بسم الله الرحمن الرحيم
غريب
جيتك غريب وصرت من ضمن الأغراب=ياليتني في غربتي ماتعنّيت
غربة زمن غربة وطن غربة أحباب=غربة غريبٍ عاش في ليت ياليت
ياغربتي جيتك ترى خاطري طاب=عذابك أهون من عذاب العفاريت
قلبي على فرقاك ياصفحتي ذاب=وأدموع عيني ولعت داخلك ليت
حان الوداع وحان توديع الأصحاب=يحفظكم اللي حافظٍ حرمة البيت
ماخاب عبدٍ في رجا الله ماخاب=ياالله توفيقك ليا أقبلت و أقفيت