منتديات سدير - ( ياللي على شان معكازي تبين لـي )

قصة وقصيدة للشاعر سعد بن جدلان (ياللي على شان معكازي تبين لي)

القصــة : هي أن سعد بن جدلان الاكلبي ..
جاي في يوم من الأيام يخطب عند ناس وبعد ما بغى يشوف البنت والبنت بغت تشوفه
وإذا هم يتقابلون بالصدفه في حوش البيت وكانت البنت تبي تشوفه قبل انه يشوفها بس الصدف
كانت اكبر من كل شيء وتقابلوا وجه لوجه واذا بالبنت تشوف سعد بن جدلان يعرج ومعاه عكاز
بسبب العكاز اللي معاه ووكأن البنت ماكانت متأكده من انه يعرج بس في الاخير اتضح لها الامر
وهو في الحقيقه سبق وكان جاي يخطبها من قبل وصار له حادث واصيب في رجله بكسر وبعد ستة شهور
تعافى ورجع يخطبها .. وهذا ما وردنا بخصوص هذه القصيده
وبعدها قبلت فيه بس لا اعلم ما الذي حال بينه وبينها ....

وفي الاخير كتب هذي القصيدة وهذي هي بين اياديكم ::

ياللي على شان معكازي تبين لـي
..................... رجلي على حالها وانا على حالـي

والكسر ما هوب في رجلي علي كلي
..................... وانت السبب في الغرابيل اول وتالي

تكفي مراسيلنا العجلات يـا خلـي
..................... عن مخذ الاخبار والا شوف الازوالي

قلبي وقلبك توصل لك وترسل لـي
..................... والله انها اشد من موجات الارسالي

ردن سلامي عليك وجن وقالن لـي
..................... انك ترحب وانا في خاطرك غالـي

ليت الغرابيل جتني من عـدو لـي
..................... إن ما تقاضيت والا بيتقاضـى لـي

لكن من واحـد ذكـره غنـاة لـي
..................... ما زلت احبه,, وابا احبه ولا ابالـي

لامر طـرق بخدراتـه سـلام لـي
..................... كنه يسلـم علـي بصوتـه العالـي

خلوني اسج عن موضوعه احسن لي
..................... والا الغلا,, والله ان يبطي هو غالي

رحمه الله وجميع موتانا وموتى المسلمين .

www.youtube.com/watch?v=AcbSXq-LTI4