منتديات سدير

منتديات سدير (http://www.sudeer.com/vb/index.php)
-   ¨° أوراقنــــا °¨ (http://www.sudeer.com/vb/forumdisplay.php?f=111)
-   -   &^ بــــــوح القصــــــيد ^& (http://www.sudeer.com/vb/showthread.php?t=156801)

بوح القصيد 09-03-2014 08:28 PM

&^ بــــــوح القصــــــيد ^&
 

http://smiles.al-wed.com/smiles/60/1111116af.gif
http://smiles.al-wed.com/smiles/25/10.gif
اهلين وسهلين
اشرقت الانوار وتدفق الأنهار وغردت الطيور بكم فياهلا وياسهلا بالقلب نبعثر التراحيب ونزف استقبالنا معطر بالورد والكادي
مملؤء بالحب والشوق والمشاعر الفياضة
اهلين اهلين
اهلين اهلين اهلين
اهلين اهلين اهلين اهلين
اهلين اهلين اهلين اهلين اهلين
(مرحبا بالجميع )
اهلين اهلين اهلين اهلين
اهلين اهلين اهلين
اهلين اهلين
بكل ريحه الفل والياسمين والورد والزهر
وبكل ما اجتمع المسك والريحان والعود والعنبر
بعدد مانبت الشجر والورود والزهر
وبعدد ما طلع القمر
وبعدد مانور البدر
اقول مرحبا فيكم والبيت بيتكم والله يحييكم
ان شاء الله تجدون ماينال قبولكم واستحسانكم والمعذرة عن أي قصور لكم مني الشكر والتقدير مقدما


بوح القصيد 09-03-2014 08:31 PM

رد: &^ بــــــوح القصــــــيد ^&
 
انا مثل خالد على العود عازف
اعزف على اوتارالقصيد الرزينة
حبرالقلم من حزن الابيات نازف
عندي من الشعرالمغنى خزينة
راع الهوى من عزفة العود رازف
يطرب خفوقه للحون الحزينة
وحي

بوح القصيد 09-03-2014 08:32 PM

رد: &^ بــــــوح القصــــــيد ^&
 
حياكم عشاق القصيد ورواد الشعر هذه اول قصيدة لي معكم في هذه المدونة لعلها ان تنال اعجابكم واستحسانكم لك كل الشكر نقدما


الهنوف الي تبخترفي رداها
في عيون الحب زانت وكملت
ياحلاها وان حكت يقطر حلاها

فوق عرش الزين شاخت واعتلت
ياخطاهاتذبح العاشق خطاها

لاتثنت فالعباة وميلت
في رداها يرقد العطر برداها

كنها من غالي العطر امتلت
ياصباح الخير وان شعشع سناها

ظلمة الليل العتيمه انجلت
يامساها يسعده ربي مساها

هفهفات الشوق تقبل لاقبلت
ياهوها يوم ناداني هواها

نسمة العشاق فالقلب نزلت
من غلاهاكل مايطري غلاها

دمعة الشوق العنيفة حولت
يارضاهادوم يتعبني رضاها

تصغر الدنيابعيني لازعلت
مانساهاقلب مغرم مانساها

لوتغيب النفس عنها ماسلت
ياعساهامانست حبي عساها

تذكر ايام الغرام الي خلت


بقلمي
بوح القصيد

بوح القصيد 10-03-2014 01:01 AM

رد: &^ بــــــوح القصــــــيد ^&
 
اكتب وعبرعن شعورك بالأبيات
ارجوك لاتخفي هواك وشعورك
لاتدفن احساسك وهوحي مامات
لاصارت انفاس المحبة تزورك

بوح

بوح القصيد 10-03-2014 01:02 AM

رد: &^ بــــــوح القصــــــيد ^&
 
على حلم تولم للرحيل وجهز اركابه
نخيتك ياالأمل تترك مساراتي ومسرها
بعد مل الرجا واقف ويتحرى على بابه
نسى نفسه على درب الوعود الي تحراها

ترا يا هاجس الذكرى حلوم الليل كذابه
نصيحة ابتعد وارحل ولا يشغلك ذكراها

بوح

بوح القصيد 10-03-2014 01:04 AM

رد: &^ بــــــوح القصــــــيد ^&
 
خلك وسيع البال في حزة الضيق
مادام لك بالكون مخرج ومنهاج
اعرف ولوصكت عليك المغاليق
فياسرع عقب الضيق حزات الأفراج
وان كان لاضاقت جفوك المخاليق
دور وتلقى لك مساحة ومنهاج
الله خلق للناس سبع مطابيق
يمشي بها جو الخلا كل فجاج



بوح

بوح القصيد 10-03-2014 01:05 AM

رد: &^ بــــــوح القصــــــيد ^&
 
الليل راق وخاطري فيك يازين
محتاج لك والشوق فيني تهيا
تعال عطني ياهوى البال ثنتين
وحده هنا والثانية من هنيا
والثالثة من بينهم يااكحل العين
بشرب حنانك من حمار الشفيا
محتاج للضمة ومشتاق تكفين
ان كان عندك للنخاوي حميا

بوح

بوح القصيد 10-03-2014 01:05 AM

رد: &^ بــــــوح القصــــــيد ^&
 
خلو حبيبي لاتجيبون طاريه
وش دخلكم ياناس بينه وبيني
كل العذارى ماتجيله مواطيه
عندي وكل له عشير وخديني
لوجيت اوصف في عيوني معانيه
الله ياكبره حبيبي بعيني
مره بغيت اكتب قصيده بعينيه
جف القلم وانا اتعبتني يديني
طيب اجل وش لون باقي حلاويه
ماظن يكــفيها كـتابة سنيني

بوح

بوح القصيد 11-03-2014 12:56 AM

رد: &^ بــــــوح القصــــــيد ^&
 
طيب ولونفرض عشقتك وبعدين
حتى ولو انك توقولين احبك
حتى ولو نحكي كلام المحبين
حتى ولو احلف وتحلف بربك
هذا الغلا والشوق يوصل الى وين
لاصرت ما أهنى بشوفك وقربك ؟!

بوح

بوح القصيد 11-03-2014 01:05 AM

رد: &^ بــــــوح القصــــــيد ^&
 
تعال واهمسي لي عن الحب يازين
تحبني من قلب والا تسلا
لاتترك الخفاق مابين امرين
صوت الحقيقة انتظاره مملا
ان كانها بالسلب ناديت بالبين
وان كانها ايجاب اهلا وسهلا
بوح

بوح القصيد 11-03-2014 01:34 AM

رد: &^ بــــــوح القصــــــيد ^&
 
مافيه احد
الا انا في هالمكان المبتعد
مافيه احد
غير المسافة والبعد
غيرانتظاري للوعد
مافيه احد
ياموعدي نفس الزمان
نفس الكراسي والمكان
جيت وعنيت لمقصدي
ودي الاقي موعدي
رد المكان وقال لي
مافيه احد
مافيه احد


بوح

بوح القصيد 12-03-2014 01:05 AM

رد: &^ بــــــوح القصــــــيد ^&
 
باسم الغلا والشوق ياسيد ذاتي
ابغى مكانه في مساحات قلبك
عطني رجاي والامل وامنياتي
عطني حنانك واهتمامك وحبك
يالي بأمر الحب تملك حياتي
ودي اعيش العمر كله بقربك
بوح

بوح القصيد 12-03-2014 05:05 PM

رد: &^ بــــــوح القصــــــيد ^&
 
مكان وطاولة احباب
وجو آمال مسرورة
وعود وما لفى غياب
بقايا ورد منثورة
وليل اهل المحبة شاب
كساه الصبح من نوره
وبال المنتظر ماطاب
حبسه اليأس في سوره
حزين وخاطره منصاب
تروح الروح معذوره
خسارة ظنه الي خاب
ونفس الشوق ماجوره

بوح

بوح القصيد 12-03-2014 05:18 PM

رد: &^ بــــــوح القصــــــيد ^&
 
بيني وبين الحب موعد وميعاد
وانطر مواعيد المحبة تزيني
دورت للميعاد مولد وميلاد
لكن تعثر واجهضته السنيني
في كل ليلة سيرة الحب تنعاد
لكن زمان الحب عيا يجيني

بوح

بوح القصيد 12-03-2014 11:40 PM

رد: &^ بــــــوح القصــــــيد ^&
 
اناسهرتك شوق واحساس محبوب
ياساكنة كل الأحاسيس فيني
خليني اسكن في حناياك واذوب

ضمي خفوقي في الهوى واحضنيني
مادام تدري عن محبتك ماتوب
خذني رهينة حب طول السنيني

بوح

بوح القصيد 14-03-2014 11:46 AM

رد: &^ بــــــوح القصــــــيد ^&
 
لاتستحي قل احبك قالها السامر
ارجوك لاتخفي احساس الغلا قلها
اكسر الحاجز وخوفك في الهوى غامر
انطق حروف الغلا بالحب كملها
لب الخفوق الي بصوت الهوى يامر
روح المحبة بنا لياك تقتلها
مادام قلبك بحبي يالغلا عامر
خذ رغبة الحب من قلبي ودللها

بوح

بوح القصيد 15-03-2014 05:54 AM

رد: &^ بــــــوح القصــــــيد ^&
 
مع صباح البرد وانفاس الجليد
من ضلوع الشوق ولعت الجمر
من حرارة ضوها ذاب الوريد
كن في جوفي وقيدة من سمر
من يبي يدفا ترا جالي وقيد
يبشر بنار دفاها مستمر

بوح

بوح القصيد 17-03-2014 12:45 PM

رد: &^ بــــــوح القصــــــيد ^&
 
مهما كتبنا عن مشاعرهوانا
يبقى بعضها داخل القلب مدفون
ماكل من يتبع هوانا لقانا
في الحب مانتبع هوى الي يقفون
الا الذي في الحب يشري غلانا
نشري غلاه ومسكنه داخل النون
نعطي وفا واخلاص للي عطانا
ونترك هوى الي بالمحبة يمنون
وحده بوحده بالجفا من بدانا
والي تعنوا في هواهم يعذرون
بوح

بوح القصيد 19-03-2014 06:15 PM

رد: &^ بــــــوح القصــــــيد ^&
 
المسا هذا على شرفة لقاك
صارفي قلب الغلا اغلى مسا
ياحبيب الروح يسعدلي مساك
بالهنا والحب يا احلى النسا


بوح

بوح القصيد 20-03-2014 08:29 AM

رد: &^ بــــــوح القصــــــيد ^&
 
تدرون ان البنت هذي حكاية
صارت حكاية تروي الدل والذوق
في حسنها تروي فصول الرواية
قصة حلا وتسولف بزين منطوق
يعني من اولها الين النهاية
درة وفاقت بالحلا كل مخلوق


بوح

بوح القصيد 20-03-2014 12:16 PM

رد: &^ بــــــوح القصــــــيد ^&
 
حيرتني بدروب الأشواق واحترت
مدري يمين الدرب والا شماله
عجزت احدد وجهة الدرب واخترت
اوقف وارجع خطوتي عن مجاله
اخاف اتيه بدرب الأشواق لوسرت
ويعيش قلبي بالمتاهه لحاله

بوح

بوح القصيد 20-03-2014 11:58 PM

رد: &^ بــــــوح القصــــــيد ^&
 
صح شوف الراي يابعد النظر
نظرتك في الحب مافيها قصور
دايم تفرض على قلبك حظر
مايدشه حب لاصار محظور
بوح

بوح القصيد 22-03-2014 01:13 AM

رد: &^ بــــــوح القصــــــيد ^&
 
انتي سحابة طاهرة تمطر الحب
تنثر مطرها فوق الأرواح ديمة
تخضر الأنفس من عطاها وتعشب
هتانها يشفي القلوب الأليمة
مع عاطفتها ام حنية الأب
رمز المعاني في المحبة رحيمة
تعطي بلا منات من غير تحسب
المرأة الي بالمواقف عظيمة
انا اشهد انك يامنى الروح مطلب
ياوافية يامسلمة ياحشيمة


بوح

بوح القصيد 22-03-2014 01:53 PM

رد: &^ بــــــوح القصــــــيد ^&
 
حبيبتي من حسنها كنها الحور
فيها من اوصاف الأنوثة دلايل
الصبح ياخذ من سنا خدها نور
والليل ياخذ من شعرها خصايل
كن الجبين يشع من نور بلور
برق تلا لا بين هاك الجدايل
بوح

بوح القصيد 22-03-2014 11:12 PM

رد: &^ بــــــوح القصــــــيد ^&
 
قلبي ومحتاج الغلا والدلالي
محتاج له خل يحبه ويغليه
ياما وياما عذبته الليالي
محتاج للقمرا تنور لياليه
هذا مناة الروح في حب غالي
قلب يحب بصدق وبصدق اغليه
اسقيه من كاس به الشوق حالي
واشرب من كفوفه لذيذه وحاليه
واعطيه من دنيا الغرام الخيالي
وارضي غروره بالملذات وارضيه
وان كان قلبه بالمحبه صفالي
اقسم قسم بالله لاعطيه واعطيه


بوح

بوح القصيد 24-03-2014 12:42 AM

رد: &^ بــــــوح القصــــــيد ^&
 
لايتعبك صمتي ترا الصمت حكمة
لأن الكلام الزود مافيه راحة
والصمت عن بوح الأحاسيس رحمة
بعض الحكي يفتق خيوط الجراحة
اخاف من بوح يجي فيه كتمة
لأني اذا بحكي بقول الصراحة



بوح

بوح القصيد 25-03-2014 02:36 AM

رد: &^ بــــــوح القصــــــيد ^&
 
عزيز الحرف يرقىا بي على قمة شموخ القاف
وربان الهجوس يقودها لاغزر معانيها
على سحب القصيد الي نشى في عالي المشراف
تراكم بالشعر لين الهجوس تهل مافيها
مطرهالاهمت عذب الشراب وبارد وشفاف
تسوق غيومها ريح العطا لعيون ضاميها

بوح

بوح القصيد 28-03-2014 08:10 PM

رد: &^ بــــــوح القصــــــيد ^&
 
اجيلك كل مايطلع نهار وتستفيق طيور
ولا القى شبابيك الغلا والحب مفتوحه
ابي وصلك ولاالقى على نهرالغرام جسور
على ضفة مساك انطربلهفة شوق مفضوحه
متى في ليلة اللقيا تفرح قلبي المكسور
تراها شوفتك تشفي كسيرالقلب وجروحه
تعال وكل ما فيني من حروف الغرام سطور
تزاحم بالغلا في خافق غناه في بوحه


بوح

بوح القصيد 31-03-2014 01:56 PM

رد: &^ بــــــوح القصــــــيد ^&
 
ماجور ياقلبي عساها سلامه
خلك على المكتوب ياقلب صبار
وارسم على جورالزمان ابتسامه
واصبرعلى مره ولوصارماصار
وكن للمكتوب كل احترامه
ثم قل خيره لوتحدن الأقدار


بوح

بوح القصيد 06-04-2014 01:50 PM

رد: &^ بــــــوح القصــــــيد ^&
 
ان كنت ناوي تذبح القلب وتروح
اذبح بسكين الهنود الشطيره

لاتذبحه بشويش وتعذب الروح
قطع عروق القلب وانثر غزيره
ترا عذاب الروح مافيه مصلوح
ريح ذبيحك وش تبي بتعزيره
وش يزعجك بالذبح لارتاح مذبوح
هذي وصية واعتبرها بريره


بوح

بوح القصيد 07-04-2014 08:30 AM

رد: &^ بــــــوح القصــــــيد ^&
 
رح وانشد الليل عن شوقي وتحناني
اسأل نجوم السما ياكم اسامرها
كم اتحرا مجيك واسهر اعياني
وتمر قمرا تساهرني واساهرها
صارت نجوم السما تسهر على شاني
وانا مع الوقت صرت اجبر بخاطرها


بوح

بوح القصيد 12-04-2014 06:58 PM

رد: &^ بــــــوح القصــــــيد ^&
 
اهلا مساء الخير ياباغي الخير
اهلا مساء الطيب والعز والجاه
في معرفة ربك غناة عن الغير
والعزهو والجاه والطيب في رضاه
من يرغب الجنة صلاة وتكبير
والنار للي يغضب الله ويعصاه

بوح

بوح القصيد 14-04-2014 01:55 PM

رد: &^ بــــــوح القصــــــيد ^&
 
رح واسأل الغربة عن دروب رحال
لاتسأل الرحال عن درب غربه
ماله مع العالم مساكن ومنزال
مساكنه ترحال والبعد دربه
كل الأماكن ماطرت له على البال
الا المكان الي تشوق لقربه
ذاك المكان يغني القرب موال
وترقص مداهيله من الشوق طربه
وتردد ركونه من الجال للجال
يامرحبا فرحة حبيب بحبه
ترتاح به نفس غدا حالها حال
ويلقى بهاقلب المشواويرطبه
في مرتع مافيه لايم وعذال
فوقه عن عيون الحواسيد قبه
مغيرانا والليل والنار ودلال
فيهايطيب الكيف مع كل شربه
بوح

بوح القصيد 15-04-2014 08:37 PM

رد: &^ بــــــوح القصــــــيد ^&
 
يزين الوقت والمجلاس في حضرة سمو الليل
واقدم له عبارات الولا والسمع والطاعه
كريم معزبي لامن لفيته كثر التهليل
يسليني بحلو السالفة يامزين طباعه
وانا لاقلط نجومه على جمر الغضى والهيل
يطيب الكيف لعيون الشعر والناس هجاعه
واردد غالي ابياتي مع القمرا ونجم سهيل
من انفاس القصيدالي لصوت البوح سماعه


بوح

بوح القصيد 16-04-2014 04:55 PM

رد: &^ بــــــوح القصــــــيد ^&
 
خلك وسيع البال في حزة الضيق
مادام لك بالكون مخرج ومنهاج
اعرف ولوصكت عليك المغاليق
فياسرع عقب الضيق حزات الأفراج
وان كان لاضاقت جفوك المخاليق
دور وتلقى لك مساحة ومنهاج
الله خلق للناس سبع مطابيق
يمشي بها جو الخلا كل فجاج



بوح

بوح القصيد 17-04-2014 01:00 AM

رد: &^ بــــــوح القصــــــيد ^&
 
افرد جناح الذل للوالديني
واكسب رضاهم كان تبغى رضاالله
ان كانهم حيين كنز ثميني

اغنم تواجدهم بطاعه وذله
وان كانهم عن دنيتك راحليني

ترا الدعا منصوص في كل مله
ارفع يدينك بالدعاكل حيني
بالعفو والغفران عن كل زله
فرصة قبل حزة رحيلك تحيني

واعرف ترا الايام تمرعجله
هذي نصيحة ماتفوت الفطيني
الي على الطاعات قلبه يدله
بوح

بوح القصيد 18-04-2014 09:12 PM

رد: &^ بــــــوح القصــــــيد ^&
 
اقلط تغضل دلة الشوق فاحت
بهرتها من صادق الحب لهفه
فيها احاسيس المحبين ساحت
فنجالها ينعشك لاخذت رشفه
في مجلس عنه الملاقيف راحت
ناخذ على مركب هل العشق لفه
اسمع عروق القلب بالحب باحت
سوالف العشاق شفه بشفه


بوح

بوح القصيد 19-04-2014 09:29 PM

رد: &^ بــــــوح القصــــــيد ^&
 
البارحة في ليلة الشوق غنيت
غنيت موال التوجد لحالي
ينده عليك غناي واردد البيت
والي يجاوبني طوال الجبالي
على الوعد وش فيك ياشوق ماجيت
وش فيك ماجاوبت صوت الليالي
ياليتني عن طاري الشوق صديت
وياليت ماجت صورتك في خيالي
خليني مابين يمكن وياليت
حيرتني واحتار فيني سؤالي

بوح

بوح القصيد 20-04-2014 11:04 PM

رد: &^ بــــــوح القصــــــيد ^&
 
يحل بناالمسا من يوم شمس المغيب تميل
وتبدا رحلة الليل الطويله من المغرب

وتبدا للألم قصة يرددها ظلام الليل
سواليف من الضيقة ومالي عنها مهرب
احد هاليل يجلب له هواجيس الغثا والويل
واحد خالي من همومه بليله يسهرويطرب


بوح

بوح القصيد 22-04-2014 07:35 PM

رد: &^ بــــــوح القصــــــيد ^&
 
اسامرك مهموم ياليل وحدي
ولا معي زوار ياعتمة الليل
مغير انا وياك وحروف سدي
ونجوم يجذبها قصيد التعاليل
كني لبستك ثوب ياليل قدي
ودي بسترك عن عيون العواذيل
الي تصيد لاظلم الليل ودي
مترصده للبوح مثل التماثيل

بوح


الساعة الآن 11:32 AM.

Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه