منتديات سدير

منتديات سدير (http://www.sudeer.com/vb/index.php)
-   ¨° أوراقنــــا °¨ (http://www.sudeer.com/vb/forumdisplay.php?f=111)
-   -   الغـربـــه (http://www.sudeer.com/vb/showthread.php?t=85741)

[/table1]

يابندر النفس طابت من عنا الغربه=بعدي عن سدير هم ٍ طال وأشقاني
أحبها حب قيس اللي يجاهربه=حبٍ قسم لي ضلوع القلب وأنهاني
وأنا محارب زمانٍ طال بي حربه=صبري نفذ بين عدواني وصدقاني
لاقلت حان الفرج للنفس ياقربه=دارت علي الظروف وكثرت أحزاني
أتعبني الوقت من شرقه ليا غربه=وعنيت رجلي وجور الوقت عناني
عزي لمن مثلي أظروفه تعثربه=وفارق سكن داره الأول مع الثاني
ياليت داري قريب ومستوي دربه=وأرتاح من وقتي اللي قام يحداني
وأشوف من شوفهم للعين وأبصربه=رجوى عيونٍ غشاها الدمع وأعماني
شيخٍ كريم العطاء والطيب يشهربه= ولا مد يمناه عند إفلان وإفلاني
أبوي راع المكارم شيخ وأفخربه=له قدر بين القبايل عالي الشاني
على المعادين مثل السيف والحربه=من راس سقم المعادي مزبن الجاني
جدي محمد مثل غيثٍ يبشربه=على كرام اللحى هتان وداني
وربعي هل الطايله والكلمه الذربه=أهل الحسب والنسب وطوال الايماني
آلاد حاسن هلي فكاكة الكربه=عمى عيون الحريب وكل شيطاني
وأهل البل اللي جميع الزين تشهربه=مجهم و وضحى تفوق بكل ميداني
وشعرٍ على الالسنه دارج وتفخربه=ويردده قاصي العالم مع الداني
واختام قولي ليامن طالت الغربه= بعدي عن سدير همن طال أشقاني
[table1="width:95%;"]
[/table1]
ذياب العصيمي 11-08-2009 08:03 PM

الغـربـــه
 
[table1="width:95%;"]
بسم الله الرحمن الرحيم

وعدت الجميع بالمشاركه في قسم أوراقنا وإنزال قصيدة الغربه عن سدير
وأتمنى أن تنال إعجابكم
الشاعر: ذياب العصيمي

[/TABLE1]
غروك حسبي عليهم كل ما تطري=وأرخصت دمعٍ على فرقاك هليته
ياوجد روحي عليك ويا صبر صبري=خليت قلبٍ يحبك وأنت حبيته
ياجعل تفداك كل البيض والسمري=ويحميك ربٍ عظيمٍ حاميٍ بيته
وشلون تترك حبيبك يابعد عمري=وصرح المحبه بدون أسباب هديته
ليتك عن اللي جرالي ياغلا تدري=خليتني دون ذنبٍ معك سويته
ولعت نار الهجر في قلبي وصدري=وأحرمتني من منامي ماتهنيته
ياما تعذرت عنك ولا نفع عذري=وياما عطيتك جميع اللي تمنيته
توبه من الحب كان إنك تبي هجري= وفقك ربي وعنك القلب عزيته
وأقول حسبي عليهم كل ماتطري=لا أرخصت دمعٍ على فرقاك هليته
[TABLE1="width:95%;"]
[/TABLE1]
ذياب العصيمي 12-08-2009 09:19 PM

رد: الغربه
 
[TABLE1="width:95%;"]
بسم الله الرحمن الرحيم
لكلِ محبي الشعر أهدي هذه القصيدة وهي بعنوان ياوجد روحي
الشاعر :ذياب العصيمي

[/TABLE1]
طال الفراق وقصتي كلها أحزان= والصبر مل وملت الروح صبري
والعين تذرف دمعها فوق الاوجان=والنار شبت في ضلوعي وصدري
والهم يطويني على طول الازمان=والجرح ينزف د م وأقول بدري
والوقت مايرحم ولايملك إحسان=مايرحم إلا الله وأفوض له أمري
أقضي طوال الليل مغرم وسهران=وعذري طريح الحب ياشوق عذري
حبٍ حفظته من غلا خدر الاعيان= فاقصى الضلوع وداخل الد م يجري
بيني وبينك حالوا اليوم عدوان= وأنا وحيد و لأجلك أرخصت عمري
ياأجمل زهور الكون يا عود ريحان=شوفك ربيع العمر ويزيد قدري
أنت الغلا وأنت المنى وأنت الاشجان= وأنت العذاب اللي بك أشعلت جمري
[TABLE1="width:95%;"]
[/TABLE1]
ذياب العصيمي 13-08-2009 05:15 AM

