منتديات سدير

منتديات سدير (http://www.sudeer.com/vb/index.php)
-   ¨° بيت الشوارد °¨ (http://www.sudeer.com/vb/forumdisplay.php?f=109)
-   -   #@ ســجــلـ حــضــوركـ بــبــيــتـ شــعــريـ @# (http://www.sudeer.com/vb/showthread.php?t=90649)

مااارد 13-10-2009 09:36 PM

#@ ســجــلـ حــضــوركـ بــبــيــتـ شــعــريـ @#
 
السلام عليكم ورحمة الله وبركاته

بسم الله الرحمن الرحيم

و الحمدلله والصلاة والسلام على رسول الله وعلى آله وصحبه أجمعين

أهلاً بكم أعضاء وزوار منتديات سدير الغاليه على قلوبنا جميعاً ...

في البداية أحب أن أواسيكم ببداية العم الدراسي الجديد وبما أني انتهيت
:tonguen:

فأحب المواساة لأني عشت مثلكم ...

الموضوع كما يلي :

كل عضو أو مشرف أو مراقب أو إداري أو .... أو ..... والكثير يدخل على الموضوع

ويسجل حضوره ببيت شعري جميل ...


وسأبدأ حضوري ( لا تسحبوووووووووووون :grin: )

شيبت روس العرب هيبت روس ما تهاب ,,, جمهرت ناس عمرها ما تعرف الجمهره

حلآهآ هلآلي 14-10-2009 02:27 PM

رد: #@ ســجــلـ حــضــوركـ بــبــيــتـ شــعــريـ @#
 
احم احم انا ماعندي بقول بيتين ولا ترى بطلع <<<<اطلعي احد ماسكك

بعض البشر من الزين مقهور ............واكبر دليل اسمي ينرفز جنابه


..{{بك زين من رأسك لين ابهامك
والليل ياخذ من صباحك ضوه************..
..{{مايحجب الوجه الصبوح الثامك
طلتك ياحلا دايم محلوه************..



نسيت عمري وطولت (*_*)


هذا اهداء مني لي <<<<اقول اطلعي برا

نادر الرياض 14-10-2009 02:32 PM

رد: #@ ســجــلـ حــضــوركـ بــبــيــتـ شــعــريـ @#
 

إذا المرء لا يرعـاك إلا تكلفـاً
فدعه ولا تكثـر عليـه التأسفـا
ففي الناس أبدال وفي الترك راحة
وفي القلب صبر للحبيب وإن جفا
وماكل من تهـواه يهـواك قلبـه
وماكل من صافيته لك قد صفـا
إذا لم يكن صفو الـوداد طبيعـة
فلا خير في ود ود يجيء تكلفـا

ظبا نجد 14-10-2009 04:09 PM

رد: #@ ســجــلـ حــضــوركـ بــبــيــتـ شــعــريـ @#
 
ياليل وان رحت ساري قلت لك قوه
ماعاد نسريك ياليل الهواويه


يوم المساري تبي اللي صافي جوه
وأنا زماني مجرعني بلاويه


تعبت أخايل زماني وأختلف نوه
وأزريت أعرف العرب كلن على نيه


الخوه الخوه الله يقطع الخوه
صوابها شيني دوك الحال ماريه


من عقب ماهي أعلوم أرجال ومروه
أشوف لاعاد هذي ولاذيه


واليوم من كان طلق لساني ومفوه
يعجز يعبر عن المكنون قافيه

دايم 14-10-2009 05:13 PM

رد: #@ ســجــلـ حــضــوركـ بــبــيــتـ شــعــريـ @#
 
اسعد الله اوقاتكم بكل خير

مدري صباح الخير والا مسا الخير بس الوكاد بوجهك الخير كله

تقبلو تحياتي

الوافيـ 15-10-2009 02:30 AM

رد: #@ ســجــلـ حــضــوركـ بــبــيــتـ شــعــريـ @#
 
بسم الله الرحمن الرحيم
...والسلام عليكم ورحمة الله وبركاته...

بابدى معكم بالأبيات الجميله هذي صح تعدت العدد المسموح لكن صعب تتخلى عن أحد منها...:grin:
يا مـا حلا الفنجـال مـع سيحةالبـال---فــي مـجلسن ما فيــه نفس(ن) ثقيـله

هـذا ولــد عـم وهـــذا ولـد خال --- وهذا رفيق مـا لـقـيـنـا مـثـيلـه

يـا لـيـت رجـال يـبـدل بـرجــال --- ويا ليت فـي بــدلا الـرجاجيل حيله


............راكان بن جثلين......

مااارد 15-10-2009 02:33 PM

رد: #@ ســجــلـ حــضــوركـ بــبــيــتـ شــعــريـ @#
 
السلام عليكم ورحمة الله وبركاته

أنا أبدأ حضوري بـ :


عطيتك عشق من قلبي وسلمت لغلاك أرقاب ..
وغيرك يحترق قلبه ولايقـدر يحاكينــــي ..

قلم رصـــاص 15-10-2009 04:13 PM

رد: #@ ســجــلـ حــضــوركـ بــبــيــتـ شــعــريـ @#
 
إهداء للجميـع

انت الحلا والناس جنبك ولاشي *** مثل الجالاكسي بين توفي وغندور :)

قلم رصـــاص 15-10-2009 09:18 PM

رد: #@ ســجــلـ حــضــوركـ بــبــيــتـ شــعــريـ @#
 
قلبي قبل فرقاك ما ينقص الزيت *** واليوم ازيده بكل مشوار علبه :)

خفوق إنسانة 16-10-2009 12:00 AM

رد: #@ ســجــلـ حــضــوركـ بــبــيــتـ شــعــريـ @#
 
يعطيك العافيه ع الموضوع وهالبيت اللي دايم اردده....

بعض الجروح إن جات من اغراب عادي
والجرح موت الجرح لاجــاء من أحباب


--------------------------------------------

حنين الذكرى 16-10-2009 07:16 AM

رد: #@ ســجــلـ حــضــوركـ بــبــيــتـ شــعــريـ @#
 
من غلاك ودي أكتب في عيونك قصيد...
بس البطارية انتهت و الشاحن بعيد ..!! :)

قلم رصـــاص 16-10-2009 10:16 AM

رد: #@ ســجــلـ حــضــوركـ بــبــيــتـ شــعــريـ @#
 
كنـّك و كنـّي ياحبيبي مصاقيل *** كلما إنتلامس .. نبتعد وإنتفارق :)

سمحة الخاطر 16-10-2009 12:44 PM

رد: #@ ســجــلـ حــضــوركـ بــبــيــتـ شــعــريـ @#
 
ما عليك إن طحت ياحظي ملام***وإن بغيت ألوم قلي من ألوم؟

ضاقت الدنيا ولا عندي كلام***ياهي صعبه ضيقة الشخص الكتوم

ظبا نجد 16-10-2009 02:47 PM

رد: #@ ســجــلـ حــضــوركـ بــبــيــتـ شــعــريـ @#
 
لبست الفخرتاجٍ لي يطرز هامتي من فـوق
يكفينـي فخربسديرانـي ساكـن الـعـودة


ومن حقي انا افخر انا ساكن براضي الشوق
شموخ العز يلبسنا نطـرز بالبهـى خـدوده


طبايعناكرم وشموخ نسامح والعذرمسبـوق
نرحب والكرم طبع(ن)اخذنا الطبع مـن زوده


فعايلناشواهدلـك ياجاهـل بهالـي الـذوق
ولانبغى ابداصـلاً شهـادة جاهل(ن)سـوده


معاميل الكرم توقدقبل شمس الضحى بشروق
ولاتطفى ابدتبقى فعـول الطيـب مشهـوده


تربينا على الطيبه زرعنا الحب وسط عروق
صحايف هالزمن تثبت فعايل طبعنا وجـوده



الاياساكن العوده تربّع في حشى المنطـوق
وقل للكون يفخربـس لأن العـوده بحـدوده

ذياب العصيمي 16-10-2009 04:18 PM

رد: #@ ســجــلـ حــضــوركـ بــبــيــتـ شــعــريـ @#
 

الله عليمٍ بالنوايا والاسرار=والكل له غايه ومقصد و نيه
وللخيل خياله وللشعر شعار=والسيف أبوحدين مافيه زيه
أحدٍ يشب النار ويطفي النار=وأحدٍ مايملك حسم هذي وذيه
وأحدٍ يجيب الكارثه سر وجهار=وانا بري من العلوم الرديه


الساعة الآن 09:08 AM.

Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه