منتديات سدير

منتديات سدير (http://www.sudeer.com/vb/index.php)
-   ¨° أوراقنــــا °¨ (http://www.sudeer.com/vb/forumdisplay.php?f=111)
-   -   " مَـــرَافِِِـــىء " (http://www.sudeer.com/vb/showthread.php?t=76920)

منصــور المنصــور 09-04-2009 02:03 PM

" مَـــرَافِِِـــىء "
 



هو
/ انسان بسيط
.. عرف ان الحياة اسعاد
الاخرين ..
وان معنى العطاء ( عدم انتظار الشكر )












مرافئـه / ملاذ لسفائنه من عناء الابحار والسفر داخله .....

منصــور المنصــور 19-04-2009 10:53 AM

رد: " مَـــرَافِِِـــىء "
 
مهما كبرت وقالوا الناس رجال=لاشفتها نسيت كل الرجوله
اطفال مانزعل ليا قيل اطفال=قدام عين الأم تحلى الطفوله





كنت هنا !

منصــور المنصــور 22-01-2011 08:08 AM

رد: " مَـــرَافِِِـــىء "
 
من زمان ماجيت هنا !!


ياربي وش اقول ؟؟ وش اكتب ؟؟


مرافئي اسف ترى كنت مشغول .. ماهو بـ عنك بس مشغول عني
.

.

.

ان شاء الله تقبل عذري ..

منصــور المنصــور 22-01-2011 08:28 AM

رد: " مَـــرَافِِِـــىء "
 

سرقت قلبك منك ليتي سرقتك
..........................وش ينبغى بالقلب وانتي بعيده
.


.

.
.
.

وبعدين !! يعني بيت يتيم !!

اف

احس بضيق !!

برجع بعدين اكمل يمكن يطلع شي


:bye:

منصــور المنصــور 18-05-2011 01:17 AM

رد: " مَـــرَافِِِـــىء "
 
وصلتني هذه القصيدة واعجبتني كثير

ولا أعرف من شاعرها .

وأحببت أن أطرحها لكم :


يا صاحبي لا تزعجك دمعة العين
بعض الدموع تعقّب القلب راحه
اليا نزلت من ضيقةٍ فالشراييـن
يعود للقلب الحزيـن انشراحـه
بلاك من دمعٍ محدّر على ويـن
ماله بساحات الرجولـه مساحـه
اما نزل لعيون سـاره وداريـن
والا بعد فوز الهـلال ونجاحـه
ما يطرح دموع الرجل غير ثنتين
ثنتيـن فيهـن دمعتـه مستباحـه
الاوله لا من غـدا الليـل ليليـن
في ساعةٍ كلٍ هجع في مراحـه
لا فز من نومه زبـون الامرّيـن
واعلن مع الرحمن ساعة صراحه
عدّه سجين وقصّته عقب يوميـن
لكن سبقْه العفو واطلِق سراحـه
والثانيه لا فارق القلـب غاليـن
فرقا مهي فرقا السفر والسياحـه
فرقا الكفن والمقبـرة والمعزيـن
فرقا سؤال المغفـرة والاباحـه
في غيرهن يا صاحبي ريّح العين
واستنقص الدنيا وتـزداد راحـه



منصــور المنصــور 19-05-2011 06:03 AM

رد: " مَـــرَافِِِـــىء "
 

تكفون

تكفون

تكفون


تكفون


تكفون

تكفون

تكفون

في ظهر الغيب ادعوا للوالده ان الله يشافيها ويقومها بالسلامه ومرضى المسلمين

منصــور المنصــور 03-08-2014 03:02 PM

رد: " مَـــرَافِِِـــىء "
 
انا رفـيـق الليــل والهــم والغــــــم
حتى الحزن اصبح معاهم رفيــقي


المشكــلــه ماهي بالكيف والـكم
المشكله من هو الرفيق الحقيقي

!

منصور

منصــور المنصــور 03-08-2014 03:04 PM

رد: " مَـــرَافِِِـــىء "
 
ودك تسـولف لا تســولف على النــاس
النـــاس بعــض النـــاس فيهم مــلاقيف


سولف بصدق شعور وبصادق احساس
على الــورق تحـلى جمــيع الســـواليف

!

منصور

منصــور المنصــور 03-08-2014 03:06 PM

رد: " مَـــرَافِِِـــىء "
 
فكرت كيف انهـيك وافرح بمــوتك
وفكرت حتى بعد مـــــوتك ابرثيك


لكن منعني قبل ما انهيك صـوتك
يومك تقول الموت لمسـة اياديك

!

منصور

منصــور المنصــور 03-08-2014 03:07 PM

رد: " مَـــرَافِِِـــىء "
 
ودك تعيــش بخير وتنام مـــرتاح
الامس خله لا تفكـــر ابــد فيـــه


ما يرجع اللي راح ياخوك لا راح
فكــر بـ يومك من قبل لا تخلــيه

!

منصور

منصــور المنصــور 03-08-2014 05:38 PM

رد: " مَـــرَافِِِـــىء "
 
لـ اخوي رحمه الله ..

ياليت شفته قبل ساعـــة وداعــــــه
والا جلسنــا مع بعضنـــا لو شــــوي

ضاق الفضاء يا بوي رغم اتساعــــه
حتى الحياة بدون اخويه ولا شـــي

!

منصور

منصــور المنصــور 03-08-2014 07:00 PM

رد: " مَـــرَافِِِـــىء "
 
شكرا لمن قام بتصميم هذا العمل والله يجزاه خير الجزاء

مرثيه في الاخ احمد المنصور رحمه الله

https://www.youtube.com/watch?v=SlmdhZTfnMQ#t=60

منصــور المنصــور 10-08-2014 10:15 PM

رد: " مَـــرَافِِِـــىء "
 
رسالتي للي يحـــبون الابيـــــات
لا تنسبــون البيت الا للـــــراعيه

الشاعر اللي ساهر الليل ما بات
يتعب على بيت القصـيـد ومعانيه

منصــور المنصــور 10-08-2014 10:17 PM

رد: " مَـــرَافِِِـــىء "
 
شكرا لـ اهالي عودة سدير على حسن الاستقبال والكرم الغير مستغرب

اتمنى ان ما قدمته نال بعض الرضى والقبول


http://www.youtube.com/watch?v=xXetk...ature=youtu.be

منصــور المنصــور 11-08-2014 02:48 AM

رد: " مَـــرَافِِِـــىء "
 
!

!

تسولف للمـــــرايه تبتسم وتقول مزيونه

.......... وتسكت تنتظر وش ودها تحكي مرايتها


!


بيت يتيم


الساعة الآن 09:34 PM.

Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه