بسم الله الرحمن الرحيم
من منطلق حبي لسدير وأهلها وصرحنا الشامخ عبرت وترجمت لكم أحاسيسي في بعض الابيات وأرجو أن تعذروني على التقصير
يادرة المليون
يا درة المليون مليون مبروك=غنيتها والشعر هجرس وغنّا
يا صرحنا ما يدخلك ريب وشكوك=فيك إعتزاز وفيك علمٍ وفنّا
ويا بنك ما يشبهك فالعالم ابنوك=وافر رصيدك وأنت من ورث أهلنا
أهل الرشاوي من تعاملك لاموك=لانك نزيه وعند حسن المظنّا
تزرع ورود الحب ما تزرع الشوك=واللي يثير الكره ماهوب منّا
ولا لا تلوم اللي من القلب حبوك=واقصور حبك فالضماير تبنّا
فيك القصيد اوقوف ماجاتك ابروك=تهدر هدير من الصطا ماتحنّا
من شاعرٍ سقم العدا كان ناشوك=وريف الضيوف ونسل زبن المجنّا
وتسلم رجالٍ طول الايام عزوك=مثل الجبال اعزومهم ما تثنّا
في ظل دارٍ عزّها الله بملوك=الله يحفظهم ويحمى وطنّا