رد: الغربه
 
[TABLE1="width:95%;"]
بسم الله الرحمن الرحيم
لشعر الغزل الغنائي طابع خاص وله محبوه وله متذوقوه ولو كان الحزن مخيماً عليه ويسرني أن أهدي لكم هذه القصيده وهي بعنوان طال الفراق
الشاعر : ذياب العصيمي

[/TABLE1]
من هاجس اللي حط للشعر منـزال=وعلا مقامـه فـوق نجـم الثريـا
شعرٍٍ يعز ارجـال ويطمـن ارجـال=ولا عز غير أهل الوفـا والحميـا
ربعٍ لهم فالوقت بصمـات وأفعـال=والهـم صعيبـات المنـاوي تهيـا
عتيبه الهيـلا مداغيـش الابطـال=سقم العدا ريـف الضيـوف اللفيـا
أهل الرمك وان صاح للخيل خيـال=والارض تعرف وطي خيل المحيـا
وأهل المحازم يـوم للنـار شعـال=وجـهٍ لوجـه ولا انحنـو للقفيـا
أفعالهم واخبارهم مضـرب امثـال=نبع الوفـا والطيـب مالـه نهيـا
وابن محيا طيـب الصيـت والفـال=مواقفـه تـرو الكبـود الظمـيـا
من دون وجهه يرخص الحال والمال=هداج تيمـا يـروي الـورد ريـا
وخالد عريب الجد والعـم والخـال=كم واحـدٍ فـي ظـل ركنـه تفيـا
يوفي وعده ولابخـس كـل مكيـال=ولا أخذ على مـدة يمينـه جزيـا
وبندر شجيـع ولاطـمٍ كـل عيـال=حي البيـوت وحـي راع القضيـا
والشعر له هاجس وله خير منـزال=وعلا مقامـه فـوق نجـم الثريـا
[TABLE1="width:95%;"]
[/TABLE1]
ذياب العصيمي 13-08-2009 07:37 PM

رد: الغربه
 
[TABLE1="width:95%;"]
بسم الله الرحمن الرحيم
يشرفي مجاراة الشاعر الكبير بندر بن محيا على قصيدتة التي بعنوان < حميا بني عمي>
الشاعر: ذياب العصيمي

[/TABLE1]

ياقلب لا تحزن على فايتٍ فـات=الماضي اللي فات ماهـو بعايـد
قصة زمانٍ عشتها أحروف وأبيات=وترجمتها مثل القصايـد قصايـد
أجمـل معانيهـا مغانـي ولـذات=وأسوا معانيهـا همـوم ونكايـد
أخفيتها عن عالمي داخل الـذات=وأخذت من ذكرى حياتي فرايـد
يسلابها قلبٍ جروحـه عطيبـات=وعليه من جور الجدايـد جدايـد
ياخذني الهاجوس في كل الاوقـات=وأرجع على نفسي بليـا فوايـد
كان الامل والطيب في ناظري مات=تحيا عزومـي فالليـال الشدايـد
لوأخسر الواقع وكل العلاقـات=ماأندم لوإني عشت عمري محايـد
واخير من ترك الشيم والمـروات=أكيـد تـرك مخالفيـن العوايـد
وياقلب لاتحزن على فايتٍ فـات=الماضي اللـي فـات ماهوبعايـد
[TABLE1="width:95%;"]
[/TABLE1]
ذياب العصيمي 13-08-2009 09:24 PM

رد: الغربه
 
[TABLE1="width:95%;"]
بسم الله الرحمن الرحيم
هذه القصيدة عزيزه على قلبي جداً وهي بعنوان ياقلب
الشاعر : ذياب العصيمي

