[table1="widt
95%;"]
بسم الله الرحمن الرحيم | [/table1]
[table1="widt
95%;"]
عــادة الأنــذال | [/table1]
عادة الأنذال جحادة جميل=تنكر أصحاب الفعول الوافيه
والوفاء عند الأصيل ابن الأصيل=نبع صافي للقلوب الصافيه
عزني ربي وأنا ماني ذليل =ولا تبعت أهل الفعول الهافيه
من زنادي مشعلٍ خشم الفتيل=يوم بعض الناس ناره طافيه
يازمن عجّل ترى دربي طويل=كم مشيت الدرب رجلي حافيه
وكم عطيت إليا قصر مد بخيل=وما حسبت المقفيه واللافيه
ومارجيت ألا رجا الرب الجليل=منهجي من منهج الأسلافيه
شاعرٍ عاش الزمن عابر سبيل=وأحكم المعنى بوزن وقافيه
سارت أقدامي وعجّلت الرحيل=مبتعد فالبينه والخافيه
عن وجيهٍ مابها عز وحصيل=نقص ماتحسب مع العرافيه
وعادة الأنذال جحادة جميل= تنكر أصحاب الفعول الوافيه
الشاعر / ذياب العصيمي