عرض مشاركة واحدة
قديم 29-11-2004, 04:05 PM   #9
عضو نشيط
 
الصورة الرمزية باريس سدير
 
تم شكره :  شكر 0 فى 0 موضوع
باريس سدير is an unknown quantity at this point

 

قطعة التشفير


=======================================
بسم الله اهم ميزه رأيتها في الجهاز هي ميزة خالط الصوت وهذه ميزة لاتوجد الا في بعض الأجهزة الكبيرة والغاليه فارفع القبعه لأيكوم تحية على هذه الخاصية والتي ستريحنا كثيرا وستجعل هناك امكانيه ما من الخصوصية اذا طبقت بالكامل والله يعينكم اذا مالقيتوا القطعه بالسعوديه بس ان شاء الله تلقونها
==============================
نظام خالط الصوت voice scrambler
الأدوات:
ينبغي توفير القطع التاليه لتشغيل هذه المزية وهي اختياريه يعني لاتتعبون الجهاز مافيه هالقطعه يجب شراءها خارجياً
رقم القطعة (هاه هذي هي UT-109/UT-110)
اسمها وحدة خلط الصوت وبالأنقليزي voice scrmbelr unit
والفائده من هالتشيب انها تقوم بخلط الصوت ويطلع متلخبط غير مفهوم بين المتحدثين.
واقرب مثال على هالوحده مانسمعه في الدوريات والسيناو.
ويجب تركيبها في جهاز المرسل وجهاز المستقبل حتى يتم الإستفاده منها بالشكل الكامل.
هاه وش رايكم مهيب حلوه الفكره ياحليلهم ايكوم حركـــــــات.

تبون عاد وشلون تركبونها تامرون
1- طفي الجهاز. وامصع السلك من الكرهبه.
2- اقلع ابو المسامير الثلاثه اللي بالواجهه (مقدمة الجهاز بالعربي) وبشويش لاتتهور.
3- نسيت اقول انت تقلع المسامير بمسدس مهوب طع طع لا ياحبيبي مفتاح سداسي مقاس 2ز5 ملم.
4- بشويش ولا تعلم احد انزع الواجهة من الراديو.
5- زين شفت هالبورد الحلو اللي قدامك شف فيه دويحتين جمب فيش التشيب اللي بتركبها على اليسار بالضبط بتلاحظ ان هالدويحتين لونهن ذهبي ومتصلات من النص بخطيط صغير ههههههههههههههههههههاه قصه من كل الدويحتين يعني الثنتين ولا تقلع الدويحتين ترا بيروح جهازك بخرايطها.
6- كان عندك الكاتلوج بتشوف الرسمه.
7- هالحين يابو الحبيب ركب التشيب اللي عطيناك رقمها اول.
8- رجع الواجهة بشويش ولاتقرط سلك السماعه سمعت مني وسكر الجهاز بالصواميل حقته.




=======================================طريقة تشغيل قطعة التشفير في الجهاز

نجي عاد لإعدادت الوظيفه
1- اضغط الزر اللي عليه SET(LOCK) بعد تشغيلك للجهاز.
2- اضغط SET(LOCK) او MW(S.MW) عدة مرات لين يظهر على الشاشة SCG--1 حرك فرارالقنوات بصويبعاتك عشان تختار المجموعه اللي تبي من 1 الى اربعه ولازم خويك يحط نفس الرقم انتبهت ياخلفهم.
3- هالحين اضغط SET(LOCK) او MW(S.MW) عدة مرات لين يظهر على الشاشة SCR.
4- فر الفرار عشان تختار شفرة الخلط . واختر عندك من 1 الى 20 كود
يجب ملاحظة رقم القطعه اللي فوق ماهي وحدة بل ثنتين ايهم تحصل حطها كان لقيت 110 فالكودات فيها 256 كود تشفير وان حصلت 109 فيها 32 كود سداسي.

5- هالحين اضغط التون سكان للخروج من قائمة الوظيفه.

وصلنا للأخير
اعدادت التشغيل
1- رح للقناة الي ترغب في التشفير عليها.
2- قم باعداد الوظائف الأخرى على وضع التشغيل مثل الربيتر تون والتون سكويلش الخ.
3- اضغط BANK(OPT) لمدة ثانيه واحدهلتشغيل خالط الصوططططططط (رح تطلع لك (سهمين بشكل دائره على الشاشة)
4- خلاص شغلت التشفير وعيش الخصوصية الي تبي وراسل زي العادي طبعاً لاتصير احول وتراسل واحد ماركب مثلك شريحه تراه مهوب فاهمك ولانتب فاهمه الا اذا فكيت التشفير.
5- عشان تطفي التشفير يابعدي اضغط الزر اللي شغلته فيه وراسل طبيعي ورح تختفي السهمين اللي في الشاشة.
================================================== =

تقييم الجهاز
الجهاز على قولتهم فريندلي يعني سهل التعامل معه مثل الألفين وميه وجميع الخدمات اللي في 2100 فيه بس زادو عليه نظام التشفير وقوة الأرسال وهذولا عندي مهمممممممممممممممممممه جدا، بس فيه ناس يفضلون الألفين وميه اكثر من الثمانية الآف<<< ليه مدري؟؟
=======================================

والباقي جاي ان شاء الله
التوقيع
لااله الا الله محمد رسول الله




خطامة سدير





شكراً للمبدع miss sudeer على التوقيع

باريس سدير غير متصل