[TABLE1="widt
95%;"]
بسم الله الرحمن الرحيم
هذه قصيدة غزليه أتمنى أن تحوز على رضاكم وهي بعنوان يا بدر | [/TABLE1]
يابدر صبري قضى والنفس محرومه=من واحدٍ عفت صدقاني على شانه
غروٍ ذبحني بنظراته و منظومه=بعده حياتي شقيه مالها خانه
من أول أجلس قباله وأسمع اعلومه=واليوم عين الشقا بالدمع غرقانه
حسبي على الوقت يمي وجه اسهومه=ودمر وطن حبي وصرحه وميدانه
وأرسل سهومٍ من الحرمان مسمومه=تبتر وتحرق بقايا كبد عطشانه
يامن عليه أشتكي والروح مظلومه=ويامن له أبث شكوى القلب وأحزانه
ياالله ياعالمٍ بالحال واهمومه=يامنج ذا النون من بحرك وحيتانه
تلطف بحالٍ من الايام مسقومه=في غبة الهم والتفكير حيرانه
والنفس ماهي عن الزلات معصومه= ولا دلها غير هدي الله سبحانه
ومدام صبري قضى والنفس محرومه=والله ماأعاف صدقاني على شانه
[TABLE1="widt
95%;"]
الشاعر : ذياب العصيمي | [/TABLE1]