[TABLE1="widt
95%;"]
بسم الله الرحمن الرحيم
هذه القصيدة عزيزه على قلبي جداً وهي بعنوان ياقلب | [/TABLE1]
ياقلب لا تحزن على فايتٍ فـات=الماضي اللي فات ماهـو بعايـد
قصة زمانٍ عشتها أحروف وأبيات=وترجمتها مثل القصايـد قصايـد
أجمـل معانيهـا مغانـي ولـذات=وأسوا معانيهـا همـوم ونكايـد
أخفيتها عن عالمي داخل الـذات=وأخذت من ذكرى حياتي فرايـد
يسلابها قلبٍ جروحـه عطيبـات=وعليه من جور الجدايـد جدايـد
ياخذني الهاجوس في كل الاوقـات=وأرجع على نفسي بليـا فوايـد
كان الامل والطيب في ناظري مات=تحيا عزومـي فالليـال الشدايـد
لوأخسر الواقع وكل العلاقـات=ماأندم لوإني عشت عمري محايـد
واخير من ترك الشيم والمـروات=أكيـد تـرك مخالفيـن العوايـد
وياقلب لاتحزن على فايتٍ فـات=الماضي اللـي فـات ماهوبعايـد
[TABLE1="widt
95%;"]
الشاعر : ذياب العصيمي | [/TABLE1]