىْ دٍيٍنًهًاْ وًالعًقٍلْ وٍحٌضٌوٌرًةْ
وٍشٍفْهًاُ .. وْحًاوٍلْ تٍعْرٍفْ اللِّيْ تٍرًافٍقْهًاْ



الزٍّيْنْ غًسْلْ اليٍدٍيْنْ ... وًلًذّتًهْ فٌوٌرًةْ
عًلًيْكْ بًأًخْلاًقًهًاْ ..اللٍّي مًا تخًلًّقْهًاْ



وْأٍنْ سًهًّلْ الله .. وًزًاْنْ الحٍلْمْ بأٌمٌوٌرًةْ
الغًارٍبًهْ فٍيْ التٍّعًامٌلْ .. لاً تٍشًرٍقْهًاْ



كٌنْ مٌبْتًسٍمْ مٌقْتًنٍعْ بٍالله وْمًقْدٌوٌرٌةْ
وْشٌوْفْ أًحْلًىْ مًاْ فٍيهًاْ مٍنْ أًشْيًاءْ وًأٍعْشًقْهًا



اٍشْفًقْ لًهًا شًفْقًهْ الشًّاعٍرْ ..لجمٌهٌوٌرًةْ
تًحًفًّظْ حٌرٌوٌفًهًا قًبٍلْ تًنْطٍقْهًاْ



وْأٍنْ ضًايٍقٍكْ شًيْ ..؟ خًلًّ عٍنًادٍكْ وْجٌوٌرًةْ
××× اٍهْمٍسْ فٍاٍذْنًهًاْ عًتًبْ وٍاٍنْتًهْ مٍعًانٍقْهًاْ ×××



العٌمْرْ قِصٍيرْ ...وًالاًيًّامْ مًعْمٌوٌرًةْ
مًا تٍسْتٍحْقْ اٍنًّكْ تٍضٍيقْ ...وٌتٍضًايٍقْهًا



وٍاٍنْ شٍفْتْ مًا يٍظْهٍرْ الرًجْلْ عًنْ طٌوٌرًةْ
لاً تًكْسٍرْ فٍيْ نًفْسًهًا ... وًلاً تٍعًلٍقْهًا



سًامحْهاً وًاٍقْطًعْ طًرٍيقْ الشًرّ وٌشٌرٌوٌرًةْ
اًوْ رٍدًهًاْ لٍبٍيتْ شًايٍبْهًا ..وًطًلٍقْهًا



مًا يٍضْمًحٍّلْ الرْجٍلْ فٍعٌيٌوٌنْ غًنْدٌوٌرًةْ
إٍلاًّ لاً عًدًّدْ خًطًايًاهًاْ .. وًخًانًقْهًاْ



وًمًا يٍسْتٍزْيْدْ الرٍجْلْ فٍعٌيٌوٌنْ غٌنْدٌوٌرًةْ
إٍلاًّ لاً طًوًّفْ خًطًايًاهًاْ ... وًصًادًقْهًاْ




http://up4.m5zn.com/9bjndthcm6y53q1w0kvpz47xgs82rf/2009/12/13/02/64qr2rp0j.gif