عرض مشاركة واحدة
قديم 18-10-2010, 11:48 PM   #10
مراقب عام
 
الصورة الرمزية لواء العز
 
تم شكره :  شكر 10,679 فى 1,868 موضوع
لواء العز تم تعطيل التقييم

 

رد: ::/::.. أليست هذه هي الحياة ..::/::

قصة حصلت مع أخوي اليوم


واحد من أخواني يدرس في الثانوي .


صف ثاني ثانوي


ويتمنى يروح مع الكشافة لمكة المكرمة علشان يساعد الحجاج وكمان يترك المدرسة ويريح منها .. وهذا المهم .




اليوم في المدرسة .الأستاذ المسئول عن الكشافة . قاله بيسوي له اختبار وإذا نجح فيه راح يروح مع الكشافة .



يقولنا أخوي عاد .. أنا يئست يوم قال اختبار .. خلاص شلت فكرة الروحة من راسي . ورحت أقول لنفسي . أنت وش لك مع الكشافة .. أرجع أرجع أدرس أزين لك ..

(( كان يحاول يمتص الصدمة إذا رسب في الاختبار ))..




ومعي هالأفكار والهواجيس والانتظار كمان له دوور ..


جاه الأستاذ قبل الحصة الأخيرة .


(( قبل صلاة الظهر ))


دخل عليه الفصل وناداه وأستأذن من الأستاذ اللي كان عندهم علشان يطلع .



طلع وهو عاد متوتر حيل ..



قاله شوف .. الاختبار هو أنك بعد الصلاة توقف قدام باب الإدارة وتمنع الكل ما يدخل .


(( هو يمكن قالها كلمه مجازية وما يقصد الأساتذة ))



طبعا صاحبنا .. أستانس وراح التوتر وقال وهو فرحان (( ما ينلام يكره الاختبارات ))



بس !!!!!!!!



قال الأستاذ وهو يضحك .. تراها مهيب بسهلة ..


قال أبد خلاص . موافق ..


راح الأستاذ ورجع أخوي للفصل ..


وبعد ما انتهت الحصة . طلعوا للصلاة . وبعد الصلاة ..


راح وقف قدام باب الإدارة بيمنع الكل ومعه واحد من زملائه يختبر معه أو فازع معه .. ما وضح لنا ..



المهم جوو بعض الطلاب بيدخلون .


رفض . وخاطبهم باحترام وقالهم عن وضعه .


((الطلاب تفهموا وراحوا ))



هو واقف بحزم ضد الأعداء


(( من جد سماهم كذا ))



وبعد قليل من الوقت ..


جاء المدير ..


بيدخل إلا مركز إدارته .. طبعاً هذا من حقه .


ما يدري إلا ذا البزر واقف بوجهه .!؟



قال المدير بابتسامة .. بغيت شي ! وليش ما تروح الفصل ؟


قال مديرنا :


أسمح لي ما أقدر أخليك تدخل لان الأستاذ الفلاني قال لي لا تدخل أحد .



(( المدير : ما يدري .. يصدق ما يصدق ))


قال لا لا ما تخاف أنا عادي أدخل ..



قاله أخوي
والله ما تدخل ولا حتى مدير التعليم براسة يدخل ..


المدير يشوفه جاد ومتحمس بزيادة ..


و راح يناقشه ويحاول معه ..



لان أبو الشباب واقف على الباب


(( وخويه يضحك ومتعجب في نفس الوقت ))



جاء الأستاذ يهرول مو مصدق اللي يصير وأيش ذا مسوي ..


جاء وقال لا لا لا .. مو المدير عاد .


المدير ضحك وقال أنقذنا من طلابك .


..


تأسف الأستاذ وقال لأخوي .. أنا كنت أقصد الطلاب بس .


رد أخوي ..


قال أنت عميت وقلت الكل ..



وهو عاد شوي فيلسوف


قال العسكري ما يفكر في الأوامر وأيش الصح و أيش الخطأ .. العسكري ينفذ ويترك التفكير لقائدة ..



ضحك المدير بصوت عالي وكان الوكيل قريب منهم يوم يقول جملته الفيلسوف .



المدير قعد يتكلم ويشرح له ويقوله نبي أوسمة كبيرة في الحج . و ....



طبعاً أخوي يكره شي أسمه شرح والمدح بزيادة شوي ..




وأبتسم وراح يناضر فيه ويهز راسه


(( يسلم ))


راح المدير لمكتبة ومعه الوكيل



وأعطى الأستاذ أخوي ورقة الموافقة ..



وجانا البيت مرووق وفالها .. حتى أنه أكل ألغدا كله .


هههه



الله يحفظه يارب
التوقيع
اللهم ارحم عبدك سلطان واغفر له وأحسن مدخله وأسكنه الفردوس الأعلى من الجنة.. آمين.
الأربعاء 10 \ 2 \ 1433 هـ . ساعة 9:30م
لواء العز غير متصل   رد مع اقتباس