[ذياب العصيمي]

بسم الله الرحمن الرحيم

صورتك ماتهاجر

آه من عبرةِ ماوقفتها المحاجر=أسبلت بالدموع الحارقه وافضحني
بعد ما حال دون الزين خاين وفاجر=وحظي اللي رماني والليالي رمني
من صدوف الليالي ذقت حد الخناجر=وذقت من لوعة الحرمان رمح المطني
وإن تواريت حبك داخل الروح ساجر=لو تطاول عذابي والظروف أبعدني
ولو تهاجر ضعونك صورتك ما تهاجر=ساكنه في عيونٍ بالسهر عذبني
اعمر الحب لا تسمع وساع الحناجر=وأنت قلبي وروحي فيك ماخاب ظني
يابعد درةٍ ماجابها كل تاجر=ويابعد من نطق بالضاد مني وعني
ويابعد من سنا نوره يزيل الدياجر=ويابعد مترفاتٍ بالغنج يفتنني
ويابعد من لبس طقم الذهب والبناجر=ويابعد من قضى كل الحياه امتهني
أنت روح الحياه وفي وصالي مواجر=وأنت بلسم جروحٍ فالحشا يشعلني
وآه من عبرةٍ ماوقفتها المحاجر=أسبلت بالدموع الحارقه وافضحني

الشاعر / ذياب العصيمي