هاك الرجال اللي مر على هاك القرية .. قرية ضاربها الجوع وكلن خايف على اللي عنده.. كل من شافه حاول يكرهه في القرية ونه في وقت من ألأوقات بتصير مجاعة عندهم .. علشان مايأكلونه ..
عرف غايتهم ورحم حالهم ..
قال لهم " انا ماجيت اطلب اكل .. في الحقيقة إني جاي ابا اسوي لكم مرقة تكفي القرية كلها"
اهل القرية تجمعوا حوله وهم يشككون بعقلية الرجال وهو يغلي ماء..في طشت كبير.. وهو مبسوط ويبتسم.. طلّع حصاة من قفشته.. وجدعها في الما..
وقعد يشم الما.. ويقول يازينها ريحة.. اهل القرية كنهم بدوا يتشوقون للنتيجه ..
لاطفهم وقال " على قولة ابراهيم الصلال" .. اُما عاد لو معها بطاطس وجزر وكوسة وشوي طماط وبصل .. كان علوم "
تطامروا وكلن جاب اللي عنده .. سوا مرقة كفّت اهل القرية وزود ..
العبرة الأخلاقية واضحة يأحبائي..