[TABLE1="widt
95%;"]
بسم الله الرحمن الرحيم
لشعر الغزل الغنائي طابع خاص وله محبوه وله متذوقوه ولو كان الحزن مخيماً عليه ويسرني أن أهدي لكم هذه القصيده وهي بعنوان طال الفراق | [/TABLE1]
طال الفراق وقصتي كلها أحزان= والصبر مل وملت الروح صبري
والعين تذرف دمعها فوق الاوجان=والنار شبت في ضلوعي وصدري
والهم يطويني على طول الازمان=والجرح ينزف د م وأقول بدري
والوقت مايرحم ولايملك إحسان=مايرحم إلا الله وأفوض له أمري
أقضي طوال الليل مغرم وسهران=وعذري طريح الحب ياشوق عذري
حبٍ حفظته من غلا خدر الاعيان= فاقصى الضلوع وداخل الد م يجري
بيني وبينك حالوا اليوم عدوان= وأنا وحيد و لأجلك أرخصت عمري
ياأجمل زهور الكون يا عود ريحان=شوفك ربيع العمر ويزيد قدري
أنت الغلا وأنت المنى وأنت الاشجان= وأنت العذاب اللي بك أشعلت جمري
[TABLE1="widt
95%;"]
الشاعر : ذياب العصيمي | [/TABLE1]