[/TABLE1]
جابتـنـي الاقــدار فــي منـتـدي الـبـوح=وبـحـت الخفـايـا مـثـل بــوح الـقـوافـي
يـــاروح مـابـعـدك عـلــى دنـيـتــي روح=مـنـك الـوفــاء مـــازال والـمــد وافـــي
لــو يقبـلـن اســروح وتقـفـي اســـروح=تـروى الضوامـي شـرب والجـم صافـي
رزقي علـى الخـلاق مـن ويـن مـا أروح=إلــه الثـنـاء والحـمـد والسـتـر ضـافــي
عشت بقناعة نفس ما عشت مشفـوح=وألا ضـعـيـف الـنـفـس راع الـضـعـافـي
عـلـى بـسـاط الهيـنـه عــاش مـطـروح=وإن فـاتـتــه ردد عـلـيـهـا الـحـسـافــي
ياعنـك مــا خـاويـت صـاحـب لمصـلـوح=إلا رفـيــق الـــروح سـعــي وطـوافــي
هـذاك لامـن غــاب فــاح الـصـدر فــوح=وإلـيـا حـضـر مـعــاد عـنــدي اخـلافــي
وإن جـادت الايـام وإن صـارت اشـحـوح=هـــذاك كـنــزي فالسـنـيـن العـجـافـي
وإن كنت مخطي فالخطاء اليوم مدموح=لا أحـــدٍ يعاتـبـنـي وهــــذا اعـتـرافـي


[TABLE1="width:95%;"]
[/TABLE1]
ذياب العصيمي 14-08-2009 05:26 PM

رد: الغربه
 
[TABLE1="width:95%;"]
بسم الله الرحمن الرحيم
لكل عشاق وأعضاء وزوار منتدى البوح إهداء خاص
الشاعر : ذياب العصيمي

[/TABLE1]

يا مترف الروح منك اليوم ملينـا=لا عاد ترجي وصالي يابعد حالـي
مدامك أقفيت عنك اليـوم قفينـا=الله يهنيك فـي دنيـاك ياالغالـي
والله لا أجفـاك مدامـك مجافينـا=وأريح القلب من حلي وترحالـي
أبعد وأنا أبعد كذا لا عاد ترجينـا=لو إن فرقاك تلويعـي وغربالـي
خليتنـا بـس ربـي مايخليـنـا=لابد من يوم تعرض فيه الاعمالي
يـاوردةٍ فايحـه بيـن البساتينـا=موتي عطش والدهر لو طال ميالي
ياما بكينـاك حسـراتٍ وتبكينـا=ولو هلت ادموعنا في واديٍ سالي
مجنون حبٍ تولع فـي مجانينـا=ما يدري إن الغلا والحـب قتالـي
أبحرت في حب لا مركب ولا مينا=مابين الامواج والغربه والاهوالي
خلاص يازين منك اليـوم ملينـا=لا عاد ترجي وصالي يابعد حالـي

[TABLE1="width:95%;"]
[/TABLE1]
ذياب العصيمي 14-08-2009 09:03 PM

رد: الغربه
 
[TABLE1="width:95%;"]
بسم الله الرحمن الرحيم
تحية طيبة للجميع وهذه قصيدة غزليه بعنوان يامترف الروح
الشاعر:ذياب العصيمي

[/TABLE1]
كل ماحاولت أغض الطرف عنها=وأتناساها وأنا ماني بناسي
غنت الحسرة على قلبي لحنها=ورددت نغماتها حزن ومأسي
الجروح اللي بديت أدفع ثمنها=لبستني شرها وأخذت لباسي
ماهي إبمني وأنا ماني بمنها=وناسها والله ماتشبه لناسي
المناياوالضحايا في وطنها=وفكرها مايستوي مع فكر راسي
لومدحها صاحب النظره لعنها=ونهجها مايشبه النهج الاساسي
ياعليم إبغيب الايام وعلنها=زابنك من كل كرب وكل باسي
ياإلاهي لاتلبسني كفنها= والليالي دايره والوقت قاسي
[TABLE1="width:95%;"]
[/TABLE1]
ذياب العصيمي 15-08-2009 06:42 PM

رد: الغربه
 
[TABLE1="width:95%;"]
بسم الله الرحمن الرحيم
هذه القصيدة لها معاني سامية في نفسي وهي بعنوان كل ما حاولت
الشاعر :ذياب العصيمي

