[table1="widt
95%;"]
بسم الله الرحمن الرحيم | [/table1]
[table1="widt
95%;"]
وفّـــــر دمـــــوعـــــــكـــــــــ | [/table1]
لاتلتفت يمي معاد إلك تقدير=لاطحت من عيني معاد إلك قيمه
لاصار وصلك غير ومفارقك غير=عندي على الأيام صبر وعزيمه
وفّر دموعك ما تفيد المعاذير=أجمل قصيدة سطرتها اليتيمه
قصيدةٍ تغنيك عن كل تفسير=فيها معزه للنفوس الكريمه
قمه من الإبداع معنى وتصوير=عظيم يابحر البحور العظيمه
شعور له في داخل النفس تأثير=منهل من أفكار العقول الحكيمه
ماهوب فكر ملوثين التفاكير=أهل السماجه والعقول السقيمه
اللي تعذرب منهج كليب والزير=ونهج الجديدة مثل نهج القديمه
ولوطورت في بعض الألفاظ تطوير=أهم شي إن المناهج سليمه
عبرت لك من صافي الفكر تعبير=لاتعتذر معاد لك أي قيمه
[table1="widt
95%;"]
الشاعر / ذياب العصيمي
| [/table1]