السلام عليكم و رحمة الله و بركاته
رحم لله جميع موتانا و موتى المسلمين و غفر الله لهم
آمين
،
وفاة الأستاذ أحمد بن عبدالله بن محمد الرميح
[ أبو عبد الله ]
في حادث مروري مساء يوم الإربعاء 23 / 1 / 1426
رحمه الله و غفر له و لموتانا و موتى المسلمين
دعواتكم لأحمد و لجميع موتى المسلمين
و هذان موضوعان عن الأستاذ أحمد : (
http://www.sudeer.com/vb/showthread.php?t=28956
مساء الحزن يا ( جلاجل )
http://www.sudeer.com/vb/showthread.php?t=28983
هذه المرثيه في أحمد بن عبدالله الرميح رحمه الله للشاعر ناصر السعيد حفظه لله
آه وعزاه من علم(ن) لفاني
........................................ كدر الخاطر ونفسي ماتريده
يوم قيل أحمد توفى ماهناني
............................... ....... كن في قلبي مطاريق الحديده
وعذابي من صواديف الزماني
................................. ..... تصبح بخير وتمّسى بالسديده
يوم جاني العلم وقفت بمكاني
...................................... كن قلبي يشتعل وسطه وقيده
أحمد اللي ماجرحني باللساني
....................................... والله انه عندي ياعرب فقيده
القدر لاحل يأتي في ثواني
......................................... المنايا قدره الله في عبيده
الصبر مطلوب والدنيا امتحاني
.................................. وامتحان اليوم زايد في رصيده
لو زعجت الصوت في عالى المباني
........................................ لو نعيته بالمجله والجريده
مايفيد ولايعيد المودماني
................................ ...... لويصيح شهور وسنين عديده
لوبكته العين وفراق الثوني
....................................... الرجل لو صاح دمعه مايفيده
كل هالدنيا عدا الخلاق فاني
........................................ الله اللي يبدي الخلق ويعيده
اطلب الله منزله وسط الجناني
................................. جعل روحه في ذرى الجنه سعيده
رحم الله أحمدالرميح و غفر الله له و لجميع موتانا و موتى المسلمين
,
وفاة الشيخ ناصر بن محمد الرميح
[ أبو سهيل ]
في حادث مروري عصر اليوم الأربعاء 13 / 10 / 1431
و هذان مواضيع عن أبو سهيل رحمه الله تعالى
http://sudeer.com/vb/showthread.php?t=113889
http://www.sudeer.com/vb/showthread.php?t=115438
http://www.sudeer.com/vb/showthread.php?t=117284
* كان الشيخ ناصر الرميح صاحباً للشاعر ناصر السعيد , و قد حصل الحادث بعد أن غادر الشيخ ناصر الرميح مكاناً كشت فيه هو والشاعر ناصر السعيد و مجموعة من الإصدقاء : (
وكتب هذه المرثية : (
مرثية الشيخ ناصر بن محمد الرميح للشاعر ناصر السعيد
عفـا الله عـن عـيـونٍ كــل يــومٍ تنـثـر الدمـعـاتتخـفـف عــن سراجـيـفٍ كـثـيـر الـهــم حـاديـهـا
الـى منـك فقـدت الصاحـب اللـي غـالـيٍ بـالـذاتتجـرع فـي ضميـرك مـن لهـيـب الـنـار حاميـهـا
والا اكود من لهيبٍ يستعر من صيحـة الغفـلاتالـى جـاك الخبـر وانتـا عـن الهقـوات مقصِيهـا
ولـكـن الـقــدر مـــا عـنــه لاروحـــه ولاجـيــاتلــــزومٍ مـاكـتــب لـلـنـفـس يـاصـلـهـا ويـاتـيـهـا
ولا ينفعـك يالمخلـوق كـثـر الـنـوح والصيـحـاتقضـى الله ماقضـى والنـفـس ماتـرجـع لغاليـهـا
ولكـن لافقـدت مــن هــل الفـزعـات والشيـمـاترفـيـقٍ عـالــيٍ قـــدره دروب الـطـيـب ماشـيـهـا
يحير الدمـع فـي عينـك ولاتقـدر علـى السجـاتتذكـر سيـرة اهـل الطـيـب حاضـرهـا وماضيـهـا
عليـك الله يابـو سهـيـل يــومٍ تنـشـر الصفـحـاتيظـلـك فــي ذرى عـرشـه الــه النـفـس والـيـهـا
علـيـك الله يالـلـي سيـرتـك بالـجـود والطـاعـاتعسـى ربـي يجـازي راعـي الحسنـى بحسانيهـا
صحيح ان الرفيق اللـي صـدوقٍ صافـي النيـاتفــراقــه فــجــوةٍ مــاكــل خــلـــق الله تـغـطـيـهـا
