[table1="widt
95%;"]
بسم الله الرحمن الرحيم | [/table1]
[table1="widt
95%;"]
جـــيـــتــــك ..جـــيــــتــــك ..جـــيــــتــــك | [/table1]
مدري وش اللي جابني بعد ما أقفيت=مدري وش اللي زوّد الشوق فيني
جيتك غلا جيتك شقا كيف ماجيت=جيتك و قلبي شايله في يديني
ياما سهرت امن الليالي وونيت= وياما بكيت وسالت ادموع عيني
عز الله إني في عذابك تماديت=وعز الله إنك عشت عمرك حزيني
أخطيت في حقّك وياليت ما أخطيت=وأبعدت عنك وخابر إنك تبيني
لعبت بي الدنيا على كف عفريت=وحالت سهوم الموت بينك وبيني
لا يابعد حيّي وروس النعاتيت=لا يا بعدهم كلهم ياظنيني
عطني وصالك ياغلا كانك أعطيت=وأعطيك كل اللي بقا من سنيني
جاتك بيوت الشوق بيتٍ ورى بيت=وجاتك عهودٍ من سلومي وديني
وياليت تدمح زلة العمر ياليت=حتى يمينك ما تجاهل يميني
[table1="widt
95%;"]
الشاعر / ذياب العصيمي
| [/table1]