بسم الله الرحمن الرحيم
فخر ووسام
سلام ياشبل الاسد نجل الامام=سلام ياحد السيوف الشطيرة
سلام ياصارم ويادرع واحزام=سلام ياجبر العظام الكسيرة
سلام يفخر بك على مر الأيام=يفوح بالكادي وزاكي عبيره
يامير ياللي للمهمات مقدام=حلاّل صعبات الامور العسيره
ياغيث ياريف الفقارى والايتام=يابحر جودٍ عمّ للناس خيره
ياحاكم القاله ويا نسل حكّام=ياساطيٍ سطوة ملوك الجزيره
لنّك ولد نايف ذرى كل منضام=ولنّك سليل المجد منهج وسيره
ولنّك سميٍ للفهد عز الاسلام=ولنّك مثل بحر البحور الغزيره
ياسيدي شوفك لنا فخر ووسام=وخوتك تاج العز في كل ديره
والطيب من راسك ليا روس الاقدام=والخير بقدومك تزايد بشيره
بنيت شعري لك مثل بني الاهرام=سعوديٍ مخلص تفاخر باميره