بسم الله الرحمن الرحيم
أثناء التحاور مع الأخوة والأخوات أو ربما من خلال الاطلاع على أوراقهم الخاصة هنا يظهر لنا أن هناك من فقد والدته في مرحلة مبكرة من عمره وبلا شك فإن هذا الأمر يترك أثراً في النفس هو من المرارة بمكان بحيث يصعب على كائن من كان وصفه إلا من اكتوى بنار اليتم فهو وحده الذي عاش المعاناة في أقسى صورها ، ومن المؤكد أنهم قد مرو بتجربة هذه الطفلة التي تحدث نفسها وتقول :
يـــمـــه
تكفين اسمعيني
يمـه بسألك شي
جاوبيني
هو صحيح اللي مات
داخل القبر يصير حي ...؟؟؟
يــمـــه
أسمع أنــا صوتك
كل يوم اسمعه
واذا حاكيتك هاوشوني
قالوا انسي
روحي يالله العبي !!
يمه تعالي ارجعي
والله خلاص بسمع كلامك
ما اخرب العابي
وان قلتي يالله
روحي نامي
أروح حتى ما تزعلي
يمه تكفين ارجعي
اليوم حطت لي المديره
نجمه من فوق جبهتي
يمه سمعتها تقول
مسكينه هالبنت صارت يتيمه
قالت لها ابله منيره
مسكينه توها صغيره
وش كانوا يقصدون ..؟
يمكن عشاني صرت عاقله
ولا عشاني دايم اسرح
يمه مريولي توسخ
ماكان قصدي اوسخه
بس تذكرت انك تقولي
بعد شهرين
بشتري لك لبس ثاني
يمـه تعالي اشتري
يمـه عرفتي مها ..؟
صديقتي اللي معي
زاعلتني
تقول ما صرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لا تمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي
ماحد يجينا ..
وكل اللي فيه انا واخواني
ليه وين اقاربنا ..؟؟
وين خالتي
اللي كانت تجينا
يمممه قوومي يالله تعالي
تكفين يالله تعالي
ماودي ارجع لحالي
والله خايفه
ترى امس جيتك
مارديتي
حسبتك نــايمه
أو اقولك
خلاص خلاص
انا بجيك بكرى
اذا راحوا من هنا الناس
تكفين يمه بكرى اصحي
تكفين يمه بكرى ارجعي
كم كنت أتمنى أن أعرف حالة أي يتيم في هذا المنتدى قبل أن أحاوره فبلا شك سيكون له تعامل خاص تفرضه طبيعة النفس البشرية
رحم الله أموات المسلمين وهدا الله الحي منهم .
هذه المقطوعة عثرت عليها في أحد المواقع