[/TABLE1]
يابدر صبري قضى والنفس محرومه=من واحدٍ عفت صدقاني على شانه
غروٍ ذبحني بنظراته و منظومه=بعده حياتي شقيه مالها خانه
من أول أجلس قباله وأسمع اعلومه=واليوم عين الشقا بالدمع غرقانه
حسبي على الوقت يمي وجه اسهومه=ودمر وطن حبي وصرحه وميدانه
وأرسل سهومٍ من الحرمان مسمومه=تبتر وتحرق بقايا كبد عطشانه
يامن عليه أشتكي والروح مظلومه=ويامن له أبث شكوى القلب وأحزانه
ياالله ياعالمٍ بالحال واهمومه=يامنج ذا النون من بحرك وحيتانه
تلطف بحالٍ من الايام مسقومه=في غبة الهم والتفكير حيرانه
والنفس ماهي عن الزلات معصومه= ولا دلها غير هدي الله سبحانه
ومدام صبري قضى والنفس محرومه=والله ماأعاف صدقاني على شانه
[TABLE1="width:95%;"]
[/TABLE1]
ذياب العصيمي 16-08-2009 08:55 PM

رد: الغربه
 
[TABLE1="width:95%;"]
بسم الله الرحمن الرحيم
هذه قصيدة غزليه أتمنى أن تحوز على رضاكم وهي بعنوان يا بدر
الشاعر : ذياب العصيمي

[/table1][/table1][/table1]




سلام ياتاج الفخر والعداله=سلام يفخربك فخر نجمه وتاج
سلام يا المتعب سلام الجزاله=سلام نهجه غير عن كل منهاج
يالقايد اللي ماندور بداله=يزهى على رتبتك نورين وسراج
حرٍ من العجمان تعرف خصاله=متعب ظهور الخيل مع كل معراج
المتعب المتعب طوالٍ حباله=وليا ورد يارد على عد هداج
معربٍ مابين جده وخاله=وله سمعةٍ تشهر على روس الابراج
وله شيمةٍ تغنيه عن حر ماله=وله مدةٍ يفرح بها كل محتاج
وله وقفةٍ تعرف وحماي قاله=ولا صد عن درب النشاما ولاراج
حي الكريم وحي قوم الاصاله= وحي البيوت اللي للاخيار دلاج
يابوفهد رمز الوفا والشكاله=رايتك بيضا وأنت للطيب نهاج
فيك المديح يفوق حتى خياله=والشعر يزهابه حريرٍ وديباج
وأنا نظمت القاف قدر وجماله=أثني على شخصك ثنا كل حجاج
من قلب صافي والموارد زلاله=يشهد علي اللي من الضيق فراج
ربٍ تعالى في سماه ابجلاله=اللي وهبني حكمة القول فلاج
وعلى نبي الله موف الرساله=أزكى الصلاة إعداد مسرى ومعراج
[table1="width:95%;"]
[/table1]
ذياب العصيمي 18-08-2009 05:01 PM

رد: الغربه
 
[table1="width:95%;"]
[table1="width:95%;"]
بسم الله الرحمن الرحيم

أضع بين أيديكم هذه القصيدة المتواضعة في الأخ العزيز سـعادة المقدم / سعود فهد المتعب وهي قليل في حق شخصه الكريم
[table1="width:95%;"]
المتعب المتعب
الشاعر : ذياب العصيمي

[/TABLE1]




لو تسأل الـروح عمـا كـان يشقيهـا=قالت لك الغدر والحرمان والضيقه
ثـلاثـة أسـبــاب مـاتـقـدر تخفـيـهـا=صارت على القلب توثيقه وتعليقـه
والدمعه اللي على خـدي مواريهـا=أغلى من الوقت تغريبـه وتشريقـه
قصـة ألـم تـاه فكـري فـي معانيهـا=أظنهـا حلـم لـيـلٍ صـعـب تحقيـقـه






روحي حداها حـادي العيـص للعيـص=علـى عـذاب البيـن فـي نـازح البـيـن
وضاقت بي الحيلـه ولا لـي مخاليـص=وجـداي أجـاوب دمعـة العيـن للعـيـن
والحزن له في داخل الروح تخصيص=ويلوج في صدري مـن الحيـن للحيـن
يامالكٍ روحـي تـرى ماأنـت برخيـص=لـك فــي حناياالقـلـب قــدر وبساتـيـن






يافايزه عالجينـي بعـد جيتـك قريـص=ترى الافاعي تسوق الموت مع سمها
عزالله إني مـع الايـام دايـم حريـص=لكـن بقعـا خذتنـي فـي طـرف كمـهـا
غالي ثمـن لاتحسبينـي رديٍ رخيـص=وإليـا سألتـي عروقـي جاوبـك دمـهـا
هذا مقدر ولالي عن مصيري محيص=لـو آخـذ الـروح بيـن إيـداي وألمـهـا
آمنت بالواحد اللي في عباده بخيـص=ربٍ عليـه أتـكـل وافـروضـه أتمـهـا
[TABLE1="width:95%;"]
[/TABLE1]
ذياب العصيمي 20-08-2009 04:58 AM

