بسم الله الرحمن الرحيم
ياخاين الاصحاب
ياخاين الاصحاب بانت نواياك=ماكن لاصحاب المواجيب قيمه
في ذمتي ما أحدٍ يسوي سواياك=ألا خبيثٍ مايكب الظليمه
يشهد على ماقلته انجوم الافلاك=إنك ظلمت أهل اليدين الكريمه
سويت فرقٍ بين ذولا وذولاك=وآخر محاصيلك ليالٍ عقيمه
العود الازرق طيب ماهوب تنباك=والغربي الغربي مايجهل نسيمه
وعود السلم والطلح مايشبه الراك=والفرق واضح للعقول الحكيمه