ساس الردي لابد مبناه ينهال ****ولد الردي صاحبي تحطه بطانه
تلقاه وقت الضيق لاصكك الجال **** الصفر لا يغريك زين لمعانه
ترى الذهب من صافي جنيه واريال **** ما يختلف يا ذيب طيلة زمانه
بستان غيرك لوبه الوان واشكال **** ما تنتفع من خوخه وبردقانه
ما ينفعك ما فيه لو بالثمر مال **** لاصار بالغدراء جداره مخانه
احرص عن الزلات في كل الاحوال **** لا تنخدع باللي يعلج اللبانه
ما يفتري ويشين الناس رجال **** راع الحكي بالناس خله وشانه
عليك باللي بالمهمات سردال **** ليث مثل من حط قوسه رهانه
انت وانا نبعد عن القيل والقال **** كم واحدٍ يا ذيب ضره لسانه