عرض مشاركة واحدة
قديم 19-11-2010, 08:22 PM   #26
مراقب عام
 
الصورة الرمزية لواء العز
 
تم شكره :  شكر 10,679 فى 1,868 موضوع
لواء العز تم تعطيل التقييم

 

رد: ’,’,’,~حياتيـ ـأورـاقي~,’,’,’

قبل يومين

دخلت أحدى مغاسل السيارات في المحافظة .

يوم نزلت سلمت على الموجودين . ولاحظت أن العمالة كلها بنقالية وشغلهم في الغسيل . مو ذاك التمام .

فقلت لنفسي . أتحايل عليهم . علشان ينظفون السيارة زين ويعتنون فيها .


أقبل علي واحد منهم بيشوف أيش طلباتي . فا قلت ورفعت صوتي علشان ربعة يسمعون .

قلت أبيك تفرك السيارة فرك وتنضفها زين زين .. وترى داخلها 10ريال

حلال عليك اذا لقيتها .

طبعاً أنا ما قلت 50 ريال ولا 100 ريال
أخاف الجماعة يتمشكلون عندي .. فقلت هالمبلغ علشان بعضهم يتكاسل ولا يجي .

طبعاً البنقالي اللي قدامي . ابتسم وتحمس وما نادى أحد وراح ينضف في السيارة .

المهم .. وقفت من بعيد وأراقبه ..
ما شاء الله عليه .. الرجال مدهر وشغال .


أنا بيني وبين نفسي ..
أوبخها على خداع هالمسكين . وفي نفس الوقت أردد المفروض أن هالعماله يتفانون بعملهم وينظفون افضل تنظيف من السيارات الي قبلي .
فأنا ما تكلمت إلا يوم شفت تكاسلهم وسوئ الغسيل .

المهم بعد ما خلص وطلع .. راح يصوت علي
يقول :: ما في فلوس

طبعاً أنا كنت أسولف مع واحد من أهل المحافظة . فضحك اللي بجنبي ضحكة سمعها اللي بإخر الشارع .
وأنا بضحك وماسكن نفسي .. وقلت كيف مافي .. دور زين ياصديق
ااااااااااااااه .. انت ما في نظف كويس
فرجع المسكين وقعد يكرر النتنظيف داخل السيارة . والرجال الي واقف بجني
فهم السالفة . وقال كيف جبتها ..

المهم . انا ساكت وموسع البال ومستانس ان سيارتي تعامل كالأميرة

وبعد دقايق .. شفت البنقالي تغير وجهه . وسكر ابواب السيارة وأنا مسوي نفسي مو منتبه له .
وأنا ملاحظ أنه زعلان .

فا خفت من هالبنقالي يسوي شي ولا شي ويخرب السيارة من خارجها.

فا ناديت عليه .. وقلت ها حصل فلوس .. ويرد علي وهو زعلان .
لا مافي صديق ..
فا قلت تعال تعال .
وطلعت 5 ريال وقلت هاذي الـ5 الاولى من العشرة نظف باقي السيارة وأعطيك الـ5 الثانية .. وهذا طبعا لك أنت مو علشان غسيل السيارة .

فا فرح المسكين ورجع وفتح الأبواب وسوى كم شغلة داخل وسكرها وبدى ينضف خارج السيارة و ضبطها ولمعها و أعتنى بالكفر .

ويوم جاني مديرهم أعطيته قيمة الغسيل والبنقالي أنتظر إلى أن راح مديرهم وجاني ..
فا قلت له
روح روح لا أخذ العشرة منك .. أنت حرامي

ترى بنادي المدير .. وهو خاف وقال لا لا صديق .. شكراً شكراً
5 ريال هذا كثير

وركبت سيارت والرجال سكر الباب وراح يودعني ومع السلامة
والناس الجاين جدد ..
مستغربين ويحسبون أني صاحب المحطة


قصتي في العيد وأحببت أن أشارككم أياها

التوقيع
اللهم ارحم عبدك سلطان واغفر له وأحسن مدخله وأسكنه الفردوس الأعلى من الجنة.. آمين.
الأربعاء 10 \ 2 \ 1433 هـ . ساعة 9:30م
لواء العز غير متصل   رد مع اقتباس