بسم الله الرحمن الرحيم
عـزي لقلب حطـه الهـم نيشـان
رمح العنا بين الضلوع استقرا
ياقلب لاتحزن تراالوقت لوشـان
لابـد بعـد العسر ياتيك يسـرا
وياعين كفي دمعك اليوم لاهـان
لاتظهرين الـدمع ياعيـن بــرا
ذالي ثمان سنين والحال منشان
حسبي على الي ضرواالقلب ضـرا
تبدلت حـال السعـادة بقشـران
والسـكرالحـالي تبـدل بمــرا
ولاعـادلي صـاحب ولافيه صـدقان
ولاعـادبه من نسل الأحرار حـرا
حــرليـامنـي نخـيته كحيــلان
قـرم علـى الطـولات نمر مضـرا
ماهـوب دحـش ميت القلب مليان
تبغى المعونة منه ويجيك شـرا
دنيا دنية والردي صار له شان
تقـلـط شــداده وقـام يتجـرا
يفخر بفعل يااهل العرف مابان
لاهـوب سلــم له ولاهـوب فخـرا
والمرجلة تبغى دلايـل وبرهـان
ماهي هـروج بالمجالـس تطــرا
بوحي