الموضوع: الغـربـــه
عرض مشاركة واحدة
قديم 23-12-2009, 06:43 PM   #53
شــــاعــر
 
الصورة الرمزية ذياب العصيمي
 
تم شكره :  شكر 4,807 فى 849 موضوع
ذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضوذياب العصيمي نسبة التقييم للعضو

 

رد: الغربه

بسم الله الرحمن الرحيم

كيف المشايخ ماتحل القضايا؟



يامرحبا بك ياحمد دام مريت=والله يفكك من سهوم المنايا
لاشك غالي ياحمد لوّك أخطيت=وخطاك أعده من عظيم الخطايا
على رضى الاصحاب كفيّت وأوفيت=والله هو اللي عالمٍ بالنوايا
وشعر المواقف لادعاني تعزويت=وسيرت شعري مثل سير السرايا
صدري تفجر كن وسطه دناميت=والهرج يلذع مثل لذع الشظايا
كيف الصلاه إتقام من غير توقيت=وكيف المشايخ ماتحل القضايا
ياقاضي الدعوى علامك تناسيت=وتضفي لباس الزيف فوق العرايا
وين الامانه يازمان العفاريت=وين العداله والفعول النقايا
وشلون صار اطويق والنير واكميت=قاعٍ خلا صفصف وهن الرسايا
متى يورد كل ضامي على هيت=ومتى حمى الراعي يحفظ الرعايا
أقولها من حب لو إني إبليت=والحب بلوى من عظيم البلايا
ياليتني ماكان للشعر حبيت=والشعر بيّاح السدود الخفايا
وياليتني من دلته ما تقهويت=والشعر يجري في جميع الخلايا
والكامل الله لو بشعري تضاهيت=والكل في شعره عيوب ومزايا
وياليتني عن جيّت الصرح صديت=وأرتحت من وقتٍ يسبب عنايا
هذا المقدر يبكي الشعر وأبكيت=عوج الضلوع وبالقصايد عزايا
التوقيع

كان الأمل والطيب في ناظري مات=تحيا عزومي فالليال الشدايد
ولو أخسر الواقع وكل العلاقات=ماأندم لو إني عشت عمري محايد
ذياب العصيمي غير متصل   رد مع اقتباس