عمرك سمعت بطير ويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشد عينه السماء ولا يريد يطير
هذا الغلا و الحب من الله سبحانه عمرك سمعت بطير ويحب سجانه ؟
انت زرعت الوفا و امسيت هتانه
انت الوحيد الذي احيا على شانه
ما اقدر اعيش بدونك يادنيتي والكون
والله وغلات عيونك ما انساك مهما يكون
قربك لقيت الدفا لأنك يا حبي غير
كل ماحلمت بوفا القاك له تفسير
هذا الغلا والحب من الله سبحانه عمرك سمعت بطير ويحب سجانه ؟
قبلك فؤادي انا غارق في احزانه
واليوم حبك ترى نساه حرمانه
يا تاج راسي بحبك يا تاج فوق الراس
تحلا الحياة في قربك يا سيد الإحساس
ما عمر قلبي شكى في دنيتك تقصير
مهما يا ذخري حكا يعجز عن التعبير
هذا الغلا والحب من الله سبحانه عمرك سمعت بطير ويحب سجانه؟
قصيدة الطير للشاعر على الخوار