بسم الله الرحمن الرحيم
موقف في اليومين الماضيين أجبرني على رد الإعتبار بهذه الرادعه وهو موقف تمثل
لي فعلياً وليس من نسج الخيال بل من مسلسل الحياة اليوميه أتمنى أن تعذروني
فلست بهجّاء لكن للضروره أحكام:
محور البلبله
ياشلة الحقد والتلفيق والنمّه=المعرفه عندكم من قبل معدومه
في ذمتي كلكم ما عندكم ذمّه=وإيدينكم من فعول الطيب محرومه
اجموعكم في نهار الغي ملتمّه=واعيونكم عن طريق الحق منجومه
مامنكم النادر اللي يعصب العِمّه=واخشومكم كلها بخزام مخزومه
يامغثربين العدود وصافي الجمّه=ارقابكم كلها بالوسم موسومه
يامحور البلبله ياخمّة الخمّه=اقلوبكم من زمانٍ فات مسمومه
وعاداتنا نسقي المسموم من سمّه=وفي نحر راع السهوم انرجع اسهومه
منزالنا ياطيور البوم فالقمّه=والحر قرناس مايرجع كما البومه
ولايقدر الهمه ألا راعي الهمّه=واللاش ماسر لانفسه ولا قومه
وش عاد لو كان قاضي فاسدٍ دمّه=تقوى عزوم العرب ماقويت اعزومه
يموت بالغبن في همّه وفي غمّه=وعسى عظام الردي ماهيب مرحومه
ياجاهل الموت عبرود القضا شمّه=الموت واصلك لو محدٍ عرف يومه