رد: الغربه
 
[TABLE1="width:95%;"]
بسم الله الرحمن الرحيم

أهدي لكم بعض الخواطر الشعرية من بحر الغرابيل
الشاعر: ذياب العصيمي

[/TABLE1]
[TABLE1="width:95%;"]
[/TABLE1]

ياعين لاتبكيه مال البكاء دور= ماأرخصت للمقفي دموعٍ ثمينه
إبكي على اللي عاش مغرم ومقهور=يمكن تواسيه الدموع الحزينه
مجبور أهل الدمع ياعين مجبور=على شقيٍ ماصفت له سنينه
إيه إبتلينا والغلا احساس وشعور=وقلبي تركته في يدينه رهينه
غروٍ عيونه حور وأوصافه الحور=حالت ظروف الوقت بيني وبينه
وحل الظلام وغاب عن عيني النور=وأقفت ليالٍ كنت أنا نور عينه
حسبي على العذال نقالة الزور=أهل الوشاه أهل القلوب اللعينه
إتهد صرحٍ بالوفا كان معمور=وتشب في قلبٍ تزايد حنينه
ياالله يامنجي من الظلم والجور=ياناصرٍ عبده وجنده ودينه
تفرج لمن هو داخل الظلم مأسور=ماله رجاء إلا الله عسى الله يعينه
وياعين لاتبكيه مال البكاء دور=ماأرخصت للمقفي دموعٍ ثمينه
:سديراوي:
[TABLE1="width:95%;"]
[/TABLE1]
ذياب العصيمي 24-08-2009 05:55 PM

رد: الغربه
 
[TABLE1="width:95%;"]
بسم الله الرحمن الرحيم

أهدي لكم هذه القصيدة الغزلية وهي بعنوان
ياعين
الشاعر : ذياب العصيمي

[/TABLE1]

[TABLE1="width:95%;"]
[/TABLE1]حيث وجهتها إلي الشاعر الكبير / بدر العير

وسأضع بين أيديكم القصيدة و الرد عليها[/TABLE1]
[TABLE1="width:95%;"]
[/TABLE1]
يابدر صبري قضى والنفس محرومه=من واحدٍ عفـت صدقانـي علـى شانـه
غـروٍ ذبحـنـي بنظـراتـه و منظـومـه=بـعـده حيـاتـي شـقـيـه مـالـهـا خـانــه
من أول أجلس قباله وأسمـع اعلومـه=واليـوم عيـن الشقـا بالـدمـع غرقـانـه
حسبي على الوقت يمي وجه اسهومه=ودمر وطـن حبـي وصرحـه وميدانـه
وأرسل سهومٍ من الحرمـان مسمومـه=تبتـر وتـحـرق بقـايـا كـبـد عطشـانـه
يامن عليه أشتكـي والـروح مظلومـه=ويامن له أبث شكوى القلب وأحزانـه
يـــاالله يـاعـالـمٍ بـالـحـال واهـمـومـه=يامنج ذا النـون مـن بحـرك وحيتانـه
تلطـف بـحـالٍ مــن الايــام مسقـومـه=فــي غـبـة الـهـم والتفكـيـر حيـرانـه
والنفس ماهي عن الـزلات معصومـه=ولا دلـهـا غـيـر هــدي الله سبـحـانـه
ومدام صبري قضى والنفس محرومه=والله ماأعـاف صدقانـي عـلـى شـانـه



[TABLE1="width:95%;"]
[/TABLE1]

