عرض مشاركة واحدة
قديم 07-07-2017, 05:49 AM   #122
المشرف العام
 
الصورة الرمزية فقيدة امها
 
تم شكره :  شكر 40,187 فى 13,120 موضوع
فقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضوفقيدة امها نسبة التقييم للعضو

 

رد: من سواليف الأولين>> لاتفوتكم ,,,




(قصة وفاء الناقة )

هاذا سلمكم الله قصه صارت على رجل دوسري يقاله عبدالله مفرح
ويلقب بعبدالله الشمالي
هاذا سلمكم الله له ذلول طيبه طيبه ومسمية
( الهدية) وهي سبوق الذلول والرجل يحب الناقة تخبروون
عاد حب النياق ومؤالفها والذلول تبادلهم نفس الشعور
عبدالله هاذا سلمكم الله جاه مرض (الجدري )
وصار طريح الفراش شهرين الناقة تحس بصاحبة مثل ماقالو قعدت تجي
وترفع رواق البيت براسه وتشوفه
وتحن بعد مدة توفي عبدالله صارت الناقة تجي
وترفع الرواق براسه وتراعي لمكانه فاضي وتروح وكانت ابنة
الشمالي عبدالله يقاله ساره
تعقل الناقة عشان ماتسري بالليل قعدت الناقة 60 يوم وهي تهجرع بالحنين
وكان لهم جار يقاله حصيبان عنزي قومته يوم من الايام الذلول
وهي تهجرع قعد يتذكر جاره واغتث وحزن وقصد قصيدة يقول

مل قلـب هيضـه حـس الهديـه ** هجرعت بالصوت من عقب الشمالي
ياذلـول القـرم حمـاي الـرديـه ** اصبري عقبه علـى سقـم الليالـي
ذكرت بالحـب مـن عينـه شقيـه ** ذاكر فـي نجـد خـلان وغالـي
عقـب فقـده ماتوالـف للرعـيـه ** تطرده ساره علـى روس المفالـي
عزتـي للقـرم حطـولـه بنـيـه ** عزتي للقـرم مـن قبـر هيالـي
عادتـه بالكـون يثنـي للـرديـه ** ينسـم الحفيـات ريـف للهزالـي



وهذي قصه اخرى جرت على واحدن اسمه عذال عريان الميحلان من شمر
من قريه الاجفر من قرى حايل عندما ضاعت ناقته وبعدحوالي ٨ سنوات حصلها
في سوق الرياض بالحراج قال هذي ناقتي ولاتباع وحصل مشاده بينه
وبين صاحب الناقه واجتمعو الشرطه والشرع والناس وقالو له اثبت انها ناقتك
وقال اببعد و ابندبها وان جتني فهي ناقتي شرهه
.ندبها فتحركت فحالو الناس بينهم ولكنها ابت فاتجهت له حتى وقفت على رآسه
فقالو الناس أشهد انها ناقتك ياشمري فقال هذه الابيات :

يامن خبر من خلقة الجدي والنوق
بجرد السنين معزيات الجنيني
( شرهه ) ندبته طول حسي مع السوق
وقامت تلوحه طول حسه حنين
هذا عليه من الاجاويد ماثوق
الله وامان الله تنشى يديني
والعين صبت دمعها تقل مدفوق
كله سبايب يوم شرهه تجيني
البدو والحضران والحكم من فوق
والشرع رجع ناقتي في يميني
بنت البويضاء وبنتها جدي للطوق
شرقاً من الموصل لقيت السميني
وخلاف ذا ياراكبينٍ على فوق
زين الكراسي دايمً له رطيني
وسحب من البصره على مذهب البوق
على حديدً قاسيً مايليني


وسلامتكم وإن شاء الله عجبتكم
التوقيع
وفردوساً عليا ياخالقي أسكن بها أباً ، وأماً
أنجبا إبنتاً مدللة ودلالي كان باذخاً .. ربي آرحمهما كما ربياني صغيرآ.
فقيدة امها غير متصل   رد مع اقتباس