بسم الله الرحمن الرحيم
يــــانـــــور
يانور خليني مع الحزن والياس=عيشي وأنا بعيش عمري حزينا
يوم إن قلبك قاسيٍ ماله احساس=وأنا على شانك جريح السنينا
ويوم إن حبي ماله أوصاف وقياس=حبٍ عظيمٍ يسحر العاشقينا
حبٍ بنيتة وسط قلبي على ساس=يبقى مع الايام حصنٍ حصينا
وأسيقك من زاكي شذى عطر الانفاس=ولا أحب غيرك يا شذا النرجسينا
وبعد المحبة صرت من بين الاقواس=ياللأسف من علمك تهحرينا
ما أقوى على بعدك وأنا شخص حسّاس=وشلون أبا أنسى الجرح ياجارحينا
قلبي لبس من لوعة إفراقك إلباس=وفي داخله جرح المفارق دفينا
ياما شربت المر كاسٍ ورى كاس=وأنا أنتظر من نظرتك ترحمينا
أغارمن ضلك وأخفي عن الناس=وأضحك مع العالم وقلبي طعينا
فيني سمعتي كل خاين و بلاّس=الله حسيبك طعتي الغادرينا
يانور هذا الفاس لاطاح بالراس=ماينفع النادم ندم وأعذرينا
واليوم خليني مع الحزن والياس=عيشي وأنا بعيش عمري حزينا
الشاعر / ذياب العصيمي