رد: &^ بــــــوح القصــــــيد ^&
محلى المسا والشمس تسحب رداها
فوق الرمال الناعمة والغراميل
تمسح على راس الطعوس بسناها
والنورحاضنته محبة وتدليل
قفت توادع من كساهم كساها
وارخت عليهم لون الأشفاق تظليل
سألتها ياشمس حزة مساها
ليه الرحيل ان كان للنور ترحيل
قالت عوافي كان اظلم سماها
ارحل عشان الكون يعطيكم الليل
عشان اهل الحب تلقى غلاها
والليل يستر عاشقين التعاليل
واهل الهوى بالليل تاخذ هواها
تلعب مع انسامه اذا هب وتميل
وتعيش به روح ذبحها ضماها
وتشرب به الاشواق عذب الهماليل
وتغني العشاق احلى غناها
واهل الغرام ويرددون المووايل
ذي قصة الشمس الجلية حكاها
لك ساهر دايم يسولف مع سهيل
بقلمي
|