وصحيح ان الرفاقـه ماتجـي بالمـال والفزعـاتولاكــل النـفـوس الـلـي تـجـي معـهـا تصافـيـهـا
وصحيح ان الليالـي ماتجـي بالكيـف والهقـواتولاتـدري عـن صـروف الليالـي ويــش خافيـهـا
وصحيح ان القلوب الصافيه من غالي العملاتمـثـل روس الجـبـال الشامـخـه تثـبـت مبـاديـهـا
وصحيح ان العمـر لـو طالـت الايـام لـه وقفـاتولايبقـى ســوى وجـهـه جمـيـع الخـلـق يفنيـهـا
عنـت كـل الوجيـه لواحـدٍ تخضـع لــه الـسـاداتالاجــــل جــلالـــه بــاعـــثٍ خـلــقــه ومـبـديـهــا
تعالـى الله نخضـع لـه خضـوعٍ يكـسـر الهيـبـاتالــــهٍ خــافــضٍ رافــــع مـسـيـرهـا ومـجـريـهـا
ولايخدعك لو طاب الزمـن والكيـف والسهـراتتـرى الدنيـا لهـا انيـابٍ يـروع القـلـب شاضيـهـا
الا وحــر كـبـدي يــوم قـيـل الـلـي تـعــزه مـــاتاجـاذب عبرتـي واشكـي علـى نفسـي واعزيـهـا
ولا تـنـلام عيـنـي لــو تـهـل الـدمــع والـعـبـراتاي والله تبكـي عيـونـي غـزيـر الـدمـع يشقيـهـا
يقولـون الرفـيـق اكـبـر عضـيـدٍ حــزة الـشـداتولا يـجـبـر غـيـابـه قــاصــي الـعـالــم ودانـيـهــا
وانا لو قلت ابمسـح دمعتـي وسـج لـي ساعـاتيــجــي لـلـنـفـس طــــاروقٍ يـبَّـعـدهـا ويـدنـيـهــا
هواجـيـسٍ تـــدك بـخـاطـري واجـــاذب الـونــاتتزاحمنـي علـى نـومـي ولا ادري ويــن اوديـهـا
وانـا وشلـون عينـي تهتـنـي بالـنـوم والغـفـواتالـى منـي ذكـرت ربوعـي الـلـي غــاب طاريـهـا
وانـا خابـرك يالدنـيـا عـلـى ماقـيـل لــك مـيـلاتولا يـامـن حبايلـهـا ســوى الـلـي جـاهـلٍ فـيـهـا
امـد حبالـي قبالـي و هـي مــن خلـفـي مـطـواتيــروح العـمـر والايــام تـمـضـي مـــع ليالـيـهـا
الـى شفـت الزمـن يضحـك تذكـر هــادم الـلـذاتعلـى مـا قيـل مــا تصـفـى ولاتخـدعـك امانيـهـا
وهـي كـم فرقـت جمـعٍ عزيـزٍ يعتـلـي الهـامـاتعـقـب هــاك القـصـور العـامـره تـخـلا مبانيـهـا
تصير جموعهم عقب المفاخر والسعود اشتـاتوهــذي سـنـة الله بـيــن كـــل الـخـلـق يجـريـهـا
ولاينـفـع اذا جـــاك الـقــدر فـزعــه ولانـخــواتولا حـتـى دمـــوع الـعـيـن لـــو تـنـثـر مباكـيـهـا
الا يالمرقـب اللـي نايـفٍ بالـشـرق لــه طــولاتالا يـاطـول مـــا تـصـبـر الـــى هـبــت ذواريـهــا
تذكـر سيـرة المـاضـي ولا تبـكـي عـلـى مـافـاترعيـت اجيـال واجيـالٍ عـلـى السـاقـه تراعيـهـا
صـبـورٍ مــا يـهـزك لا عواصـيـفٍ ولا مـوجــاتانــا مثـلـك ابصـبـر وادفــن الاحــزان واكميـهـا
وابطلـب واحـدٍ فـردٍ صـمـد لاضـاعـت الحـيـلاتعظيـم الشـان سبحانـه جميـع الخلـق محصيهـا
الى ضاقت على المخلوق ربك يقضي الحاجـاتلطـيـفٍ يـرحـم عـبـاده الــى ضـاقــت مواطـيـهـا
الا يالله يالمـعـبـود يـالـلـي تـسـمــع الــدعــواتالــــهٍ يـعـلــم الـخـافــي ودار الـخـلــد منـشـيـهـا
عسى ابوسهيل ينزل في مقام الصدق والجنـاتالا يالله يــلــلــي تـــدمـــح الـــزلـــه وتـرفـيــهــا
عسى الله يرحمك فـي ساعـةٍ تحتـاج للرحمـاتمقامـك جـنـة الـفـردوس تقـطـف مــن مجانيـهـا
انـا ارثـي واحـدٍ غالـي بنـى بالقلـب لـه ساحـاتوانـــا لابـدنــي مـيــت يـجــي لـلـنـفـس راثـيـهــا
جعل مزن الحيا بـاول ليالـي الوسـم لـه طشـاتيـلـوح الـبـرق بجـلاجـل يـعــل الـسـيـل واديـهــا
عسـى هـاك القبـر يسقيـه هتـافٍ مـن المزنـاتعسـى هـاك المداهيـل الشـقـر تــروى مفاليـهـا
بـعـد هــذا صــلاة الله عــدد ماهـبـت النـسـمـاتعـلـى محـمـد نـبـي الله بـعــث لـلـنـاس هـاديـهـا
المرثية بصوت الشاعر ناصر هنا :
http://www.m5zn.com/d/?1109100211251p0hx2q
يا رب أغفر لأحمد الرميح و ناصر الرميح و أرحمهم و أعف عنهم و جميع موتانا و موتى المسلمين
لا حول و لا قوة إلا الله العلي العظيم
إنا لله و إنا إليه راجعون
دعواتكم لهما و لجميع موتى المسلمين