يا مرحبا عد وبلٍ طاحت واسومه=وإعداد نبت الحيا من صادق أمزانه
وإعداد ماشام حر وعانق اغيومه=وإعداد ماطاحت الصيده بميدانه
بالصاحب اللي حروفه جات مرسومه=لا أبو القصايد بعد حرفه وقيفانه
صدق المشاعر بسحر الحرف منظومه=عقدٍ منسق بلولوه ومرجانه
إحساس عزه ونفسٍ حيل مغرومه=لوحه رسمها ذياب بطيب أوزانه
ماهي غريبه وبرقا وروق هم قومه= فطاحلة شعر ساس العز وأركانه
ياصاحبي كم نفس اليوم محرومه=ويا كم قلبٍ خلط جرحه ودمانه
ويا كثر ما فز طرف بسابع النومه=ويا كم حلمٍ وقف قدام بيبانه
بأسباب ريمٍ بكل الحسن مردومه=ربٍ خلقها عطاها الزين بالوانه
العين والعنق وصف الضبي مكسومه=والجسم تينه بسبل الغيث رويانه
أجمل من الخد أبو خالين مزمومه=وأحلى من الشهد والطايف ورمانه
القلب لامن هوى ماأحدٍ يبي يلومه=وناسٍ تعيبه تراها ناس غلطانه
صحيح أكثر قلوب الخلق مصدومه =من واقع العشق وقصوره وسكانه
لكن هاذي طباعه تعكس اسلومه=ماهي غريبه تموت النفس ضميانه
ومدام قلبك شكى للخالق اهمومه=أنا أشهد إنه زبن ياطيب مزبانه
وأختم بقولك مدام النفس محرومه=حرام قلبي يعاف أهله وصدقانه
:close_tema:
ذياب العصيمي 27-08-2009 06:06 AM

رد: الغربه
 
[TABLE1="width:95%;"]
بسم الله الرحمن الرحيم
تحيه طيبه للجميع وهذه قصيدة غزليه بعنوان
[TABLE1="width:95%;"]
يابدر
الشاعر/ ذياب العصيمي
رد الشاعر الكبير / بدر العير

[/TABLE1]

اعتبرني حلم ليل و طيف عين=مر قدامك مثل عابر سبيل
ولا تضايق خاطرٍ عايش حزين=عاش عمره من رحيلٍ في رحيلٍ
والآسى والهم والجرح الدفين=خلها في قلب للحسره وكيل
والوفاء والطيب والعمر الثمين=كلها راحت مع الوقت البخيل
ماتت الفرحه على مر السنين=والغلا في ضحكة الدنيا قتيل
وقصتي لو تعتبرها طيف عين=ما تجاهلني و أنا عابر سبيل

أسهل علي إفراق كل المخاليق= إلا أنت ما يسهل عليه إفراقك
تليت قلبي من صخاف المعاليق=وشوقتني و أتعبتني بإشتياقك
وعلقتني بين المواعيد تعليق=وأحرقتني ياللي شقاي إحتراقك
حتى العسل من مبسك حالي الريق=وأحلى مذاق أحلى البشر في مذاقك
[TABLE1="width:95%;"]
[/TABLE1]
ذياب العصيمي 05-09-2009 07:56 PM

رد: الغربه
 
[TABLE1="width:95%;"]
بسم الله الرحمن الرحيم

الأبيات الخاصه لها عندي طابع خاص أحكي بها بعض المشاعر وأرسم بها بعض الصور
الشاعر / ذياب العصيمي

[/TABLE1]

[TABLE1="width:95%;"]
[/TABLE1]

إي والله أبعد عن ردييـن الأعمـال=أموت ماذليت نفسـي وأنـا حـيّ
لي مع رجال الطيب مورد ومدهـال=على النقا والعز ما أمشي ورى الغيّ
يوم إن ولد اللاش للطيب مـا نـال=أنا كسبت المرجلـه فخـر بيـديّ
ولي فوق هامات العلا خير منـزال=ولا أحط نفسي في مكانٍ مهـو لـي
ولاني من اللي ينقل القيـل والقـال= أهل النمايم والحسد حالهـم سـيّ
وأنا أعبد الله ما أعبد الوجه والمال=أسلك طريق المرجله كامل الضـيّ
سمـي خيـالٍ قهـر كـم خـيـال=ذياب بن غانم عمـى كـل مخطـي
تشهد له الكتاب في كـل الأجيـال=مروّي الشلفا من إلحـوم وادّمـي
حرٍ شهر بالفعـل تضربـه أمثـال=أمورد الضامي على راهـي المـي
واللي تسمى بالشجيعيـن الأبطـال=يفخربهم لا صـار يامـر وينهـي
أقولها غصـبٍ علـى كـل دجـال=وقولٍ بلا برهان يصبـح ولا شـي
[TABLE1="width:95%;"]
[/TABLE1]
ذياب العصيمي 15-09-2009 04:24 AM

رد: الــــــغــــــربـــــــــــه
 
[TABLE1="width:95%;"]
بسم الله الرحمن الرحيم
هذه القصيدة خاصة وأتمنى أن تحوز على رضى متذوقي الشعر
ذيــــــــــاب بن غـــــــانـــــــــــم
الشاعر / ذياب العصيمي


الساعة الآن 12:07 PM.

Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه