منتديات سدير

منتديات سدير (http://www.sudeer.com/vb/index.php)
-   ¨° رحاب الأنس والترفيه °¨ (http://www.sudeer.com/vb/forumdisplay.php?f=9)
-   -   أين قضيت الإجازة الصيفية.. أسخف موضوع تعبير (http://www.sudeer.com/vb/showthread.php?t=15962)

تركي الحربي 2 28-08-2004 10:43 PM

أين قضيت الإجازة الصيفية.. أسخف موضوع تعبير
 
فيه أشياء كثيرة تعقدت منها في المدرسة shar: ... أولها المدعو/طابور صباحي اللي مال أمه سنع... واحد اثنين ثلاث اربع... وشد يدك ولف رقبتك واركع وبوبز وما تجي نهاية السنة ألا ومفاصلنا زرق hz: ... برضه عندك الفسحة والمقاصف القذرة اللي ما يبيعون فيها ألا بيض مارج مع ببسي حااااااااار... وسجل عندك لازم يكون مدير المدرسة دنيء وغبي يلبس فنيلة علاق ومسوي فيها شديد وتلقى حرمته تهاوشه في البيت ويجيك يتفرعن علينا...

كل هالأشياء تهون أمام قضيتنا الخطيرة التي سنناقشها بشفافية (أحلى شفافية ورى ما تقول مزلط بعد)... اين قضيت إجازتك الصيفية؟؟؟؟؟؟؟؟؟؟؟؟

أتمنى أعرف من هو المجرم اللي اقترح أنه يكون أول موضوع في مادة المصاخة (تعبير) لازم يكون عن الإجازة الصيفية... اتذكر أنه في بداية كل سنة دراسية كنت أزمل وكنت آخذ كراسة الرسم القديمة اللي فيها خريطة وطني الحبييييييييييييييييييييب وهل أحب سواااااااااااااااااااه وأمشي بالدور على المدن اسجل اسماءها (ما أعرفها ألا من مادة الجغرافيا) كنت أنصّب على الاستاذ أقول رحنا لأبها والباحة وعسير (شفتو غباء أكثر من كذا jup: ) .... مرة غلطت وقلت أننا قضينا الإجازة في الوطن ورحنا تعز (كنت أحسبها تبع عسير لأن الخريطة اللي أنقل منها ما تحط حدود بين الدول)... لكن الاستاد مشاها يحسب خوالي من اليمن وما يبي يحرجني dft: ...

المهم وين وصلنا..... أييييه أقول كنت وكان العيال كلهم يكذبون ونقول اننا رحنا لكذا وكذا وكله فقش × فقش وحنا كل وقتنا في الشارع نلعب مصاقيل ونتضارب وإذا ملينا رحنا للبقالة نسرق علوك وبفك.... مرة يوم كنت في 4/جـ قلت أنا صيفنا في الربع الخالي تخيلوا!!!!!... المدرس تبققت عيونه jup: وبغى يتوطئ في بطني ( أحد يروح للربع الخالي في الصيف؟؟؟ هذا همه هالدبشه ولا مالاحظ أنه صحراء... عشان تدرون انه حتى الاستاد ما كان يصيّف!!!!)....

الخلاصة الموضوع هذا لازم يتغير (شي ثاني طال عمرك؟؟؟؟... أيه ولو يحذفون مادة التعبير يكون أزين وأزين بعد لكن ما نبي نمون مرة)........ اللي يعرف بريد أبو رشد المتخلف يدز له رابط الموضوع.................

غويمض 28-08-2004 11:14 PM

مره سالني المدرس وقال وين رحت ياغويمض في العطله
وقلت على طول ونخروري يقطر رحت لابهاء ياستاذ (ذيك الايام ابهاء تسنها باريس عندنا )
وقال المدرس اقول مش نخرورك والله انك في خربات التويم تسني اشوفك اشهب الهب
عاد ترى المدرس كان من الروضه
امعط تحياتي

فهد المنيع 29-08-2004 02:13 AM

خخخخخخخخخخخخخخخخخخخخخخخخخخخاااااااااي


الله يرجك بلاااااااااااا تمددت من الضحك cb:


تشخيص دقيق للواقع باسلوب ساخر ..


اخوي تركي واصل ابداعك ..

هرمنا 29-08-2004 06:29 AM

((((لازم يكون مدير المدرسة دنيء وغبي يلبس فنيلة علاق ومسوي فيها شديد وتلقى حرمته تهاوشه في البيت ويجيك يتفرعن علينا)))


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخ

دنيء ..ونزق ...ومتدلس ...أرعن ..... مابقى الا كلمة (ثمل )


ههههههههههههههههههههههههههههه

ايه ياشيخ بردت كبدي في مديرنا في المتوسط :)


القف تحياتي

مقام البدر 29-08-2004 01:17 PM

خخخخخخخخخخخخخخخخخخخخخخخخخخخ تروووك يا مصرقع


غويميض ... وصف رائع لانسياب ذاك الاشعاع من الانف المتوهج بإنعكاسات الشمس بحيث يؤدي الى الغثيان وحومة التسبد... زين ما قال للفراش جيبوا المحشات والتراب في وجه العدو مثل اللي يطرشون. عوووووووووووووع يا سنمار لا تقراه اخبر نفسك ققه .

لـ»Lo7«ـوح 29-08-2004 10:46 PM

الله يقلب سبدك يا غويمض الله المستعان اجل ابها اول كانها باريس نعن عيال العز حنا اول اذا رحنا الرياض كذبونا قبلنا بين نخل الحريق (حوطة بني تميم) واذا سافرنا رحنا لافلاج...

تركي الحربي 2 30-08-2004 12:03 AM

هلا أخوي غويمض..... وبالنسبة للهب والشهابة فما فيه مثلنا......... طول الإجازة في الشارع تقل مخيم لاجئين hz: .... ومعروف بعد كل إجازة ندهن وجيهنا بزيت زيتون حاااااااااااااااااااااااااااار ونقعد نفرك وجيهنا في جدران الجيرانيت كود وعسى......... وكان أبوي يقولي (يالطمل حط جريدة تحتك وأنت تفرك وجهك وصخت البلاط..)........

>>>>>>>>>>>>>>>>>

هلا أخوي حالم ليل ( أفهم من اسمك أنك إذا قيلت ما تحلم؟؟؟؟؟؟؟؟؟؟ zzzz: )
ومبسوط أنك انبسطت......... وأبشر بسعدك................

>>>>>>>>>>>>>>>>>

هلا أخوي السبعين..........

وعندكم وعندنا خير.......... مديرنا في المتوسطة كنه بياع جح ( داري بيع الجح مهنة شريفة.... لحد يشغلني.....) يطق البكارية ومعه لي العماير الأحمر (لأن المجرم كان يعمر ذيك الفترة.... يعني بدال اللي ألف لو خرب.....) وعينك ما تشوف إلا الاضطهاد....... ضرب....... تمحيط....... تلعين........ لسان وصخ........ لكن العيال يعجبونك حاسوا بيته الجديد وكتبو على الجدران بالبخاخات وشققوا أكياس السمنت asi: .....................

>>>>>>>>>>>>>>>>>>

هلا أخوي مقام البدر.......... ان شاء الله تترقى وتصير بسط ( كني طيحت الميانة..........)

>>>>>>>>>>>>>>>>>>

وش دعوة يا اللوح ما لنا رب...... السلام بلاش..........

Sub_Zero 30-08-2004 05:52 AM

كخخخخخخخخخخخخخخخخخخخخخخخخخخخخخخ

الله يرجك ياتوركي >> يعنني كشخه

موضوعون رهيبون استمر ايها القدع

بس انا مستغربه
ليه هذي المواضيع بس تجيكم يالعيال :)

لاني ولله الحمد طول فترة دراستي ماقابلت هزا الموضوع mag:

من جد اموت واعرف ليش انتم والعطله صجه في بداية الدراسه اين قضيت الاجازة الصيفيه .؟؟

وبداية الترم الثاني وش سويت في عطلة الربيع ؟؟

وعلى نهاية الترم وش بتسوي في العطله ؟؟

الله يخلف بس mag:

تركي الحربي 2 30-08-2004 09:47 PM

هلا اختي الزيروه.................

>>>>>>>>>> ليش انتم والعطله صجه في بداية الدراسه اين قضيت الاجازة الصيفيه .؟؟ <<<<<<<<<<<<<<<<

الجواب: الفراغ الله يكفيس شره....... مدرسين فاشلين......... هم انفسهم ما يعرفون يعبرون.......... ونشبوهم بماده سخيفة......... يعني التم المتعوس على خايب الرجا..............

ولا شفي المواضيع الثانية...... أسبوع الشجرة نتحدث عن الشجرة ونمجدها كننا وثنيين........ واسبوع المرور خذي مثاليات وخرابيط مالها نهاية.... وقف عند الإشارة الحمراء (الصراحة جبت شي جديد).... امش على مسار المشاة (أكيد يعني شفت أحد مسنتر في نص الشارع)....... واسبوع النظافة هو أشين أسبوع.... لأن مديرنا النازي يستغله ويخلينا نجمع قمايم المدرسة (يعني تراني أربيكم على المسؤولية.........) والهنود يستغلون هذاك الأسبوع ويقعدون طول الاسبوع معسكرين في الحمامات يزقرون (وش يسوون فاضين.......).............

وإذا جاء رمضان طلع النفاق........ يجيك المدرس بالمسواك ويقول تحدثوا عن فضل رمضان والقرآن (وهو يستغلها ويرقد على الطاولة......)......... مرة سويت فيها ملكع وأخذت منشور كان في مسجدنا عن رمضان في اول يوم في رمضان وكتبته كله في حصة التعبير....... المدرس أنبسط وكيف على الموضوع وقالي اطلع اقراه...... أنا انكب خرافي وجتني أم الركب........ طلعت ولا عرفت اقراه (كنت اشف الكلمات ما اعرف اقراها)....... المدرس مشاها يحسب عندي رهاب اجتماعي ما أقدر اتكلم............

وهاكزا دواليك.................

ومشكوووووووووووووووووورة


الساعة الآن 03:09 AM.

Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ

جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه