بنادق الصيد الهوائيه ( الساكتون ) اخواني الكرام ما اعتقد ان فيه احد ما شاف الساكتون او استعملها وهي بندق بسيطه تعتمد على الهواء في دفع الطلقه.. وذالك عن طريق كسر البندق للتلقيم بحيث عند الاطلاق تندفع الجلبه في حيز مخصص ملئ بالهواء اللذي يدفع الرصاصه بقوه لتخرج مع الماصوره اللي بداخلها خطوط حلزونيه تجعل الرصاصه مندفعه وهي تدور حول نفسها بحيث تخترق الهواء بون ان ينحرف مسارها وفيه طريقه ثانيه تستخدم وهي تعشيق البندق وممكن تعشق مرتين ويكون فيه عيارين لقوة الرمي بسبب ذالك وممكن يستخدم هواء مضغوط يجي باسطوانات مخصصه للبندق ولاكن اهم نوع منتشر ومعروف هو النوع اللي يكسر ميزات بندق الهوء رخص الرصاص...الرصاصه تكلف هلله(يا بلاش) سهوله الصيانه...وانا ابو عشر سنيين كنت افكها واغير الجلبه والسبرنق واركبها ثانيه زي احسن فني بنادق رخص قطع الغيار وتوفره وسهولة تركيبه تنوع احجامها من صغير مره الى كبير مره..ممكن تلقى في النوع الواحد 6 مقاسات او اكثر سهولة الحصول على ترخيص..يعني اذا جيت تشتريها خل صوره والا يصورك بالمحل وتاخذ ترخيصها من المحل نفسه عقب كم يوم خفيفه الوزن وتحتوي على زر امان وممكن تركب فيها دربيل انواعها - ديانا DIANA وهي المانيه الصنع من اقوى وافظل الساكتون على الاطلاق وعلامتها رسمه منحوته لامرأه متخليه عن قوس ( نشاب ) ورافعه الساكتون - نوريكا NORICA وعلامتها تجي داخل دوائر - كوميتا comita وعلامتها نجمه خماسيه - جامو gamo اسبانيه الصنع ويبلي Webley وعلامتها طلقة ساكتون لها اجنحه - فايروخ WEIHRAUCH المانية الصنع شيخة السواكتين بلا منازع هذي اشهر الوكالات العالميه في السعوديه والخليج طبعا يجب ملاحظة ان كل انواع الساكتون ( او اغلبها ) تحمل ارقام تدل على الحجم 20---22---25---27---35---36--45--46---80---85---90--وغيرها من الاحجام فيه حاجه مهمه يجب ان تنتبهو لها وهي الميزانيه افضل الانواع المعروفه هي ديانا وفايروخ الالمانييتين وكلهن جيدات ومجربات انا شريت الفيروخ ليش علشان ميزانيتها قطه وحده يعني ما تتغير بسهوله بعد الوزن اما الي الميزانيه كم قطعه مركبه مع بعض فالميزانيه تبي تتغير ولو كان التركيب محكم لانها حساسه مره الفايروخ هي افضل ميزانيه وممكن تركبها على الخرازه وسعرها 100 ريال مع التركيب عند الوكيل الصور اللي فوق كلها للديانا وشوفو صور الفايروخ