أم صعرور لا تلف و لا تدور
عيال الحارة :
حويلان دايم يصمخ في ماصورة الكهرب اللي في العاير, يطلع له صعرور تايواني تقليد لايلبت الا و يزول مسكين مايمديه يفرح به و عميَّان يقطع الشارع و لا نسمع الا بواري و هو في عالمه الثاني. و الأصمخ قد صكه أبوه كف لانه سرق الجحه و حطها قطة في عزيمة الحيالة و سمعه عطاك عمره و أم القنازع دايم وجهها اشهب من لعب المصاقيل في الريغى و الصولة هذا أبو الكعابة الدلخ مايدري وين الله حاطه |
رد: أم صعرور لا تلف و لا تدور
السلام عيكم ورحمة الله وبركاته ..
وعمدتكم مالها ذكر من ضمن الشلّة .. أنا أحتجّ وعلى أساس إنك طالع منهم ههههههه , أخلص وش عيارتك .. بداية موفّقة .. فالإنتظار , |
رد: أم صعرور لا تلف و لا تدور
دائماً الراس الكبير مايحتاج لتعريف
و انا سر مالك دخل :) جايه جايه الله لا يعوق بشر |
رد: أم صعرور لا تلف و لا تدور
أم صعرور لا تلف و لا تدور
ماشاء الله عليها ماشيه سيده بيض الله وجهها اهم شيء ماتفلق أحد من عيال الحاره اولهم أنت فيصل وأبو إبراهيم ههههههههه من أولها شكلها فله لا تصيف علينا ننتظرك |
رد: أم صعرور لا تلف و لا تدور
اقتباس:
الله الله .. يقال أنّ السر شيء وهمي :spiteful: ياحضرة الباشا , |
رد: أم صعرور لا تلف و لا تدور
هههههههههه
زين رجعت ام صعرور والله بتخلي المنتدى شعلة نشاط الله يقويك اخوي فيصل |
رد: أم صعرور لا تلف و لا تدور
عمي الله يطول عمره كمل السالفة :
المهم جت ذاك اليوم عقب الظهر و شافت الاصمخ و هو يلحق حمار القاز اللي منحاش من راعية بالقاز و الاصمخ يلحقه عشان يركب على العربية و سبقت الحمار و وقفته و راحت للاصمخ و مسكت جرانه " هالحين أحطك تحت كفر العربية و امردسك " " وين قروش الدورة بالسيكل ؟" الأصمخ مايسمع وش تقول لكنه عرف وش تبي , و قال لها خذي قاز بلاش الين نشبعين صكته ذاك الصعرور اللي صارت كشرته تضحك من الوجع , جا حويلان ومد لها قرشين و قال خليه خلاص قالت لا هذي القرشين حقت دورتك اللي تبي تاخذها قال أنا ماعرف أسوق من عيوني , قالت تروح و لا اكمّخك , الا الضعيف انسحب و ذلك الاصمخ مغير يشاهق من الوجع بين يديها. الا تذكرت المنظر رحمته الا الحين حمار القاز : http://sudeer.com/up/do.php?img=30 |
رد: أم صعرور لا تلف و لا تدور
أحس رجعت لي الحياة :) أسرت قلبي هذه الفتاة ..
لاتطول علينا رعاك الله , |
رد: أم صعرور لا تلف و لا تدور
أنا قريت البداية هنا، ولف راسي ، ثم طحت بالصدفة على موضوع ودق حق ذكريات الطفولة وعرفت الرابط .
فبصل لعلك تحجز لي كرسي قدام الشاشة ، ودي اركز على ام الصعارير ، ودامت سوراليفك . بانتظارك |
رد: أم صعرور لا تلف و لا تدور
حيا الله الجميع بلا عدد ,
** سكن في الحارة ولد جديد وزي العادة, الجديد يقعد على زلفة بابهم و يستحي لا يشارك العب و يتفرج و هو يحتري أحد يعزمة , عاد الطقة كلها نفسيات و لا عندهم من الذوق قطبة , مجمدينه و لا كأنه موجود , , كل يوم يطلع و لا أحد لمه , خذ له فترة و هو على هالحال, , طلع ذاك الظهر عميان و لا في الشارع الا هو و الولد الجديد و معه بسكوت و ببسيه عند الباب, فكر عميّان بحيلة و شلون يدخل جو معه و ياخذ من الغنيمة , شات الكورة لمه و رجعها عليه , قال تلعب معي قال اخلص ببسيتي و العب , قال أجل أحتريك و قعد جنبة و مد يده للبسكوت و اخذه و قال الببسيه حارة و لا باردة هات اشوف, و لهطها عميان و لهمد البسكوت , الجديد تفاخر و قال ترانا تجار ابوي تاجر عنده قروش واجد , عميان ماصدق خبر , قال أتحداك , وين قروشكم , قال عندنا في البيت في التجوري , قال عميان تنصب علي أنت, رح ورني لو ريال , قاله أصبر أوريك , دخل الولد و عميان يحتري الغنيمة و يسمعه يصيح في البيت " أبي رياااااااااا ل أبي رياااااااااااااااال" ابوه عيا عليه و هو مصر بالصياح, في الأخير , طلع الولد بريال , قال شفت اننا تجار قال هذا حق أبوك و لا حقك , قال حقي , قال نصاب كانك صاتدز ياله للدكان و أشتر لي , راح معه للدكان وشرى لعميان بسكوت و ميرندا, قاله الحين صحيج أنتم تجار . :) هذا الدلخ "هذا صار لقبه " . |
رد: أم صعرور لا تلف و لا تدور
ههههههههههههههههههههههه
حبيتها أم صعرور ما تجينا بالمجمعة صدقت وَدْقْ وكأن الحياة عادت بعودتها وقصص الغالي فيصل , فمرحبا ومرحبا بقلم صريح |
رد: أم صعرور لا تلف و لا تدور
اين انت اخي فيصل لا تطول علينا بسوالف ام صعرور واهل الحاره
ننتظرك بكل شوق لسوالفك |
رد: أم صعرور لا تلف و لا تدور
الأصمخ نجح و شرا له أبوه سيكل مستعمل ,دركسونه حق سيكل كبير يالله يمد يديه و يمسكه و هو راكب , فرحان به و قعد يسوق في الشارع رايح جاي يزمر به , يوم شبع منه قام يردف , و الردفه بقرشين الين البقاله و يرجع , يعني تذكرة ذهاب و إياب , و حويلان سقط , بس ماعلم أحد و صلح له نباطه شرا السيور من اللي يصلح النعال اللي اسفلها قطعة كفر و الباقي سيور استك سيارة , يحط قواطي نيدو او اي علبة و من بعيد ينبطها بحصاه الصغار اللي مالي مخباته بها ,
النبيطة : http://im72.gulfup.com/2s54Ov.jpg أم صعرور رايحه مع أمها لجدتها الكل ماخذ راحته , |
رد: أم صعرور لا تلف و لا تدور
هههههههههه
الله يسعدك وبعدين احسن ام صعرور عند جدتها كان صارت علوم |
رد: أم صعرور لا تلف و لا تدور
هههه اذا راحت لجدتها تاخذ راحتها اكثر والله يعين البزارين عليها |
الساعة الآن 12:01 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه