القلب الأبيض ياهل الطيب للبيع
قلب كتوم ومافضح سد راعيه
يامن يسوم ان كان جازم وانا ابيع
يأخذ خفوق الشوق كله بما فيه
مابه من العذروب غير انه يطيع
خل على لاماش للحب يدعيه
راحت سنينه ماحصل له منافيع
بين الرجا واليأس ضاعت دعاويه
لكن ترا به غير هذا مطاميع
ياكثرها للي يزاود ويشريه
فيه البدي ممتاز ماجاه تلميع
ومحركاته فاللوازم تهقويه
على الضمان وله مع الحلف توقيع
انه على طيب المعاني مربيه
بوحي